ਪਾਕਿਸਤਾਨ ਦੇ ਚੀਫ਼ ਜਸਟਿਸ ਮੀਆਂ ਸਾਕਿਬ ਨਿਸਾਰ ਨੇ ਦੇਸ਼ ਵਿਚ 'ਫ਼ੌਜੀ ਸ਼ਾਸਨ' ਲਗਾਏ ਜਾਣ ਦੀ ਸ਼ੰਕਾ ਅਤੇ ਅਫ਼ਵਾਹਾ ਨੂੰ ਖਾਰਜ...
ਇਸਲਾਮਾਬਾਦ : ਪਾਕਿਸਤਾਨ ਦੇ ਚੀਫ਼ ਜਸਟਿਸ ਮੀਆਂ ਸਾਕਿਬ ਨਿਸਾਰ ਨੇ ਦੇਸ਼ ਵਿਚ 'ਫ਼ੌਜੀ ਸ਼ਾਸਨ' ਲਗਾਏ ਜਾਣ ਦੀ ਸ਼ੰਕਾ ਅਤੇ ਅਫ਼ਵਾਹਾ ਨੂੰ ਖਾਰਜ ਕਰਦਿਆਂ ਕਿਹਾ ਕਿ ਉਹ ਅਸਤੀਫ਼ਾ ਦੇ ਦੇਣਗੇ ਪਰ ਅਜਿਹੇ ਕਿਸੇ ਵੀ ਕਦਮ ਦਾ ਕਦੇ ਵੀ ਸਮਰਥਨ ਨਹੀਂ ਕਰਨਗੇ। ਜਸਟਿਸ ਨਿਸਾਰ ਨੇ ਭਰੋਸਾ ਦਿਤਾ ਕਿ ਚੋਣਾਂ ਵਿਚ ਕਿਸੇ ਵੀ ਤਰ੍ਹਾਂ ਦੀ ਦੇਰੀ ਦੀ ਇਜਾਜ਼ਤ ਨਹੀਂ ਦਿਤੀ ਜਾਵੇਗੀ। ਉਨ੍ਹਾਂ ਪਾਕਿਸਤਾਨ ਦੀ ਅਵਾਮ ਨੂੰ ਆਖਿਆ ਕਿ ਉਹ ਉਨ੍ਹਾਂ 'ਤੇ ਭਰੋਸਾ ਕਰਨ।
resign but wont endorse martial law :Pak Chief Justicel
ਸੁਪਰੀਮ ਕੋਰਟ ਬਾਰ ਐਸੋਸੀਏਸ਼ਨ ਦੀ ਇਮਾਰਤ ਵਿਚ ਇਕ ਆਡੀਟੋਰੀਅਮ ਦਾ ਨਾਮ ਬਦਲ ਕੇ ਮਰਹੂਮ ਮਨੁੱਖੀ ਅਧਿਕਾਰ ਕਾਰਜਕਰਤਾ ਆਸਮਾਂ ਜਹਾਂਗੀਰ ਦੇ ਨਾਮ 'ਤੇ ਰੱਖਣ ਮੌਕੇ ਕਰਵਾਏ ਇਕ ਸਮਾਗਮ ਵਿਚ ਨਿਸਾਰ ਨੇ ਕਿਹਾ ਕਿ ਸੰਵਿਧਾਨ ਵਿਚ ਕਿਸੇ ਵੀ ਤਰ੍ਹਾਂ ਦੇ ਫ਼ੌਜੀ ਸ਼ਾਸਨ ਲਈ ਕੋਈ ਥਾਂ ਨਹੀਂ ਹੈ।
resign but wont endorse martial law :Pak Chief Justicel
ਉਨ੍ਹਾਂ ਆਖਿਆ ਕਿ ਜੇਕਰ ਮੈਂ ਇਸ ਨੂੰ ਰੋਕ ਨਹੀਂ ਪਾਵਾਂਗਾ ਤਾਂ ਘਰ ਪਰਤ ਜਾਵਾਂਗਾ ਪਰ ਇਸ ਦਾ ਕਦੇ ਸਮਰਥਨ ਨਹੀਂ ਕਰਾਂਗਾ। ਅਹੁਦੇ ਤੋਂ ਹਟਾਏ ਗਏ ਪ੍ਰਧਾਨ ਮੰਤਰੀ ਨਵਾਜ਼ ਸ਼ਰੀਫ਼ ਨੇ ਇਕ ਦਿਨ ਪਹਿਲਾਂ ਕਿਹਾ ਸੀ ਕਿ ਦੇਸ਼ ਫ਼ੌਜੀ ਸ਼ਾਸਨ ਦੇ ਕੁਚੱਕਰ ਵਿਚ ਫਸ ਗਿਆ ਹੈ।
resign but wont endorse martial law :Pak Chief Justicel
ਉਨ੍ਹਾਂ ਕਿਹਾ ਸੀ ਕਿ ਉਨ੍ਹਾਂ ਦੀ ਪਾਰਟੀ ਆਮ ਚੋਣਾਂ ਵਿਚ ਕਿਸੇ ਵੀ ਤਰ੍ਹਾਂ ਦੀ ਦੇਰੀ ਨੂੰ ਸਵੀਕਾਰ ਨਹੀਂ ਕਰੇਗੀ। ਪਾਕਿਸਤਾਨ ਵਿਚ ਆਮ ਚੋਣਾਂ ਜੁਲਾਈ ਮਹੀਨੇ ਹੋਣੀਆਂ ਹਨ।
