ਇਜ਼ਰਾਇਲੀ ਸੈਨਿਕਾਂ ਵਲੋਂ 18 ਫਿਲੀਸਤੀਨੀਆਂ ਦੇ ਮਾਰੇ ਜਾਣ ਤੋਂ ਬਾਅਦ ਅਮਰੀਕਾ ਨੇ ਅਜ ਫਿਲੀਸਤੀਨੀਆਂ ਨੂੰ ਅਪੀਲ ਕੀਤੀ ਕਿ ਉਹ ਇਜ਼ਰਾਇਲ...
ਵਾਸ਼ਿੰਗਟਨ : ਇਜ਼ਰਾਇਲੀ ਸੈਨਿਕਾਂ ਵਲੋਂ 18 ਫਿਲੀਸਤੀਨੀਆਂ ਦੇ ਮਾਰੇ ਜਾਣ ਤੋਂ ਬਾਅਦ ਅਮਰੀਕਾ ਨੇ ਅਜ ਫਿਲੀਸਤੀਨੀਆਂ ਨੂੰ ਅਪੀਲ ਕੀਤੀ ਕਿ ਉਹ ਇਜ਼ਰਾਇਲ ਨਾਲ ਲੱਗਣ ਵਾਲੀ ਗਾਜਾ ਸਰਹੱਦ ਤੋਂ 500 ਮੀਟਰ ਦੂਰ ਰਹਿਣ ਅਤੇ ਸ਼ਾਂਤੀਪੂਰਨ ਪ੍ਰਦਰਸ਼ਨ ਕਰਨ। ਤਾਜ਼ਾ ਪ੍ਰਦਰਸ਼ਨਾਂ ਦੀ ਪਹਿਲੀ ਸ਼ਾਮ 'ਤੇ ਇਜ਼ਰਾਇਲ ਨੂੰ 'ਜ਼ਿਆਦਾ ਸਾਵਧਾਨੀ' ਵਰਤਣ ਦੀ ਸੰਯੁਕਤ ਰਾਸ਼ਟਰ ਦੀ ਚਿਤਾਵਨੀ ਦੌਰਾਨ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੇ ਦੂਤ ਜੈਸਨ ਗ੍ਰੀਨਬਲਾਟਟ ਨੇ ਇਸ ਦੀ ਜ਼ਿੰਮੇਦਾਰੀ ਪੂਰੀ ਤਰ੍ਹਾਂ ਫਿਲੀਸਤੀਨੀਆਂ 'ਤੇ ਪਾ ਦਿਤੀ।
ਉਨ੍ਹਾਂ ਕਿਹਾ ਕਿ ਅਮਰੀਕਾ ਪ੍ਰਦਰਸ਼ਨ ਦੀ ਅਗਵਾਈ ਕਰ ਰਹੇ ਲੋਕਾਂ ਨੂੰ ਅਪੀਲ ਕਰਦਾ ਹੈ ਕਿ ਉਹ ਸਪਸ਼ਟ ਰੂਪ ਨਾਲ ਪ੍ਰਦਰਸ਼ਨਕਾਰੀਆਂ ਨੂੰ ਦਸ ਦੇਣ ਕਿ ਸ਼ਾਂਤੀਪੂਰਨ ਤਰੀਕੇ ਨਾਲ ਮਾਰਚ ਕਰਨਾ ਹੈ। ਗ੍ਰੀਨਬਲਾਟਟ ਨੇ ਕਿਹਾ ਕਿ ਪ੍ਰਦਰਸ਼ਨਕਾਰੀਆਂ ਨੂੰ 'ਬਫਰ ਜੋਨ ਤੋਂ 500 ਮੀਟਰ ਦੂਰ ਰਹਿਣਾ ਚਾਹੀਦਾ ਹੈ ਅਤੇ ਕਿਸੇ ਵੀ ਰੂਪ ਵਿਚ ਕਿਸੇ ਵੀ ਸਥਾਨ 'ਤੇ ਸਰਹੱਦ ਦੀ ਕੰਢਿਆਲੀ ਤਾਰ ਤਕ ਨਹੀਂ ਕਰਨਾ ਹੈ।' ਉਨ੍ਹਾਂ ਕਿਹਾ ਅਸੀਂ ਉਨ੍ਹਾਂ ਪ੍ਰਦਰਸ਼ਨਕਾਰੀਆਂ ਅਤੇ ਨੇਤਾਵਾਂ ਦੀ ਨਿੰਦਾ ਕਰਦੇ ਹਾਂ ਜੋ ਹਿੰਸਾ ਦੀ ਅਪੀਲ ਕਰਦੇ ਹਨ ਜਾਂ ਜੋ ਬੱਚਿਆਂ ਸਮੇਤ ਪ੍ਰਦਰਸ਼ਨਕਾਰੀਆਂ ਨੂੰ ਕੱਢਿਆਲੀ ਤਾਰ ਵਲ ਇਹ ਜਾਣਦੇ ਹੋਏ ਵੀ ਭੇਜਦੇ ਹਨ ਕਿ ਇਸ ਵਿਚ ਉਨ੍ਹਾਂ ਦੀ ਜਾਨ ਵੀ ਜਾ ਸਕਦੀ ਹੈ, ਜਾਂ ਉਹ ਜ਼ਖਮੀ ਵੀ ਹੋ ਸਕਦੇ ਹਨ।
ਸ਼ੁਕਰਵਾਰ ਨੂੰ ਹਿੰਸਾ ਦੇ ਨਵੇਂ ਦੌਰ ਦੇ ਸ਼ੱਕ ਦੌਰਾਨ ਇਜ਼ਰਾਇਲ ਨੇ ਕਿਹਾ ਹੈ ਕਿ ਗੋਲੀ ਚਲਾਉਣ ਦੇ ਉਸ ਦੇ ਨਿਯਮ ਵਿਚ ਬਦਲਾਅ ਨਹੀਂ ਹੋਇਆ ਹੈ। ਪ੍ਰਦਰਸ਼ਨ ਦੇ ਆਯੋਜਕਾਂ ਨੇ ਕਿਹਾ ਕਿ ਉਹ ਪ੍ਰਦਰਸ਼ਨਕਾਰੀਆਂ ਦੇ ਛੋਟੇ ਸਮੂਹ ਨੂੰ ਸਰਹੱਦ 'ਤੇ ਲੱਗੀ ਕੰਢਿਆਲੀ ਤਾਰ ਕੋਲ ਜਾਣ ਅਤੇ ਪਥਰਾਅ ਕਰਨ ਅਤੇ ਇਜ਼ਰਾਇਲੀ ਸੈਨਿਕਾਂ ਵੱਲ ਸੜਦੇ ਹੋਏ ਟਾਇਰ ਸੁੱਟਣ ਤੋਂ ਰੋਕਣ ਦੀ ਯੋਜਨਾ ਬਣਾ ਰਹੇ ਹਨ।