ਇਰਾਕ ਦੇ ਮੋਸੁਲ ਤੋਂ 5200 ਲਾਸ਼ਾਂ ਬਰਾਮਦ, 2658 ਆਮ ਨਾਗਰਿਕ ਅਤੇ 2570 ਲਾਸ਼ਾਂ ਅਤਿਵਾਦੀਆਂ ਦੀਆਂ
Published : Jul 6, 2018, 4:36 pm IST
Updated : Jul 6, 2018, 4:36 pm IST
SHARE ARTICLE
 Mosul of Iraq
Mosul of Iraq

ਇਰਾਕ ਦੇ ਮੋਸੁਲ ਸ਼ਹਿਰ ਵਿਚ ਤਬਾਹ ਹੋਈਆਂ ਇਮਾਰਤਾਂ ਦੇ ਮਲਬੇ ਤੋਂ ਬੀਤੇ ਮਹੀਨੇ 5200 ਤੋਂ ਜ਼ਿਆਦਾ ਲਾਸ਼ਾਂ ਬਰਾਮਦ ਕੀਤੀਆਂ ਗਈਆਂ ਹਨ। ਮੋਸੁਲ ਨਗਰ ਪਾਲਿਕਾ ਦੇ ਲਾਈਥ....

ਨਵੀਂ ਦਿੱਲੀ : ਇਰਾਕ ਦੇ ਮੋਸੁਲ ਸ਼ਹਿਰ ਵਿਚ ਤਬਾਹ ਹੋਈਆਂ ਇਮਾਰਤਾਂ ਦੇ ਮਲਬੇ ਤੋਂ ਬੀਤੇ ਮਹੀਨੇ 5200 ਤੋਂ ਜ਼ਿਆਦਾ ਲਾਸ਼ਾਂ ਬਰਾਮਦ ਕੀਤੀਆਂ ਗਈਆਂ ਹਨ। ਮੋਸੁਲ ਨਗਰ ਪਾਲਿਕਾ ਦੇ ਲਾਈਥ ਜੈਨੀ ਦਾ ਕਹਿਣਾ ਹੈ ਕਿ ਬੀਤੇ ਮਹੀਨੇ 5228 ਲਾਸ਼ਾਂ ਬਰਾਮਦ ਹੋਈਆਂ, ਜਿਨ੍ਹਾਂ ਵਿਚ 2658 ਨਾਗਰਿਕਾਂ ਦੀਆਂ ਲਾਸ਼ਾਂ ਹਨ, ਜਦਕਿ 2570 ਇਸਲਾਮਕ ਸਟੇਟ ਦੇ ਅਤਿਵਾਦੀਆਂ ਦੀ ਹਨ। ਜੈਨੀ ਨੇ ਕਿਹਾ ਕਿ ਅਸੀਂ ਸ਼ਵਾਨ ਸ਼ਹਿਰ ਵਿਚ ਮਲਬੇ ਤੋਂ ਛੇ ਅਣਪਛਾਤੇ ਲੋਕਾਂ ਦੀਆਂ ਲਾਸ਼ਾਂ ਬਰਾਮਦ ਕੀਤੀਆਂ ਹਨ। ਸਾਡਾ ਮੰਨਣਾ ਹੈ ਕਿ ਮਲਬੇ ਵਿਚ ਅਜੇ 500 ਤੋਂ 700 ਤਕ ਲਾਸ਼ਾਂ ਹੋਰ ਹੋ ਸਕਦੀਆਂ ਹਨ।

PrimeMinisterPrimeMinister Al Abbasi

ਜੈਨੀ ਦਾ ਕਹਿਣਾ ਹੈ ਕਿ ਆਈਐਸ ਅਤਿਵਾਦੀਆਂ ਦੀਆਂ ਲਾਸ਼ਾਂ ਦੀ ਪਹਿਚਾਣ ਹੋਣ ਤੋਂ ਬਾਅਦ ਇਨ੍ਹਾਂ ਨੂੰ ਅਲੱਗ ਕਬਰਸਤਾਨ ਵਿਚ ਦਫ਼ਨਾਇਆ ਜਾਵੇਗਾ। ਇਰਾਕੀ ਪ੍ਰਧਾਨ ਮੰਤਰੀ ਅਲ ਆਬਾਦੀ ਵਲੋਂ ਅਤਿਵਾਦੀਆਂ ਨੂੰ ਜਲਦ ਫਾਂਸੀ ਦਿਤੇ ਜਾਣ ਦੇ ਨਿਰਦੇਸ਼ ਤੋਂ ਬਾਅਦ ਇਰਾਕ ਵਿਚ ਅਤਿਵਾਦੀ ਗਤੀਵਿਧੀਆਂ ਨੂੰ ਅੰਜ਼ਾਮ ਦੇਣ ਦੇ ਦੋਸ਼ੀ 12 ਅਤਿਵਾਦੀਆਂ ਨੂੰ ਫਾਂਸੀ ਦੇ ਦਿਤੀ ਗਈ। ਖ਼ਬਰ ਏਜੰਸੀ ਮੁਤਾਬਕ ਇਸਲਾਮਕ ਸਟੇਟ ਦੇ ਮੈਂਬਰਾਂ ਵਲੋਂ ਹਾਲ ਹੀ ਵਿਚ ਅਗਵਾ ਅਤੇ ਅੱਠ ਸੁਰੱਖਿਆ ਕਰਮੀਆਂ ਦੀ ਹੱÎਤਿਆ ਕਰਨ ਦੇ ਜਵਾਬ ਵਿਚ ਇਹ ਕਦਮ ਉਠਾਇਆ ਗਿਆ ਹੈ।

IraqIraq

ਅਲ ਆਬਾਦੀ ਦੇ ਨਿਰਦੇਸ਼ 'ਤੇ ਬੀਤੇ ਦਿਨੀਂ ਅਤਿਵਾਦੀਆਂ ਨੂੰ ਫਾਂਸੀ ਦਿਤੀ ਗਈ ਹੈ। ਇਰਾਕੀ ਫ਼ੌਜ ਨੇ ਬੁਧਵਾਰ ਨੂੰ ਇਰਾਕ ਵਿਚ ਦਿਆਲਾ ਅਤੇ ਸਲਾਹੂਦੀਨ ਦੀ ਸੂਬਾਈ ਸਰਹੱਦ ਦੇ ਵਿਚਕਾਰ ਸਰਹਾ ਪਿੰਡ ਵਿਚ ਆਈਐਸ ਦੁਆਰਾ ਅਗਵਾ ਕੀਤੇ ਗਏ ਅੱਠ ਲੋਕਾਂ ਦੀਆਂ ਲਾਸ਼ਾਂ ਬਰਾਮਦ ਕੀਤੀਆਂ ਸਨ। ਇਹ ਲਾਸ਼ਾਂ ਪੁਲਿਸ ਮੁਲਾਜ਼ਮਾਂ ਅਤੇ ਹੋਰ ਅਰਧ ਸੈਨਿਕ ਦਸਤੇ ਹਸ਼ਦ ਸ਼ਾਬੀ ਬਲ ਦੇ ਮੈਂਬਰਾਂ ਦੀਆਂ ਸਨ। ਦਸ ਦਈਏ ਕਿ ਬੀਤੇ ਕੁੱਝ ਮਹੀਨੇ ਪਹਿਲਾਂ ਇਰਾਕ ਦੀ ਫ਼ੌਜ ਨੇ ਮੋਸੁਲ ਵਿਚ ਅਤਿਵਾਦੀਆਂ ਨੂੰ ਮਾਰ ਮੁਕਾਇਆ ਸੀ ਅਤੇ ਅਪਣਾ ਕਬਜ਼ਾ ਵਾਪਸ ਲੈ ਲਿਆ ਸੀ।

iqakkIraq

ਇਸ ਲੜਾਈ ਦੌਰਾਨ ਅਮਰੀਕੀ ਫ਼ੌਜ ਵੀ ਉਸ ਦਾ ਸਾਥ ਦੇ ਰਹੀ ਸੀ। ਇਰਾਕ ਅਤੇ ਸੀਰੀਆ ਵਿਚ ਇਸਲਾਮਕ ਸਟੇਟ ਨਾਲ ਲੜ ਰਹੀ ਅਮਰੀਕਾ ਦੀ ਅਗਵਾਈ ਵਾਲੀ ਫ਼ੌਜ ਨੇ ਇਕੋ ਜਿਹੀ ਰਣਨੀਤੀ ਅਪਣਾਈ, ਉਥੇ ਵੱਡੀ ਗਿਣਤੀ ਵਿਚ ਅਮਰੀਕੀ ਫ਼ੌਜੀਆਂ ਨੂੰ ਉਤਾਰਨ ਦੀ ਬਜਾਏ ਆਈਐਸ 'ਤੇ ਦੋ ਤਰਫ਼ੇ ਵਾਰ ਕੀਤੇ ਜਾ ਰਹੇ ਸਨ। ਇਕ ਪਾਸੇ ਤਾਂ ਉਨ੍ਹਾਂ 'ਤੇ ਹਵਾਈ ਹਮਲੇ ਕੀਤੇ ਜਾ ਰਹੇ ਸਨ ਤਾਂ ਦੂਜੇ ਪਾਸੇ ਜ਼ਮੀਨੀ ਪੱਧਰ 'ਤੇ ਲੜਾਈ ਲੜੀ ਜਾ ਰਹੀ ਸੀ।

iraakIraq

ਪੈਂਟਾਗਨ ਨੇ ਇਰਾਕ ਵਿਚ ਵੱਡੀ ਜਿੱਤ ਦਾ ਸਿਹਰਾ ਇਰਾਕੀ ਫ਼ੌਜ ਦੇ ਸਿਰ ਸਜਾਇਆ ਸੀ। 2008 ਤੋਂ 2011 ਦੇ ਵਿਚਕਾਰ ਇਰਾਕੀ ਫ਼ੌਜ ਨੂੰ ਅਮਰੀਕੀ ਸਿਖ਼ਲਾਈ ਦਿਤੀ ਗਈ ਸੀ ਪਰ ਉਹ ਜ਼ਿਆਦਾਤਰ ਵਿਦਰੋਹੀਆਂ ਨੂੰ ਸੰਭਾਲਣ 'ਤੇ ਕੇਂਦਰਤ ਸੀ ਜਦਕਿ ਇੱਥੇ ਮੁਕਾਬਲਾ ਆਈਐਸ ਵਰਗੇ ਖ਼ਤਰਨਾਕ ਅਤਿਵਾਦੀਆਂ ਨਾਲ ਸੀ ਪਰ ਫਿਰ ਵੀ ਇਰਾਕੀ ਫ਼ੌਜ ਨੇ ਅਪਣੀ ਸ਼ਾਨਦਾਰ ਕਾਰਗੁਜ਼ਾਰੀ ਦਿਖਾਈ।  

Location: India, Delhi

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ

ਸਬੰਧਤ ਖ਼ਬਰਾਂ

Advertisement

ਬੱਸ ਤੇ ਕਾਰ ਦੀ ਸਿੱਧੀ ਟੱਕਰ ਮਚ ਗਿਆ ਚੀਕ-ਚਿਹਾੜਾ ਫਿਰੋਜ਼ਪੁਰ ਦੇ ਜੀਰਾ ’ਚ ਵਾਪਰਿਆ ਦਰਦਨਾਕ ਹਾਦਸਾ

28 Mar 2024 1:08 PM

Punjab 'ਚ ਵਿਕ ਰਿਹਾ ਨਕਲੀ ਸੀਮਿੰਟ! Ambuja ਤੇ ACC ਸੀਮਿੰਟ ਦੇ ਗੱਟਿਆਂ ਨਾਲ ਭਰਿਆ ਟਰੱਕ Police ਨੇ ਫੜਿਆ

28 Mar 2024 12:50 PM

Punjabi Family ਨਾਲ Rajasthan ’ਚ ਹਾਦਸਾ, 2 ਮਹੀਨੇ ਪਹਿਲਾਂ ਵਿਆਹੇ ਪੁੱਤ-ਨੂੰਹ ਸਮੇਤ 4 ਜੀਆਂ ਦੀ ਮੌ*ਤ...

28 Mar 2024 10:22 AM

Sushil Rinku ਤੇ Sheetal Angural ਨੂੰ ਸਿੱਧੇ ਹੋ ਗਏ 'ਆਪ' ਵਿਧਾਇਕ Goldy Kamboj.. ਸਾਧਿਆ ਤਿੱਖਾ ਨਿਸ਼ਾਨਾ..

28 Mar 2024 9:45 AM

AAP ਵਿਧਾਇਕ ਨੂੰ ਭਾਜਪਾ ਦਾ ਆਇਆ ਫ਼ੋਨ, ਪਾਰਟੀ ਬਦਲਣ ਲਈ 20 ਤੋਂ 25 ਕਰੋੜ ਅਤੇ Y+ ਸਕਿਊਰਿਟੀ ਦਾ ਆਫ਼ਰ, MLA ਗੋਲਡੀ...

27 Mar 2024 4:51 PM
Advertisement