ਈਰਾਨ ’ਚ ਔਰਤਾਂ ਵਲੋਂ ਲਾਜ਼ਮੀ ਰੂਪ ’ਚ ਹਿਜਾਬ ਪਹਿਨਣ ਦੇ ਮੁੱਦੇ ਨੂੰ ਲੈ ਕੇ ਭੁੱਖ ਹੜਤਾਲ ਸ਼ੁਰੂ ਕੀਤੀ
Narges Mohammadi News : ਈਰਾਨ ਦੀ ਇਕ ਜੇਲ ’ਚ ਬੰਦ ਨੋਬਲ ਸ਼ਾਂਤੀ ਪੁਰਸਕਾਰ ਜੇਤੂ ਨਰਗਿਸ ਮੁਹੰਮਦੀ ਦੀ ਰਿਹਾਈ ਦੀ ਮੰਗ ਕਰਨ ਵਾਲੀ ਇਕ ਮੁਹਿੰਮ ਨੇ ਸੋਮਵਾਰ ਨੂੰ ਕਿਹਾ ਕਿ ਮਨੁੱਖੀ ਅਧਿਕਾਰ ਕਾਰਕੁਨ ਨਰਗਿਸ ਨੇ ਅਪਣੀਆਂ ਕੈਦ ਦੀ ਸਜ਼ਾ ਦੀਆਂ ਸ਼ਰਤਾਂ ਤੋਂ ਇਲਾਵਾ ਈਰਾਨ ’ਚ ਔਰਤਾਂ ਵਲੋਂ ਲਾਜ਼ਮੀ ਰੂਪ ’ਚ ਹਿਜਾਬ ਪਹਿਨਣ ਦੇ ਮੁੱਦੇ ਨੂੰ ਲੈ ਕੇ ਭੁੱਖ ਹੜਤਾਲ ਸ਼ੁਰੂ ਕਰ ਦਿਤੀ ਹੈ।
‘ਫ਼ਰੀ ਮੁਹੰਮਦੀ’ ਨਾਂ ਦੀ ਮੁਹਿੰਮ ਨੇ ਕਿਹਾ ਕਿ ਨੋਬਲ ਪੁਰਸਕਾਰ ਜੇਤੂ ਨੇ ‘ਏਵਿਨ ਜੇਲ੍ਹ ਤੋਂ ਇਕ ਸੰਦੇਸ਼ ਰਾਹੀਂ ਅਪਣੇ ਪਰਿਵਾਰ ਨੂੰ ਸੂਚਿਤ ਕੀਤਾ ਹੈ ਕਿ ਉਸ ਨੇ ਕਈ ਘੰਟੇ ਪਹਿਲਾਂ ਭੁੱਖ ਹੜਤਾਲ ਸ਼ੁਰੂ ਕੀਤੀ ਹੈ।’
ਮੁਹਿੰਮ ’ਚ ਕਿਹਾ ਗਿਆ ਹੈ ਕਿ ਮੁਹੰਮਦੀ ਅਤੇ ਉਸ ਦੇ ਵਕੀਲ ਉਸ ਨੂੰ ਦਿਲ ਅਤੇ ਫੇਫੜਿਆਂ ਦੀ ਦੇਖਭਾਲ ਲਈ ਇਕ ਮਾਹਰ ਡਾਕਟਰਾਂ ਵਾਲੇ ਹਸਪਤਾਲ ’ਚ ਤਬਦੀਲ ਕਰਨ ਲਈ ਹਫ਼ਤਿਆਂ ਤੋਂ ਮੰਗ ਕਰ ਰਹੇ ਹਨ। ਇਸ ’ਚ ਇਹ ਨਹੀਂ ਦਸਿਆ ਕਿ ਮੁਹੰਮਦੀ ਕਿਹੜੀਆਂ ਪ੍ਰੇਸ਼ਾਨੀਆਂ ਤੋਂ ਪੀੜਤ ਹੈ, ਹਾਲਾਂਕਿ ਇਹ ਉਸ ਦੇ ਦਿਲ ਦਾ ਈਕੋਕਾਰਡੀਓਗਰਾਮ ਪ੍ਰਾਪਤ ਕਰਨ ਬਾਰੇ ਦਸਿਆ ਗਿਆ ਹੈ।
ਈਰਾਨ ਦੇ ਸਰਕਾਰੀ ਮੀਡੀਆ ਨੇ ਨਰਗਿਸ ਦੇ ਭੁੱਖ ਹੜਤਾਲ ’ਤੇ ਜਾਣ ਬਾਰੇ ਕੋਈ ਜਾਣਕਾਰੀ ਨਹੀਂ ਦਿਤੀ ਹੈ। ਨਰਗਿਸ ਮੁਹੰਮਦੀ (51) ਨੇ ਕਰੈਕਡਾਊਨ ਅਤੇ ਕਈ ਗ੍ਰਿਫਤਾਰੀਆਂ ਅਤੇ ਸਾਲਾਂ ਦੀ ਕੈਦ ਦੇ ਬਾਵਜੂਦ ਈਰਾਨ ’ਚ ਮਨੁੱਖੀ ਅਧਿਕਾਰਾਂ ਲਈ ਅਪਣੀ ਮੁਹਿੰਮ ਜਾਰੀ ਰੱਖੀ ਹੈ।
ਨਰਗਿਸ ਨੇ ਪਿਛਲੇ ਸਾਲ ਈਰਾਨ ’ਚ ਹਿਜਾਬ ਪਹਿਨਣ ਤੋਂ ਇਨਕਾਰ ਕਰਨ ’ਤੇ 22 ਸਾਲਾ ਮਾਹਸਾ ਅਮੀਨੀ ਦੀ ਨਜ਼ਰਬੰਦੀ ਅਤੇ ਮੌਤ ਤੋਂ ਬਾਅਦ ਸਰਕਾਰ ਵਿਰੁਧ ਦੇਸ਼ ਵਿਆਪੀ ਔਰਤਾਂ ਦੇ ਵਿਰੋਧ ਪ੍ਰਦਰਸ਼ਨਾਂ ਦੀ ਅਗਵਾਈ ਕੀਤੀ ਸੀ।
(For more news apart from Narges Mohammadi News, stay tuned to Rozana Spokesman).
