ਸ਼ਿਵ ਅਵਤਾਰੀ ਸ਼ਦਾਰਾਮ ਸਾਹਿਬ ਦੀ 310ਵੀਂ ਜੈਯੰਤੀ 'ਤੇ ਆਯੋਜਿਤ ਹੋਣ ਵਾਲੇ ਧਾਰਮਿਕ ਪ੍ਰੋਗਰਾਮਾਂ ਵਿਚ ਭਾਗ ਲੈਣ ਲਈ 200 ਤੋਂ ਜ਼ਿਆਦਾ ਹਿੰਦੂ ਤੀਰਥ ਯਾਤਰੀ ਬੁੱਧਵਾਰ ...
ਲਾਹੌਰ (ਭਾਸ਼ਾ) :- ਸ਼ਿਵ ਅਵਤਾਰੀ ਸ਼ਦਾਰਾਮ ਸਾਹਿਬ ਦੀ 310ਵੀਂ ਜੈਯੰਤੀ 'ਤੇ ਆਯੋਜਿਤ ਹੋਣ ਵਾਲੇ ਧਾਰਮਿਕ ਪ੍ਰੋਗਰਾਮਾਂ ਵਿਚ ਭਾਗ ਲੈਣ ਲਈ 200 ਤੋਂ ਜ਼ਿਆਦਾ ਹਿੰਦੂ ਤੀਰਥ ਯਾਤਰੀ ਬੁੱਧਵਾਰ ਨੂੰ ਪਾਕਿਸਤਾਨ ਦੇ ਸਿੰਧ ਪ੍ਰਾਂਤ ਸਥਿਤ ਮੀਰਪੁਰ ਮਥੀਲੂ ਪੁੱਜੇ। ਇਵੈਕਿਊਈ ਟਰੱਸਟ ਪ੍ਰਾਪਰਟੀ ਬੋਰਡ ਦੇ ਪ੍ਰਧਾਨ (ਈਟੀਪੀਬੀ) ਦੇ ਪ੍ਰਧਾਨ ਤਾਰੀਕ ਵਜੀਰ ਨੇ ਤੀਰਥ ਯਾਤਰੀਆਂ ਦਾ ਵਾਘਾ ਸਰਹਦ ਉੱਤੇ ਸਵਾਗਤ ਕੀਤਾ। ਇਸ ਤੋਂ ਪਹਿਲਾਂ ਨਵੀਂ ਦਿੱਲੀ ਵਿਚ ਪਾਕਿਸਤਾਨ ਹਾਈ ਕਮਿਸ਼ਨ ਨੇ ਦੱਸਿਆ ਸੀ ਕਿ ਉਸ ਨੇ 220 ਭਾਰਤੀ ਨੂੰ ਸਿੰਧ ਪ੍ਰਾਂਤ ਜਾਣ ਲਈ ਵੀਜ਼ਾ ਜਾਰੀ ਕੀਤਾ ਹੈ।
Shadani Darbar
ਈਟੀਪੀਬੀ ਦੇ ਬੁਲਾਰੇ ਆਮਿਰ ਹਾਸ਼ਮੀ ਨੇ ਦੱਸਿਆ ਕਿ ਬੁੱਧਵਾਰ ਨੂੰ 206 ਹਿੰਦੂ ਲਾਹੌਰ ਪੁੱਜੇ ਹਨ। ਉਨ੍ਹਾਂ ਨੇ ਕਿਹਾ ਕਿ ਸਿੰਧ ਦੇ ਸੁੱਕੁਰ ਵਿਚ ਪੰਜ ਤੋਂ 16 ਦਸੰਬਰ ਦੇ ਵਿਚ ਆਯੋਜਿਤ ਹੋਣ ਵਾਲੇ ਉਤਸਵ ਵਿਚ ਹਿੱਸਾ ਲੈਣ ਲਈ ਪਿਛਲੇ ਸਾਲ ਦੀ ਤੁਲਣਾ ਵਿਚ ਇਸ ਵਾਰ ਜ਼ਿਆਦਾ ਭਾਰਤੀ ਹਿੰਦੂ ਤੀਰਥ ਯਾਤਰੀਆਂ ਦੇ ਪੁੱਜਣ ਦੀ ਸੰਭਾਵਨਾ ਹੈ। ਹਾਸ਼ਮੀ ਨੇ ਕਿਹਾ ਕਿ ਮੁਸਾਫਰਾਂ ਨੂੰ ਲੈ ਜਾਣ ਅਤੇ ਉਨ੍ਹਾਂ ਦੀ ਸੁਰੱਖਿਆ ਦੇ ਸਾਰੇ ਇੰਤਜ਼ਾਮ ਕਰ ਲਏ ਗਏ ਹਨ।
ਉਨ੍ਹਾਂ ਨੇ ਕਿਹਾ ਯਾਤਰੀ ਮੀਰਪੁਰ ਮਥੀਲੂ ਲਈ ਟ੍ਰੇਨ ਤੋਂ ਰਵਾਨਾ ਹੋ ਗਏ ਹਨ, ਜਿੱਥੇ ਵੀਰਵਾਰ ਨੂੰ ਮੁੱਖ ਪ੍ਰੋਗਰਾਮ ਹੋਵੇਗਾ। ਨਵੀਂ ਦਿੱਲੀ ਵਿਚ ਪਾਕਿਸਤਾਨੀ ਹਾਈ ਕਮਿਸ਼ਨ ਨੇ ਇਕ ਇਸ਼ਤਿਹਾਰ ਦੇ ਜਰੀਏ ਦੱਸਿਆ ਕਿ ਉਸ ਨੇ ਸੁੱਕੁਰ ਵਿਚ ਪੰਜ ਤੋਂ 16 ਦਸੰਬਰ ਤੱਕ ਸ਼ਿਵ ਅਵਤਾਰ ਸਤਗੁਰੂ ਸੰਤ ਸ਼ਦਾਰਾਮ ਸਾਹਿਬ ਦੀ ਜੈਯੰਤੀ ਮਨਾਉਣ ਲਈ 220 ਭਾਰਤੀ ਹਿੰਦੂ ਤੀਰਥ ਯਾਤਰੀਆਂ ਨੂੰ ਵੀਜ਼ਾ ਦਿਤਾ ਹੈ।
ਹਾਈ ਕਮਿਸ਼ਨ ਨੇ ਕਿਹਾ ਕਿ ਵੀਜ਼ਾ ਤੀਰਥ ਯਾਤਰਾ ਉੱਤੇ ਜਾਣ ਅਤੇ ਲੋਕਾਂ ਵਿਚ ਆਪਸੀ ਸੰਪਰਕ ਨੂੰ ਵਧਣ ਦੇ ਪਾਕਿਸਤਾਨੀ ਸਰਕਾਰ ਦੀਆਂ ਕੋਸ਼ਿਸ਼ਾਂ ਦੇ ਤਹਿਤ ਦਿਤਾ ਗਿਆ ਹੈ। ਵਾਘਾ ਸਰਹਦ 'ਤੇ ਭਾਰਤੀ ਮੁਸਾਫਰਾਂ ਦੇ ਨੇਤਾ ਯੁੱਧਿਸ਼ਠਰ ਲਾਲ ਨੇ ਕਿਹਾ ਅਸੀਂ ਇੱਥੇ ਪ੍ਰੇਮ ਦਾ ਸੁਨੇਹਾ ਲਿਆਏ ਹਾਂ। ਅਸੀਂ ਦੋਵੇਂ ਦੇਸ਼ਾਂ ਦੇ ਵਿਚ ਦੋਸਤਾਨਾ ਸਬੰਧ ਚਾਹੁੰਦੇ ਹਾਂ। ਅਸੀਂ ਇੱਥੇ ਅਪਣਾ ਮੰਦਰ ਸੁਰੱਖਿਅਤ ਦੇਖ ਕੇ ਖੁਸ਼ ਹਾਂ। ਦੱਸ ਦਈਏ ਕਿ ਸੁੱਕੁਰ ਵਿਚ 300 ਸਾਲ ਪੁਰਾਣਾ ਸ਼ਦਾਨੀ ਦਰਬਾਰ ਤੀਰਥ ਹੈ। ਇਹ ਹਿੰਦੂ ਭਾਈਚਾਰੇ ਲਈ ਪਵਿਤਰ ਥਾਂ ਹੈ। ਅਜਿਹਾ ਮੰਨਿਆ ਜਾਂਦਾ ਹੈ ਕਿ ਮੰਦਰ ਦੀ ਨੀਂਹ 1786 ਵਿਚ ਸੰਤ ਸ਼ਦਾਰਾਮ ਸਾਹਿਬ ਨੇ ਰੱਖੀ ਸੀ, ਜਿਨ੍ਹਾਂ ਦਾ ਜਨਮ 1708 ਵਿਚ ਲਾਹੌਰ ਵਿਚ ਹੋਇਆ ਸੀ।
