ਪੁਤਿਨ ਨੇ ਕੀਤਾ ਸਟੇਟ ਐਮਰਜੈਂਸੀ ਦਾ ਐਲਾਨ
ਮਾਸਕੋ: ਰੂਸ ਦੇ ਸਾਈਬੇਰੀਆ ਵਿਚ ਇਕ ਪਾਵਰ ਪਲਾਂਟ ਵਿਚੋਂ 20,000 ਟਨ ਡੀਜ਼ਲ ਲੀਕ ਹੋਣ ਤੋਂ ਬਾਅਦ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਨੇ ਸਟੇਟ ਐਮਰਜੈਂਸੀ ਦਾ ਐਲਾਨ ਕੀਤਾ ਹੈ। ਜਿਸ ਪਲਾਂਟ ਵਿਚੋਂ ਤੇਲ ਲੀਕ ਹੋਇਆ ਹੈ, ਉਹ ਸਾਇਬੇਰੀਆ ਦੇ ਨੌਰਲਿਸਕ ਸ਼ਹਿਰ ਵਿਚ ਸਥਿਤ ਹੈ।
Siberia diesel spill from power plant
ਇਸ ਪਲਾਂਟ ਵਿਚੋਂ ਭਾਰੀ ਮਾਤਰਾ ਵਿਚ ਡੀਜ਼ਲ ਲੀਕੇਜ ਨੂੰ ਰੋਕਣ ਲਈ ਜੰਗੀ ਪੱਧਰ 'ਤੇ ਕਾਰਵਾਈ ਕੀਤੀ ਜਾ ਰਹੀ ਹੈ। ਦੱਸ ਦਈਏ ਕਿ ਡੀਜ਼ਲ ਪਲਾਂਟ ਵਿਚੋਂ ਲੀਕ ਹੋ ਕੇ ਅੰਬਰਨਾਇਆ ਨਦੀ ਵਿਚ ਮਿਲ ਗਿਆ ਹੈ। ਸਾਇਬੇਰੀਆ ਦੇ ਜਿਸ ਪਲਾਂਟ ਵਿਚੋਂ ਡੀਜ਼ਲ ਲੀਕ ਹੋਇਆ ਹੈ, ਉਹ ਨੌਰਲਿਸਕ ਨਿਕਿਲ ਦੀ ਇਕਾਈ ਹੈ।
Siberia diesel spill from power plant
ਇਹ ਕੰਪਨੀ ਨਿਕੇਲ ਅਤੇ ਪੈਲੇਡੀਅਮ ਧਾਤਾਂ ਦੇ ਉਤਪਾਦਨ ਵਿਚ ਵਿਸ਼ਵ ਦੀਆਂ ਚੋਟੀ ਦੀਆਂ ਕੰਪਨੀਆਂ ਵਿਚੋਂ ਇਕ ਹੈ। ਕੰਪਨੀ ਵਿਚ ਤੇਲ ਦੀ ਲੀਕੇਜ ਸ਼ੁੱਕਰਵਾਰ ਤੋਂ ਸ਼ੁਰੂ ਹੋ ਗਈ ਸੀ ਪਰ ਲੋੜੀਂਦੀ ਕਾਰਵਾਈ ਦੀ ਘਾਟ ਕਾਰਨ ਦੋ ਦਿਨਾਂ ਵਿਚ 20 ਹਜ਼ਾਰ ਟਨ ਡੀਜ਼ਲ ਲੀਕ ਹੋ ਗਿਆ ਹੈ।
Siberia diesel spill from power plant
ਦੱਸਿਆ ਜਾ ਰਿਹਾ ਹੈ ਕਿ ਪਲਾਂਟ ਵਿਚ ਤੇਲ ਦੀ ਲੀਕੇਜ ਤੇਲ ਦੀ ਟੈਂਕੀ ਦਾ ਇਕ ਪਿੱਲਰ ਧਸਣ ਕਾਰਨ ਸ਼ੁਰੂ ਹੋਈ ਸੀ। ਟੈਂਕ ਬਰਫੀਲੇ ਸਖ਼ਤ ਜ਼ਮੀਨ 'ਤੇ ਬਣਾਇਆ ਗਿਆ ਸੀ ਜੋ ਤਾਪਮਾਨ ਵਧਣ ਨਾਲ ਪਿਘਲਣਾ ਸ਼ੁਰੂ ਹੋ ਗਿਆ। ਹਾਲਾਂਕਿ ਅਜਿਹੀ ਕੋਈ ਘਟਨਾ ਸਾਇਬੇਰੀਆ ਖੇਤਰ ਵਿਚ ਘੱਟ ਹੀ ਵੇਖੀ ਜਾਂਦੀ ਹੈ।
President Vladimir Putin
ਦੱਸ ਦਈਏ ਕਿ ਕੰਪਨੀ ਨੌਰਲਿਸ ਨਿਕਿਲ ਵੱਲੋਂ ਇਸ ਘਟਨਾ ਬਾਰੇ ਕੋਈ ਅਧਿਕਾਰਤ ਬਿਆਨ ਜਾਰੀ ਨਹੀਂ ਕੀਤਾ ਗਿਆ ਹੈ। ਤੇਲ ਦੇ ਲੀਕ ਹੋਣ ਨਾਲ ਵਾਤਾਵਰਣ ਵਿਗਿਆਨੀਆਂ ਨੇ ਆਉਣ ਵਾਲੇ ਦਿਨਾਂ ਵਿਚ ਸਾਇਬੇਰੀਆ ਖੇਤਰ ਵਿਚ ਪਾਣੀ ਅਤੇ ਮਿੱਟੀ ਦੇ ਸੰਕਟ ਦੀ ਭਵਿੱਖਬਾਣੀ ਕੀਤੀ ਹੈ।
Siberia diesel spill from power plant
ਉਹਨਾਂ ਨੇ ਕਿਹਾ ਹੈ ਕਿ ਇਸ ਲੀਕੇਜ ਨਾਲ 350 ਵਰਗ ਮੀਲ ਤੋਂ ਵੱਧ ਦਾ ਖੇਤਰ ਪ੍ਰਭਾਵਿਤ ਹੋਇਆ ਹੈ। ਇਥੋਂ ਦੀ ਅੰਬਰਨਾਇਆ ਨਦੀ ਵਿਚ 15,000 ਟਨ ਪੈਟਰੋਲੀਅਮ ਪਦਾਰਥ ਮਿਲ ਗਏ ਹਨ। ਜਿਸ ਦੀ ਸਫਾਈ ਕਰਨਾ ਬਹੁਤ ਮੁਸ਼ਕਲ ਕੰਮ ਹੈ, ਇਹ ਨਦੀ ਅੱਗੇ ਜਾ ਕੇ ਇਕ ਝੀਲ ਵਿਚ ਮਿਲਦੀ ਹੈ।
