World War II : ਹਿਟਲਰ ਖ਼ਿਲਾਫ਼ ਲੜਨ ਵਾਲੇ ਸਾਬਕਾ ਫੌਜੀ ਨੇ ਨੌਰਮੈਂਡੀ ਦੇ ਡੀ-ਡੇ ਬੀਚ 'ਤੇ 'ਟਾਊਨ ਹਾਲ' ’ਚ ਮਨਾਏ ਜਸ਼ਨ 

World War II :  ਕੈਰੈਂਟਨ-ਲੇਸ-ਮਾਰਿਸ (ਫਰਾਂਸ) 9 ਜੂਨ - ਦੂਜੇ ਵਿਸ਼ਵ ਯੁੱਧ ਵਿਚ ਲੜਨ ਵਾਲੇ ਸਾਬਕਾ ਅਮਰੀਕੀ ਸੈਨਿਕ ਹੈਰੋਲਡ ਟੈਰੇਂਸ ਨੇ 100 ਸਾਲ ਦੀ ਉਮਰ ਵਿਚ ਆਪਣੀ 96 ਸਾਲਾ ਪ੍ਰੇਮਿਕਾ ਜੀਨ ਸਵੈਰਲਿਨ ਨਾਲ ਵਿਆਹ ਕਰਵਾ ਲਿਆ। ਟੈਰੇਂਸ ਅਤੇ ਸਵੇਰਲਿਨ ਨੇ ਫਰਾਂਸ ਦੇ ਨੌਰਮੈਂਡੀ ਦੇ ਡੀ-ਡੇ ਬੀਚ 'ਤੇ ਸਥਿਤ 'ਟਾਊਨ ਹਾਲ' ਵਿਚ ਵਿਆਹ ਕੀਤਾ। ਇਹ ਉਹੀ ਥਾਂ ਹੈ ਜਿੱਥੇ 6 ਜੂਨ, 1944 ਨੂੰ ਮਿੱਤਰ ਦੇਸ਼ਾਂ ਦੇ ਜਹਾਜ਼ਾਂ ਦੇ ਉਤਰਨ ਤੋਂ ਬਾਅਦ ਭਿਆਨਕ ਲੜਾਈ ਹੋਈ ਸੀ, ਜਿਸ ਨੇ ਯੂਰਪ ਨੂੰ ਅਡੋਲਫ ਹਿਟਲਰ ਦੇ ਜ਼ੁਲਮ ਤੋਂ ਆਜ਼ਾਦ ਕਰਵਾਉਣ ’ਚ ਮਦਦ ਕੀਤੀ ਸੀ।
ਟੈਰੇਂਸ ਅਤੇ ਸਵੇਰਲਿਨ ਦੇ ਵਿਆਹ ’ਚ ਸ਼ਾਮਲ ਹੋਏ ਕੁਝ ਲੋਕਾਂ ਨੇ ਦੂਜੇ ਵਿਸ਼ਵ ਯੁੱਧ ਦੇ ਦੌਰ ਦੇ ਕੱਪੜੇ ਪਹਿਨੇ ਹੋਏ ਸਨ। ਜੀਨ ਸਵੈਰਲਿਨ ਨੇ ਇੱਕ ਗੁਲਾਬੀ ਪਹਿਰਾਵਾ ਪਾਇਆ ਸੀ। ਜਦੋਂ ਕਿ ਟੇਰੇਂਸ ਨੇ ਹਲਕੇ ਨੀਲੇ ਰੰਗ ਦਾ ਸੂਟ ਪਾਇਆ ਸੀ। ਟੈਰੇਂਸ ਨੇ ਇਸਨੂੰ "ਉਸਦੀ ਜ਼ਿੰਦਗੀ ਦਾ ਸਭ ਤੋਂ ਵਧੀਆ ਦਿਨ" ਕਿਹਾ ਅਤੇ ਸਵੈਰਲਿਨ ਨੇ ਕਿਹਾ "ਪਿਆਰ ਸਿਰਫ਼ ਨੌਜਵਾਨਾਂ ਲਈ ਨਹੀਂ ਹੈ।"
ਨਵ-ਵਿਆਹੁਤਾ ਜੋੜੇ ਨੂੰ ਸ਼ਨੀਵਾਰ ਰਾਤ ਨੂੰ ਫ਼ਰਾਂਸ ਦੇ ਰਾਸ਼ਟਰਪਤੀ ਇਮੈਨੁਅਲ ਮੈਕਰੋਨ ਅਤੇ ਯੂਐਸ ਦੇ ਰਾਸ਼ਟਰਪਤੀ ਜੋ ਬਿਡੇਨ ਨਾਲ ਰਾਜ ਦੇ ਖਾਣੇ ਲਈ ਐਲੀਸੀ ਪੈਲੇਸ ਵਿਚ ਸੱਦਾ ਦਿੱਤਾ ਗਿਆ ਸੀ।

(For more news apart from  World War II veteran married his 96-year-old girlfriend at the age of 100 News in Punjabi, stay tuned to Rozana Spokesman)