ਮੂੰਗਫਲੀ ਖਾਂਦੇ ਸਮੇਂ ਜਦੋਂ ਉਸ ਦਾ ਇਕ ਦਾਣਾ 6 ਸਾਲ ਦੇ ਬੱਚੇ ਦੇ ਗਲੇ ਵਿਚ ਫਸ ਗਿਆ ਤਾਂ ਘਬਰਾਈ ਮਾਂ ਨੇ ਉਸ ਨੂੰ ਬਚਾਉਣ ਦੀ ਹਰ ਸੰਭਵ ਕੋਸ਼ਿਸ਼ ਕੀਤੀ। ਮਾਂ ਦੀਆਂ ...

ਚੀਨ : ਮੂੰਗਫਲੀ ਖਾਂਦੇ ਸਮੇਂ ਜਦੋਂ ਉਸ ਦਾ ਇਕ ਦਾਣਾ 6 ਸਾਲ ਦੇ ਬੱਚੇ ਦੇ ਗਲੇ ਵਿਚ ਫਸ ਗਿਆ ਤਾਂ ਘਬਰਾਈ ਮਾਂ ਨੇ ਉਸ ਨੂੰ ਬਚਾਉਣ ਦੀ ਹਰ ਸੰਭਵ ਕੋਸ਼ਿਸ਼ ਕੀਤੀ। ਮਾਂ ਦੀਆਂ ਅੱਖਾਂ  ਦੇ ਸਾਹਮਣੇ ਬੱਚਾ ਸਾਹ ਨਾ ਮਿਲ ਪਾਉਣ ਦੀ ਵਜ੍ਹਾ ਨਾਲ ਹੌਲੀ - ਹੌਲੀ ਬੇਹੋਸ਼ ਹੋ ਰਿਹਾ ਸੀ, ਉਦੋਂ ਮਾਂ ਨੇ ਉਸ ਨੂੰ ਉਲਟਾ ਲਟਕਾ ਕੇ ਗਲੇ ਵਿਚ ਫਸੇ ਮੂੰਗਫਲੀ ਦੇ ਦਾਣੇ ਨੂੰ ਕੱਢਣ ਦੀ ਕੋਸ਼ਿਸ਼ ਕੀਤੀ ਪਰ ਮਾਂ ਅਪਣੀ ਤਮਾਮ ਕੋਸ਼ਿਸ਼ਾਂ ਵਿਚ ਸਫਲ ਨਹੀਂ ਹੋ ਸਕੀ।

Peanut

ਘਬਰਾਈ ਮਾਂ ਜਿਵੇਂ - ਤਿਵੇਂ ਬੱਚੇ ਨੂੰ ਹਸਪਤਾਲ ਲੈ ਕੇ ਪਹੁੰਚੀ ਜਿੱਥੇ ਡਾਕਟਰ ਨੇ ਉਸ ਨੂੰ ਮ੍ਰਿਤਕ ਐਲਾਨ  ਕਰ ਦਿਤਾ। ਮਾਮਲਾ ਚੀਨ ਦੇ ਗੁਆਂਗਸ਼ੀ ਪ੍ਰਾਂਤ ਦਾ ਹੈ। ਸਥਾਨਿਕ ਸੂਤਰਾਂ ਦੇ ਮੁਤਾਬਕ ਗੁਆਂਗਸ਼ੀ ਦੇ ਰੋਂਗ ਕਾਉਂਟੀ ਵਿਚ ਰਹਿਣ ਵਾਲੀ ਇਕ ਮਾਂ ਦੇ ਹੋਸ਼ ਉਸ ਸਮੇਂ ਉੱਡ ਗਏ ਜਦੋਂ ਉਸ ਦੇ 6 ਸਾਲ ਦੇ ਬੱਚੇ ਦੇ ਗਲੇ ਵਿਚ ਮੂੰਗਫਲੀ ਦਾ ਦਾਣਾ ਫਸ ਗਿਆ ਅਤੇ ਉਸ ਨੂੰ ਸਾਹ ਲੈਣ ਵਿਚ ਤਕਲੀਫ ਹੋਣ ਲੱਗੀ। ਬੱਚੇ ਦੀ ਜਾਨ ਬਚਾਉਣ ਲਈ ਮਾਂ ਨੇ ਕਈ ਕੋਸ਼ਿਸ਼ਾਂ ਕੀਤੀਆਂ ਪਰ ਉਹ ਸਫਲ ਨਹੀਂ ਹੋ ਸਕੀ। ਇਸ 'ਤੇ ਮਾਂ ਨੇ ਝੱਟਪੱਟ ਬੱਚੇ ਨੂੰ ਅਪਣੀ ਪਿੱਠ 'ਤੇ ਉਲਟਾ ਲਟਕਾ ਲਿਆ ਅਤੇ ਹਸਪਤਾਲ ਲਈ ਲਿਫਟ ਦੇ ਵੱਲ ਦੋੜ ਲਗਾ ਦਿਤੀ।

ਅਪਣੇ ਬੇਟੇ ਨੂੰ ਹਸਪਤਾਲ ਲੈ ਜਾਂਦੇ ਸਮੇਂ ਮਾਂ ਘਰ ਦੇ ਬਾਹਰ ਲੱਗੇ ਸੀਸੀਟੀਵੀ ਕੈਮਰੇ ਵਿਚ ਕੈਦ ਹੋ ਗਈ। ਕੈਮਰੇ ਵਿਚ ਸਾਫ਼ ਨਜ਼ਰ ਆ ਰਿਹਾ ਹੈ ਕਿ ਮਾਂ ਨੇ ਕਿਵੇਂ ਅਪਣੇ ਬੇਟੇ ਨੂੰ ਪਿੱਠ 'ਤੇ ਉਲਟਾ ਲਮਕਾਇਆ ਹੋਇਆ ਹੈ। ਮਾਂ ਅਤੇ ਬੇਟੇ ਦਾ ਇਹ ਵੀਡੀਓ ਦਿਲ ਦਹਲਾ ਦੇਣ ਵਾਲਾ ਹੈ। ਮਾਂ ਲਗਾਤਾਰ ਅਪਣੇ ਬੇਟੇ ਦੀ ਪਿੱਠ ਥਪਥਪਾਉਂਦੀ ਹੈ ਅਤੇ ਉਸ ਨੂੰ ਜਗਾਏ ਰੱਖਣ ਦੀ ਕੋਸ਼ਿਸ਼ ਕਰਦੀ ਹੈ।

ਜਿਵੇਂ ਹੀ ਲਿਫਟ ਗਰਾਉਂਡ ਫਲੋਰ 'ਤੇ ਪਹੁੰਚੀ ਮਾਂ ਅਪਣੇ ਬੱਚੇ ਨੂੰ ਲੈ ਕੇ ਤੁਰਤ ਸਥਿਤ ਗਵਾਂਗਸ਼ੀ ਰੋਂਗਕਸਿਅਨ ਪੀਪੁਲਸ ਹਸਪਤਾਲ ਪਹੁੰਚ ਜਾਂਦੀ ਹੈ। ਹਾਲਾਂਕਿ ਜਿਸ ਸਮੇਂ ਮਾਂ ਨੇ ਅਪਣੇ ਬੇਟੇ ਨੂੰ ਹਸਪਤਾਲ ਵਿਚ ਭਰਤੀ ਕਰਾਇਆ ਉਹ ਸਾਹ ਨਹੀਂ ਲੈ ਰਿਹਾ ਸੀ। ਹਸਪਤਾਲ ਦੇ ਡਾਕਟਰ ਨੇ ਦੱਸਿਆ ਕਿ ਬੱਚੇ ਦੀ ਮੌਤ ਦਿਮਾਗ ਵਿਚ ਆਕਸੀਜਨ ਦੀ ਕਮੀ ਦੇ ਕਾਰਨ ਹੋਈ ਹੈ।

ਡਾ. ਕਾਂਗ ਨੇ ਦੱਸਿਆ ਕਿ ਇਸ ਤਰ੍ਹਾਂ ਦੀ ਘਟਨਾ ਹੋ ਜਾਣ ਤੋਂ ਬਾਅਦ ਬੱਚੇ ਨੂੰ ਉਲਟਾ ਲਮਕਾਉਣਾ ਇਕ ਪਰਭਾਵੀ ਉਪਾਅ ਨਹੀਂ ਹੈ, ਸਗੋਂ ਬਹੁਤ ਖਤਰਨਾਕ ਹੈ। ਉਨ੍ਹਾਂ ਨੇ ਕਿਹਾ ਕਿ ਅੱਠ ਮਿੰਟ ਤੋਂ ਜ਼ਿਆਦਾ ਸਮੇਂ ਤੱਕ ਬੱਚੇ ਦੇ ਦਿਮਾਗ ਵਿਚ ਆਕਸੀਜਨ ਦੀ ਕਮੀ ਹੋ ਗਈ। ਜਿਸ ਸਮੇਂ ਬੱਚੇ ਨੂੰ ਹਸਪਤਾਲ ਵਿਚ ਲਿਆਇਆ ਗਿਆ ਉਸ ਦੀ ਸਾਹ ਨਹੀਂ ਚੱਲ ਰਹੀ ਸੀ।