Advertisement
  ਖ਼ਬਰਾਂ   ਕੌਮਾਂਤਰੀ  11 Nov 2019  ਇਸ ਦੇਸ਼ ਨੂੰ ਮਿਲਿਆ ਬੇਸ਼ਕੀਮਤੀ ਖ਼ਜਾਨਾ, ਜਾਣ ਕੇ ਰਹਿ ਜਾਵੋਗੇ ਹੈਰਾਨ !

ਇਸ ਦੇਸ਼ ਨੂੰ ਮਿਲਿਆ ਬੇਸ਼ਕੀਮਤੀ ਖ਼ਜਾਨਾ, ਜਾਣ ਕੇ ਰਹਿ ਜਾਵੋਗੇ ਹੈਰਾਨ !

ਏਜੰਸੀ
Published Nov 11, 2019, 4:33 pm IST
Updated Nov 11, 2019, 4:33 pm IST
ਈਰਾਨ ਕੋਲ ਹੈ ਦੁਨੀਆਂ ਦਾ ਚੌਥਾ ਤੇਲ ਭੰਡਾਰ
File Photo
 File Photo

ਤਹਿਰਾਨ : ਈਰਾਨ ਨੇ ਕੱਚੇ ਤੇਲ ਦਾ ਇੱਕ ਬੇਸ਼ਕੀਮਤੀ ਭੰਡਾਰ ਲੱਭ ਲਿਆ ਹੈ। ਈਰਾਨ ਦੇ ਰਾਸ਼ਟਰਪਤੀ ਹਸਨ ਰੁਹਾਨੀ ਨੇ ਦੱਸਿਆ ਕਿ ਉਸ ਦੇ ਦੇਸ਼ ਨੇ ਲਗਭਗ 50 ਅਰਬ ਬੈਰਲ ਕੱਚੇ ਤੇਲ ਦੇ ਭੰਡਾਰ ਦੀ ਖੋਜ਼ ਕੀਤੀ ਹੈ। ਇਸ ਨਵੇਂ ਤੇਲ ਖੇਤਰ ਦੀ ਖੋਜ਼ ਤੋਂ ਬਾਅਦ ਈਰਾਨ ਦੇ ਤੇਲ ਭੰਡਾਰ ਵਿਚ ਲਗਭਗ 30 ਫ਼ੀਸਦੀ ਦਾ ਵਾਧਾ ਹੋ ਜਾਵੇਗਾ। ਹਾਲਾਂਕਿ ਅਮਰੀਕੀ ਪਾਬੰਦੀਆਂ ਕਾਰਨ ਈਰਾਨ ਨੂੰ ਤੇਲ ਵੇਚਣਾ ਮੁਸ਼ਕਿਲ ਹੋ ਗਿਆ ਹੈ।

President of Iran President Hassan Rouhani

ਪਿਛਲੇ ਸਾਲ ਅਮਰੀਕਾ ਨੇ ਈਰਾਨ ਦੇ ਨਾਲ ਨਿਊਕਲੀਅਰ ਡੀਲ ਨੂੰ ਰੱਦ ਕਰਕੇ ਉਸਦੇ ਉੱਤੇ ਕਈ ਪਾਬੰਦੀਆਂ ਲਗਾ ਦਿੱਤੀਆਂ ਸਨ ਜਿਸ ਤੋਂ ਬਾਅਦ ਈਰਾਨ ਦੇ ਸਾਹਮਣੇ ਤੇਲ ਵੇਚਣ ਨੂੰ ਲੈ ਕੇ ਚੁਣੌਤੀਆਂ ਪੈਦਾ ਹੋ ਗਈਆਂ ਹਨ। ਇਹ ਤੇਲ ਖੇਤਰ ਈਰਾਨ ਦੇ ਦੱਖਣੀ ਕੁਜੇਸਤਾਨ ਸੂਬੇ ਵਿਚ ਸਥਿਤ ਹੈ ਜੋ ਆਇਲ ਇੰਡਸਟਰੀ ਦੇ ਲਈ ਬਹੁਤ ਅਹਿਮ ਹੈ। ਈਰਾਨ ਦੇ ਰਾਸ਼ਟਰਪਤੀ ਨੇ ਕਿਹਾ ਹੈ ਕਿ ਉਸਦੇ ਦੇਸ਼ ਦੇ 150 ਅਰਬ ਬੈਰਲ ਦੇ ਪ੍ਰਮਾਣਿਕ ਤੇਲ ਭੰਡਾਰ ਵਿਚ 53 ਅਰਬ ਬੈਰਲ ਦਾ ਵਾਧਾ ਹੋ ਜਾਵੇਗਾ। ਉਨ੍ਹਾਂ ਕਿਹਾ, “ਮੈਂ ਵਾਈਟ ਹਾਊਸ ਨੂੰ ਦੱਸਣਾ ਚਾਹੁੰਦਾ ਹਾਂ ਕਿ ਜਦੋਂ ਤੁਸੀ ਈਰਾਨ ਦੇ ਤੇਲ ਦੀ ਵਿਕਰੀ 'ਤੇ ਪਾਬੰਦੀਆਂ ਲਗਾਉਣ ਵਿਚ ਵਿਅਸਤ ਸਨ, ਉਦੋਂ ਸਾਡੇ ਦੇਸ਼ ਦੇ ਮਜ਼ਦੂਰਾਂ ਅਤੇ ਇੰਜੀਨੀਅਰਾਂ ਨੇ 53 ਅਰਬ ਬੈਰਲ ਦਾ ਇੱਕ ਤੇਲ ਭੰਡਾਰ ਲੱਭ ਲਿਆ।“

File PhotoFile Photo

ਅਹਵਾਜ ਵਿਚ 65 ਅਰਬ ਬੈਰਲ ਤੇਲ ਭੰਡਾਰ ਤੋਂ ਬਾਅਦ ਇਹ ਨਵਾਂ ਤੇਲ ਖੇਤਰ ਈਰਾਨ ਦਾ ਦੂਜਾ ਸੱਭ ਤੋਂ ਵੱਡਾ ਆਇਲ ਖੇਤਰ ਬਣ ਸਕਦਾ ਹੈ। ਦੱਸ ਦਈਏ ਕਿ ਈਰਾਨ ਦੇ ਕੋਲ ਦੁਨੀਆਂ ਦਾ ਚੌਥਾ ਸੱਭ ਤੋਂ ਵੱਡਾ ਤੇਲ ਭੰਡਾਰ ਹੈ ਅਤੇ ਕੁਦਰਤੀ ਗੈਸ ਦਾ ਦੂਜਾ ਸੱਭ ਤੋਂ ਵੱਡਾ ਤੇਲ ਭੰਡਾਰ ਵੀ ਇਸੇ ਦੇਸ਼ ਕੋਲ ਹੈ।

Location: India, Delhi, New Delhi
Advertisement
Advertisement

 

Advertisement
Advertisement