ਭਾਰਤ ਦਾ ਇਹ ਦੌਰਾ ਵੈਂਸ ਦਾ ਉਪ-ਰਾਸ਼ਟਰਪਤੀ ਵਜੋਂ ਦੂਜਾ ਵਿਦੇਸ਼ੀ ਦੌਰਾ ਹੈ।
America News: ਅਮਰੀਕਾ ਦੇ ਉਪ ਰਾਸ਼ਟਰਪਤੀ ਜੇਡੀ ਵੈਂਸ ਇਸ ਮਹੀਨੇ ਦੇ ਅੰਤ ਵਿੱਚ ਭਾਰਤ ਆਉਣ ਦੀ ਸੰਭਾਵਨਾ ਹੈ। ਇਹ ਜਾਣਕਾਰੀ ਮੀਡੀਆ ਵਿੱਚ ਪ੍ਰਕਾਸ਼ਿਤ ਇੱਕ ਰਿਪੋਰਟ ਵਿੱਚ ਦਿੱਤੀ ਗਈ ਹੈ।
ਅਮਰੀਕੀ ਅਖਬਾਰ ਦੀ ਇੱਕ ਰਿਪੋਰਟ ਵਿੱਚ ਕਿਹਾ ਗਿਆ ਹੈ, "ਵੈਂਸ ਇਸ ਮਹੀਨੇ ਦੇ ਅੰਤ ਵਿੱਚ ਆਪਣੀ ਪਤਨੀ ਊਸ਼ਾ ਵੈਂਸ ਨਾਲ ਭਾਰਤ ਦੀ ਯਾਤਰਾ ਕਰਨਗੇ।"
ਪੋਲੀਟੀਕੋ ਨੇ ਇਹ ਜਾਣਕਾਰੀ ਯੋਜਨਾ ਤੋਂ ਜਾਣੂ ਤਿੰਨ ਸਰੋਤਾਂ ਦੇ ਹਵਾਲੇ ਨਾਲ ਦਿੱਤੀ।
ਰਿਪੋਰਟ ਵਿੱਚ ਕਿਹਾ ਗਿਆ ਹੈ, "ਵੈਂਸ ਨੇ ਪਿਛਲੇ ਮਹੀਨੇ ਉਪ ਰਾਸ਼ਟਰਪਤੀ ਬਣਨ ਤੋਂ ਬਾਅਦ ਆਪਣੀ ਪਹਿਲੀ ਵਿਦੇਸ਼ ਯਾਤਰਾ 'ਤੇ ਫਰਾਂਸ ਅਤੇ ਜਰਮਨੀ ਦਾ ਦੌਰਾ ਕੀਤਾ ਸੀ।" ਭਾਰਤ ਦਾ ਇਹ ਦੌਰਾ ਵੈਂਸ ਦਾ ਉਪ-ਰਾਸ਼ਟਰਪਤੀ ਵਜੋਂ ਦੂਜਾ ਵਿਦੇਸ਼ੀ ਦੌਰਾ ਹੈ।
ਊਸ਼ਾ ਵੈਂਸ ਦੇ ਮਾਤਾ-ਪਿਤਾ, ਕ੍ਰਿਸ਼ ਚਿਲੂਕੁਰੀ ਅਤੇ ਲਕਸ਼ਮੀ ਚਿਲੂਕੁਰੀ, 1970 ਦੇ ਦਹਾਕੇ ਦੇ ਅਖੀਰ ਵਿੱਚ ਭਾਰਤ ਤੋਂ ਅਮਰੀਕਾ ਆਏ ਸਨ। ਊਸ਼ਾ ਵੈਂਸ "ਦੇਸ਼ ਦੀ ਦੂਜੀ ਮਹਿਲਾ (ਉਪ ਰਾਸ਼ਟਰਪਤੀ ਦੀ ਪਤਨੀ)" ਦੇ ਰੂਪ ਵਿਚ ਪਹਿਲੀ ਵਾਰ ਆਪਣੇ ਜੱਦੀ ਦੇਸ਼ ਦਾ ਦੌਰਾ ਕਰੇਗੀ।
ਊਸ਼ਾ ਅਤੇ ਜੇਡੀ ਦੀ ਮੁਲਾਕਾਤ ਯੇਲ ਲਾਅ ਸਕੂਲ ਵਿੱਚ ਪੜ੍ਹਦੇ ਸਮੇਂ ਹੋਈ ਸੀ। ਊਸ਼ਾ ਇੱਕ ਵਕੀਲ ਹੈ। ਉਸ ਨੇ ਯੇਲ ਯੂਨੀਵਰਸਿਟੀ ਤੋਂ ਬੈਚਲਰ ਦੀ ਡਿਗਰੀ ਅਤੇ ਕੈਂਬਰਿਜ ਯੂਨੀਵਰਸਿਟੀ ਤੋਂ ਮਾਸਟਰ ਦੀ ਡਿਗਰੀ ਪ੍ਰਾਪਤ ਕੀਤੀ ਹੈ।
