ਸੀਰੀਆ ਦੇ ਸਹਿਯੋਗੀ ਦੇਸ਼ ਰੂਸ ਨੇ ਸ਼ੱਕੀ ਰਸਾਇਣਕ ਹਮਲੇ ਦੇ ਜਵਾਬ ਵਿਚ ਬਸ਼ਰ ਅਲ ਅਸਦ ਸਰਕਾਰ ਵਿਰੁਧ ਅਮਰੀਕਾ ਦੀ ਅਗਵਾਈ ਵਾਲੇ ਹਮਲਿਆਂ ਤੋਂ ਬਾਅਦ "ਨਤੀਜੇ" ਭੁਗਤਣ ਦੀ ਚਿਤਾਵਨੀ ਦਿਤੀ ਹੈ।

ਵਾਸ਼ਿੰਗਟਨ : ਸੀਰੀਆ ਦੇ ਸਹਿਯੋਗੀ ਦੇਸ਼ ਰੂਸ ਨੇ ਸ਼ੱਕੀ ਰਸਾਇਣਕ ਹਮਲੇ ਦੇ ਜਵਾਬ ਵਿਚ ਬਸ਼ਰ ਅਲ ਅਸਦ ਸਰਕਾਰ ਵਿਰੁਧ ਅਮਰੀਕਾ ਦੀ ਅਗਵਾਈ ਵਾਲੇ ਹਮਲਿਆਂ ਤੋਂ ਬਾਅਦ "ਨਤੀਜੇ" ਭੁਗਤਣ ਦੀ ਚਿਤਾਵਨੀ ਦਿਤੀ ਹੈ। ਅਮਰੀਕਾ 'ਚ ਰੂਸੀ ਰਾਜਦੂਤ ਐਨਾਤੋਲੀ ਐਂਟੋਨੋਵ ਨੇ ਇਕ ਬਿਆਨ ਵਿਚ ਕਿਹਾ, "ਇਕ ਵਾਰ ਫਿਰ, ਸਾਨੂੰ ਧਮਕਾਇਆ ਜਾ ਰਿਹਾ ਹੈ।" ਉਨ੍ਹਾਂ ਕਿਹਾ, "ਅਸੀਂ ਚਿਤਾਵਨੀ ਦਿੰਦੇ ਹਾਂ ਕਿ ਅਜਿਹੀ ਕਾਰਵਾਈ ਨੂੰ ਬਿਨਾਂ ਨਤੀਜਾ ਭੁਗਤੇ ਨਹੀਂ ਛੱਡਿਆ ਜਾਵੇਗਾ। ਇਸ ਦੀ ਸਾਰੀ ਜ਼ਿੰਮੇਦਾਰੀ ਅਮਰੀਕਾ, ਬ੍ਰਿਟੇਨ ਅਤੇ ਫ਼ਰਾਂਸ 'ਤੇ ਹੈ। ਰੂਸ ਦੇ ਰਾਸ਼ਟਰਪਤੀ ਦੀ ਅਪਮਾਨ ਕਰਨਾ ਅਸਵੀਕਾਰਯੋਗ ਹੈ।" Russia warns of consequences after Syria strikeਇਸ ਵਿਚਕਾਰ ਮਾਸਕੋ 'ਚ ਰੂਸ ਦੇ ਵਿਦੇਸ਼ ਮੰਤਰਾਲੇ ਨੇ ਕਿਹਾ ਕਿ ਸੀਰੀਆ 'ਤੇ ਪੱਛਮੀ ਦੇਸ਼ਾਂ ਦੇ ਹਮਲੇ ਅਜਿਹੇ ਸਮੇਂ 'ਚ ਹੋਏ ਹਨ ਜਦੋਂ ਦੇਸ਼ ਕੋਲ "ਸ਼ਾਂਤੀਪੂਰਨ ਭਵਿੱਖ ਦਾ ਮੌਕਾ" ਸੀ। ਵਿਦੇਸ਼ ਮੰਤਰਾਲੇ ਦੇ ਬੁਲਾਰੇ ਮਾਰੀਆ ਜ਼ਖ਼ਾਰੋਵਾ ਨੇ ਫ਼ੇਸਬੁਕ 'ਤੇ ਲਿਖਿਆ, "ਇਸ ਸੱਭ ਦੇ ਪਿਛੇ ਜ਼ਿੰਮੇਦਾਰ ਲੋਕ ਦੁਨੀਆਂ ਵਿਚ ਨੈਤਿਕ ਅਗਵਾਈ ਦਾ ਦਾਅਵਾ ਕਰਦੇ ਹਨ ਅਤੇ ਇਹ ਐਲਾਨ ਕਰਦੇ ਹਨ ਕਿ ਉਹ ਕੁੱਝ ਅਲੱਗ ਹਨ। ਤੁਹਾਨੂੰ ਉਸ ਸਮੇਂ ਸੀਰੀਆ ਦੀ ਰਾਜਧਾਨੀ 'ਤੇ ਹਮਲੇ ਕਰਨ ਲਈ ਅਸਲੀਅਤ ਵਿਚ ਅਲੱਗ ਹੋਣ ਦੀ ਲੋੜ ਹੈ ਜਦੋਂ ਤੁਹਾਡੇ ਕੋਲ ਸ਼ਾਂਤੀਪੂਰਨ ਭਵਿੱਖ ਦਾ ਮੌਕਾ ਸੀ।"