ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੇ ਹਵਾਈ ਹਮਲਿਆਂ ਦੀ ਘੋਸ਼ਣਾ ਕਰਨ ਤੋਂ ਬਾਅਦ ਸੀਰੀਆ ਦੀ ਰਾਜਧਾਨੀ ਅਜ ਸਵੇਰੇ ਵੱਡੇ ਧਮਾਕਿਆਂ ਨਾਲ ਗੂੰਜ ਉਠੀ
ਬੇਰੂਤ, 14 ਅਪ੍ਰੈਲ:- ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੇ ਹਵਾਈ ਹਮਲਿਆਂ ਦੀ ਘੋਸ਼ਣਾ ਕਰਨ ਤੋਂ ਬਾਅਦ ਸੀਰੀਆ ਦੀ ਰਾਜਧਾਨੀ ਅਜ ਸਵੇਰੇ ਵੱਡੇ ਧਮਾਕਿਆਂ ਨਾਲ ਗੂੰਜ ਉਠੀ ਅਤੇ ਅਸਮਾਨ ਵਿਚ ਇਨ੍ਹਾਂ ਧਮਾਕਿਆਂ ਕਾਰਨ ਸੰਘਣਾ ਧੂੰਆਂ ਛਾ ਗਿਆ।
Syria Strike
ਟਰੰਪ ਨੇ ਹਮਲੇ ਦਾ ਹੁਕਮ ਸੀਰਿਆ ਵਿੱਚ ਹੋਏ ਰਸਾਇਣਿਕ ਹਮਲਿਆਂ ਦੌਰਾਨ ਕਰੀਬ 40 ਲੋਕਾਂ ਦੀ ਮੌਤ ਦੇ ਬਾਅਦ ਦਿਤਾ ਸੀ। ਸੀਰਿਆ ਦੀ ਹਵਾਈ ਰਖਿਆ ਸੈਨਾ ਨੇ ਅਮਰੀਕਾ, ਫ਼ਰਾਂਸ ਅਤੇ ਬ੍ਰਿਟੇਨ ਦੇ ਇਨ੍ਹਾਂ ਸਾਰੇ ਹਮਲਿਆਂ ਦਾ ਜਵਾਬ ਦਿਤਾ। ਸੀਰੀਆ ਸਰਕਾਰ ਨੇ ਟੈਲੀਵੀਜ਼ਨ 'ਤੇ ਦਿਖਾਇਆ ਕਿ ਵਿਗਿਆਨ ਖੋਜ ਕੇਂਦਰ ਉਤੇ ਹਮਲਾ ਹੋਇਆ ਅਤੇ ਸੀਰੀਆ ਦੀ ਹਵਾਈ ਰਖਿਆ ਸੈਨਾ ਨੇ ਦਖਣ ਵਲੋਂ ਆ ਰਹੇ 13 ਰਾਕਟਾਂ ਨੂੰ ਹਵਾ ਵਿਚ ਹੀ ਨਾਕਾਮ ਕਰ ਦਿਤਾ। ਹਮਲੇ ਤੋਂ ਬਾਅਦ ਸੀਰੀਆ ਦੇ ਰਾਸ਼ਟਰਪਤੀ ਨੇ ਟਵੀਟ ਕੀਤਾ, ‘‘ਚੰਗੇ ਲੋਕਾਂ ਨੂੰ ਅਪਮਾਨਿਤ ਨਹੀਂ ਕੀਤਾ ਜਾਵੇਗਾ। ’’ਸੀਰੀਆਈ ਸਰਕਾਰੀ ਟੀਵੀ ਨੇ ਕਿਹਾ ਕੇ ਹਮਲੇ ‘‘ ਅੰਤਰਰਾਸ਼ਟਰੀ ਕਨੂੰਨ ਦਾ ਸਿਧਾ ਸਿਧਾ ਉਲੰਘਣ ਹਨ। ’’ਟਰੰਪ ਨੇ ਸ਼ੁਕਰਵਾਰ ਰਾਤ ਆਪਣੇ ਤਿੰਨ ਸਾਥੀਆਂ ਨਾਲ ਮਿਲ ਕੇ ਸੀਰੀਆਈ ਰਾਸ਼ਟਰਪਤੀ ਬਸ਼ਰ ਅਲ ਅਸਦ ਨੂੰ ਰਸਾਇਣਿਕ ਹਮਲੇ ਲਈ ਸਜ਼ਾ ਦੇਣ ਅਤੇ ਉਨ੍ਹਾਂ ਨੂੰ ਅਜਿਹਾ ਦੁਬਾਰਾ ਕਰਨ ਤੋਂ ਰੋਕਣ ਲਈ ਫੌਜੀ ਹਮਲਾ ਕਰਨ ਦਾ ਐਲਾਨ ਕੀਤਾ ਸੀ। ਸੀਰੀਆ ਸਰਕਾਰ ਲਗਾਤਾਰ ਪਬੰਦੀਸ਼ੁਦਾ ਹਥਿਆਰਾਂ ਦੀ ਵਰਤੋਂ ਕਰਨ ਵਾਲੀ ਗਲ ਨੂੰ ਨਕਾਰ ਰਹੀ ਹੈ। ਅਮਰੀਕਾ ਦੇ ਰਖਿਆ ਮੰਤਰੀ ਜਿਮ ਮੈਟਿਸ ਦਾ ਕਹਿਣਾ ਹੈ ਕੇ ਸ਼ੁਰੂਆਤੀ ਹਵਾਈ ਹਮਲਿਆਂ ਵਿਚ ਅਮਰੀਕੀ ਹਾਰ ਦੀ ਕੋਈ ਰਿਪੋਰਟ ਨਹੀਂ ਹੈ। ਉਨ੍ਹਾਂ ਨੇ ਅਗੇ ਹੋਰ ਹਮਲਾ ਕਰਨ ਦੀ ਸੰਭਾਵਨਾ ਨੂੰ ਖਾਰਜ ਕੀਤੇ ਬਿਨਾਂ ਕਿਹਾ , ‘‘ਫਿਲਹਾਲ ਇਹ ਪਹਿਲਾ ਹਮਲਾ ਹੈ। ’’ਮੈਟਿਸ ਨੇ ਕਿਹਾ ਕੇ ਰਸਾਇਣਿਕ ਹਥਿਆਰ ਬਣਾਉਣ ਵਿਚ ਅਸਦ ਦੇ ਮਦਦਗਾਰ ਸਾਰੇ ਸਥਾਨਾਂ ਉਤੇ ਹਮਲਾ ਕੀਤਾ ਗਿਆ ਹੈ।
Jim Mattis
ਬ੍ਰਿਟੇਨ ਦੇ ਰਖਿਆ ਮੰਤਰਾਲੇ ਨੇ ਕਿਹਾ ਕਿ ਹਮਲੇ ਦੇ ਪ੍ਰਭਾਵਾਂ ਦੀ ਸਮੀਖਿਆ ਕਰਨਾ ਬਾਕੀ ਹੈ। ਬ੍ਰਿਟੇਨ ਦੀ ਪ੍ਰਧਾਨ ਮੰਤਰੀ ਨੇ ਕਿਹਾ ਇਹ ਹਮਲਾ ਨਾ ਤਾਂ ‘‘ ਗ੍ਰਹਿ ਯੁੱਧ ਵਿਚ ਦਖ਼ਲ ਅੰਦਾਜ਼ੀ ਲਈ ਹੈ ’’ ਅਤੇ ਨਾ ਹੀ ‘‘ਸ਼ਾਸ਼ਨ ਵਿਚ ਬਦਲਾਅ’’ ਲਈ ਹੈ
Theresa May
