ਹਿੰਦੂ ਐਨਆਰਆਈ ਵੱਲੋਂ ਸਿੱਖ ਨੌਜਵਾਨਾਂ ਦੀਆਂ ਗ੍ਰਿਫ਼ਤਾਰੀਆਂ ਦਾ ਵਿਰੋਧ
ਆਸਟ੍ਰੇਲੀਆ: ਪੰਜਾਬ ਵਿਚ ਰੈਫਰੈਂਡਮ 2020 ਅਤੇ ਖ਼ਾਲਿਸਤਾਨ ਦੇ ਨਾਂਅ 'ਤੇ ਸਿੱਖ ਨੌਜਵਾਨਾਂ ਦੀਆਂ ਗ੍ਰਿਫ਼ਤਾਰੀਆਂ ਦਾ ਹਰ ਪਾਸੇ ਵਿਰੋਧ ਕੀਤਾ ਜਾ ਰਿਹਾ ਹੈ। ਆਸਟ੍ਰੇਲੀਆ ਦੇ ਇਕ ਹਿੰਦੂ ਭਰਾ ਵਰਿੰਦਰ ਵਿੱਕੀ ਉਰਫ਼ ਵਰਿੰਦਰ ਸ਼ਰਮਾ ਨੇ ਵੀ ਪੰਜਾਬ ਵਿਚ ਸਿੱਖ ਨੌਜਵਾਨਾਂ ਦੀਆਂ ਗ੍ਰਿਫ਼ਤਾਰੀਆਂ ਦਾ ਵਿਰੋਧ ਕਰਦਿਆਂ ਇਸ ਨੂੰ ਗੁੰਡਾਰਾਜ ਕਰਾਰ ਦਿੱਤਾ ਹੈ।
Varinder Vicky
ਵਰਿੰਦਰ ਵਿੱਕੀ ਨੇ ਕਿਹਾ ਕਿ ਕੱਲ੍ਹ ਭਾਈ ਰਵੀ ਸਿੰਘ ਨੇ ਅਪਣੇ ਟਵਿੱਟਰ ਅਕਾਉਂਟ ਤੇ ਟਵੀਟ ਕਰ ਕੇ ਉੱਥੋਂ ਦੀ ਸਰਕਾਰ ਨੂੰ ਇਹ ਕਿਹਾ ਕਿ ਮੈਂ ਇੰਗਲੈਂਡ ਵਿਚ ਇਕ ਵੱਖਰਾ ਦੇਸ਼ ਬਣਾਉਣਾ ਚਾਹੁੰਦਾ ਹਾਂ ਜਿਸ ਦਾ ਨਾਮ ਹੋਵੇਗਾ ਰਵੀਸਤਾਨ। ਉਹਨਾਂ ਨੇ ਬਗ਼ਾਵਤ ਵਿਖਾਈ ਕਿ ਉਹਨਾਂ ਨੇ ਇਕ ਵੱਖਰਾ ਦੇਸ਼ ਬਣਾਉਣਾ ਹੈ ਤੇ ਉਹਨਾਂ ਤੇ ਅਜੇ ਤਕ ਕੋਈ ਪਰਚਾ ਨਹੀਂ ਹੋਇਆ, ਨਾ ਹੀ ਕੋਈ ਐਫਆਈਆਰ, ਕੋਰਟ ਨੇ ਕੋਈ ਸੰਮਨ ਨਹੀਂ ਭੇਜੇ, ਨਾ ਹੀ ਅੱਤਵਾਦੀ ਐਲਾਨੇ ਹਨ, ਨਾ ਹੀ ਬਲੈਕ ਲਿਸਟ ਵਿਚ ਰੱਖਿਆ ਗਿਆ ਹੈ, ਨਾ ਹੀ ਪੁਲਿਸ ਵੱਲੋਂ ਗ੍ਰਿਫ਼ਤਾਰ ਕੀਤਾ ਗਿਆ ਹੈ।
Varinder Vicky
ਸੋ ਇਸ ਨੂੰ ਕਹਿੰਦੇ ਹਨ ਸਰਕਾਰ। ਇਸ ਦੇ ਨਾਲ ਹੀ ਉਹਨਾਂ ਨੇ ਪੰਜਾਬ ਦੀ ਸਰਕਾਰ ਬਾਰੇ ਬੋਲਦਿਆਂ ਕਿਹਾ ਕਿ ਪੰਜਾਬ ਵਿਚ ਜੇ ਕਿਸੇ ਨੇ ਗਲਤੀ ਨਾਲ ਰੈਫਰੈਂਡਮ ਵਾਲੀ ਪੋਸਟ ਲਾਈਕ ਕੀਤਾ ਹੈ ਉਹਨਾਂ ਨੂੰ ਪੁਲਿਸ ਨੇ ਉਹਨਾਂ ਤੇ ਦੇਸ਼ ਧ੍ਰੋਹੀ ਦੀਆਂ ਧਾਰਾਵਾਂ ਲਗਾ ਕੇ ਨੌਜਵਾਨਾਂ ਦੀ ਜ਼ਿੰਦਗੀ ਖ਼ਤਮ ਕਰਨ ਵਿਚ ਸਰਕਾਰ ਜੁਟ ਗਈ ਹੈ।
Ravi Singh
ਇਸ ਦੇ ਨਾਲ ਹੀ ਉਹਨਾਂ ਨੇ ਨਵਤੇਜ ਸਿੰਘ ਗੁੱਗੂ ਬਾਰੇ ਗੱਲ ਕਰਦਿਆਂ ਦਸਿਆ ਕਿ ਉਹ ਨਵਤੇਜ ਸਿੰਘ ਗੁੱਗੂ ਬਹੁਤ ਹੀ ਹੌਂਸਲੇ ਵਾਲਾ, ਨੇਕ ਦਿਲ ਇਨਸਾਨ ਹੈ। ਲੋਕ ਉਸ ਨੂੰ ਉਦੋਂ ਤੋਂ ਜਾਣਦੇ ਹਨ ਜਦੋਂ ਉਹਨਾਂ ਨੇ ਨਿਹੰਗ ਪੂਹਲੇ ਨੂੰ ਸੋਧਾ ਲਗਾਇਆ ਸੀ। ਉਸ ਤੋਂ ਬਾਅਦ ਹੀ ਲੋਕਾਂ ਨੇ ਨਵਤੇਜ ਦੀ ਬਹੁਤ ਹੌਂਸਲਾ ਅਫ਼ਜਾਈ ਕੀਤੀ ਹੈ।
Capt Amrinder Singh
ਹੁਣ ਉਹ ਬਹੁਤ ਹੀ ਲੰਬੇ ਸਮੇਂ ਤੋਂ ਲੋਕਾਂ ਦੀ ਸੇਵਾ ਕਰ ਰਿਹਾ ਸੀ ਪਰ ਪੁਲਿਸ ਦੀ ਨਫ਼ਰਤ, ਪੁਲਿਸ ਦਾ ਗੁੱਸਾ ਅਤੇ ਲੋਕਲ ਜਿਵੇਂ ਕੈਮਿਸਟਸ ਜਾਂ ਹੋਰ ਕਈ ਜਿਹਨਾਂ ਨੂੰ ਗੁੱਗੂ ਤੋਂ ਨਫ਼ਰਤ ਸੀ ਉਹਨਾਂ ਨੇ ਪਾਵਰ ਦੀ ਪਹੁੰਚ ਕਰਦੇ ਹੋਏ ਪੁਲਿਸ ਕੋਲ ਪਹੁੰਚੇ ਤੇ ਨਵਤੇਜ ਨਾਲ ਧੱਕਾ ਕਰਵਾਉਣ ਦੀ ਕੋਸ਼ਿਸ਼ ਕਰ ਰਹੇ ਹਨ। ਅੱਜ ਉਹ ਸਲਾਖ਼ਾਂ ਪਿੱਛੇ ਬੈਠੇ ਹਨ ਕਿਉਂ ਕਿ ਇਹ ਸਾਡੀ ਗ਼ਲਤੀ ਹੈ ਕਿ ਅਸੀਂ ਸਰਕਾਰਾਂ ਬਣਾਈਆਂ ਹਨ।
Khalistan
ਇਹ ਗੁੰਡਾਰਾਜ ਹੈ ਇੱਥੇ ਕਿਸੇ ਚੰਗੇ ਇਨਸਾਨ ਨਾਲ ਹਮੇਸ਼ਾ ਧੱਕਾ ਹੀ ਹੁੰਦਾ ਆਇਆ ਹੈ। ਦੱਸ ਦਈਏ ਕਿ ਇਹ ਉਹ ਹਿੰਦੂ ਵੀਰ ਹੈ ਜਿਸ ਨੇ ਕੁੱਝ ਦਿਨ ਪਹਿਲਾਂ ਐਨਆਰਆਈ ਭਰਾਵਾਂ ਦੀਆਂ ਧੀਆਂ ਭੈਣਾਂ ਵਿਰੁੱਧ ਗ਼ਲਤ ਬੋਲਣ ਵਾਲੇ ਸ਼ਿਵ ਸੈਨਾ ਨੇਤਾ ਸੁਧੀਰ ਸੂਰੀ ਨੂੰ ਜਮ ਕੇ ਲਾਹਣਤਾਂ ਪਾਈਆਂ ਸਨ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
