Singapore News : ਕਿਹਾ, ਅੰਤਰ-ਧਰਮ ਸੰਵਾਦ ਲਈ ਹਿੰਮਤ ਦੀ ਲੋੜ ਹੁੰਦੀ ਹੈ 

Singapore News : ਪੋਪ ਫ਼ਰਾਂਸਿਸ ਨੇ ਸ਼ੁਕਰਵਾਰ ਨੂੰ ਸਿੰਗਾਪੁਰ ’ਚ ਨੌਜਵਾਨਾਂ ਨੂੰ ਕਿਹਾ ਕਿ ਅੰਤਰ-ਧਰਮ ਸੰਵਾਦ ਲਈ ਹਿੰਮਤ ਦੀ ਲੋੜ ਹੁੰਦੀ ਹੈ ਕਿਉਂਕਿ ਇਸ ਦਾ ਮਤਲਬ ਆਲੋਚਨਾ ਦਾ ਸਾਹਮਣਾ ਕਰਨ ਲਈ ਖ਼ੁਦ ਨੂੰ ਤਿਆਰ ਕਰਨਾ ਹੈ। 
ਪੋਪ ਨੇ ਸਿੰਗਾਪੁਰ ਦੀ ਅਪਣੀ ਯਾਤਰਾ ਦੇ ਆਖਰੀ ਦਿਨ ਕੈਥੋਲਿਕ ਜੂਨੀਅਰ ਕਾਲਜ ਵਿਚ ਨੌਜੁਆਨਾਂ ਨਾਲ ਅੰਤਰ-ਧਰਮ ਬੈਠਕ ਦੌਰਾਨ ਕਿਹਾ, ‘‘ਕੀ ਤੁਹਾਡੇ ਵਿਚ ਆਲੋਚਨਾ ਕਰਨ ਦੀ ਹਿੰਮਤ ਹੈ ਅਤੇ ਕੀ ਤੁਸੀਂ ਇਸ ਦੇ ਨਾਲ ਹੀ ਅਪਣੀ ਆਲੋਚਨਾ ਕਰਨ ਦੀ ਇਜਾਜ਼ਤ ਦੇਵੋਗੇ?’’
ਪੋਪ ਨੇ ਕਿਹਾ ਕਿ ਨੌਜੁਆਨਾਂ ਵਿਚਾਲੇ ਗੱਲਬਾਤ ਵੱਡੇ ਪੱਧਰ ’ਤੇ ਭਾਈਚਾਰੇ ਦੇ ਨਾਗਰਿਕਾਂ ਵਿਚਾਲੇ ਗੱਲਬਾਤ ਨੂੰ ਉਤਸ਼ਾਹਤ ਕਰੇਗੀ। 
ਉਨ੍ਹਾਂ ਕਿਹਾ ਕਿ ਆਲੋਚਨਾ ਰਚਨਾਤਮਕ ਜਾਂ ਵਿਘਨਕਾਰੀ ਹੋ ਸਕਦੀ ਹੈ ਅਤੇ ਨੌਜੁਆਨਾਂ ਨੂੰ ਆਲੋਚਨਾ ਕਰਦੇ ਸਮੇਂ ਵੱਖ-ਵੱਖ ਧਰਮਾਂ ਨਾਲ ਸਬੰਧਤ ਲੋਕਾਂ ਦਾ ਸਤਿਕਾਰ ਕਰਨਾ ਚਾਹੀਦਾ ਹੈ। 
ਚੈਨਲ ਨਿਊਜ਼ ਏਸ਼ੀਆ ਨੇ ਪੋਪ ਦੇ ਹਵਾਲੇ ਨਾਲ ਕਿਹਾ, ‘‘ਤੁਹਾਡੇ ਕਲ ਹਿੰਮਤ ਹੋ ਸਕਦੀ ਹੈ ਅਤੇ ਇਸ ਦੀ ਵਰਤੋਂ ਉਨ੍ਹਾਂ ਚੀਜ਼ਾਂ ਲਈ ਕਰ ਸਕਦੇ ਹੋ ਜੋ ਅਸਲ ’ਚ ਤੁਹਾਡੀ ਮਦਦ ਨਹੀਂ ਕਰਦੀਆਂ, ਜਾਂ ਤੁਸੀਂ ਅੱਗੇ ਵਧਣ ਅਤੇ ਸੰਚਾਰ ਕਰਨ ਲਈ ਇਸ ਹਿੰਮਤ ਦੀ ਵਰਤੋਂ ਕਰ ਸਕਦੇ ਹੋ।’’ ਉਨ੍ਹਾਂ ਨੌਜਵਾਨਾਂ ਨੂੰ ਅਪੀਲ ਕੀਤੀ ਕਿ ਉਹ ਅਪਣੇ ਆਰਾਮ ਦੇ ਖੇਤਰ ਤੋਂ ਬਾਹਰ ਨਿਕਲ ਕੇ ਦਲੇਰ ਅਤੇ ਸਿਰਜਣਾਤਮਕ ਬਣਨ ਅਤੇ ਅੰਤਰ-ਧਾਰਮਕ ਸਦਭਾਵਨਾ ਦੇ ਵਿਸ਼ੇ ’ਤੇ ਸੰਵਾਦ ’ਚ ਸਰਗਰਮੀ ਨਾਲ ਹਿੱਸਾ ਲੈਣ।  (ਏਜੰਸੀ)

(For more news Apart from Interfaith dialogue, be ready to face criticism: Pope News in punjabi , stay tuned to Rozana Spokesman )