ਰੋਬੋਟ ਦੇ ਹੱਥ ਵਿਚ ਲਗੇ ਸਟੀਲ ਦੇ ਰਾਡ ਕਰਮਚਾਰੀ ਦੇ ਹੱਥ ਅਤੇ ਛਾਤੀ ਵਿਚ ਆਰ-ਪਾਰ ਹੋ ਗਏ। ਡਾਕਟਰਾਂ ਮੁਤਾਬਕ ਆਪ੍ਰੇਸ਼ਨ ਤੋਂ ਪਹਿਲਾਂ ਮਰੀਜ਼ ਦਾ ਐਕਸਰੇ ਸੰਭਵ ਨਹੀਂ ਸੀ।

ਚੀਨ , ( ਭਾਸ਼ਾ) : ਇਕ ਪਾਸੇ ਦੁਨੀਆ ਕੇ ਕਈ ਦੇਸ਼ਾਂ ਵਿਚ ਸੜਕਾਂ 'ਤੇ ਬਿਨਾਂ ਡਰਾਈਵਰ ਤੋਂ ਕਾਰ ਚਲਾਉਣ ਲਈ ਖੋਜਾਂ ਕੀਤੀਆਂ ਜਾ ਰਹੀਆਂ ਹਨ। ਉਥੇ ਹੀ ਰੋਬੋਟ ਨੂੰ ਲੈ ਕੇ ਅਜਿਹੀਆਂ ਕਈ ਖਬਰਾਂ ਵੀ ਆਉਂਦੀਆਂ ਹਨ ਜੋ ਕਿ ਇਹਨਾਂ ਤੋਂ ਹੋਣ ਵਾਲੇ ਖ਼ਤਰਿਆਂ ਪ੍ਰਤੀ ਮਨੁੱਖ ਨੂੰ ਸਚੇਤ ਕਰਦੀਆਂ ਹਨ । ਅਜਿਹੇ ਹੀ ਇਕ ਮਾਮਲੇ ਵਿਚ ਚੀਨ ਦੀ ਇਕ ਫੈਕਟਰੀ ਵਿਚ ਬੇਕਾਬੂ ਹੋਏ ਰੋਬੋਟ ਨੇ ਇਕ ਕਰਮਚਾਰੀ 'ਤੇ ਜਾਨਲੇਵਾ ਹਮਲਾ ਕਰ ਦਿਤਾ। ਇਸ ਹਮਲੇ ਵਿਚ ਕਰਮਚਾਰੀ ਦੇ ਸਰੀਰ ਦੇ ਅੰਦਰ ਸਟੀਲ ਦੀਆਂ 10 ਤਿੱਖੀਆਂ ਰਾਡਾਂ ਚਲੀਆਂ ਗਈਆਂ,

Surgery

ਜਿਸ ਨਾਲ ਉਸ ਦੀ ਜਾਨ ਨੂੰ ਖ਼ਤਰਾ ਪੈਦਾ ਹੋ ਗਿਆ।  ਇਹਨਾਂ ਰਾਡਾਂ ਦੀ ਮੋਟਾਈ ਡੇਢ ਸੈਂਟੀਮੀਟਰ ਸੀ। ਇਸ ਤੋਂ ਬਾਅਦ ਗੰਭੀਰ ਹਾਲਤ ਵਿਚ ਇਸ ਜਖ਼ਮੀ ਕਰਮਚਾਰੀ ਨੂੰ ਹਸਪਤਾਲ ਤੱਕ ਲਿਜਾਇਆ ਗਿਆ। ਹਸਪਤਾਲ ਵਿਚ ਡਾਕਟਰਾਂ ਦੀ ਟੀਮ ਨੇ ਕਈ ਘੰਟਿਆਂ ਦੀ ਸਰਜਰੀ ਤੋਂ ਬਾਅਦ ਕਰਮਚਾਰੀ ਦੇ ਸਰੀਰ ਵਿਚੋਂ ਤਿੱਖੀਆਂ ਰਾਡਾਂ ਨੂੰ ਬਾਹਰ ਕੱਢਿਆ। ਹਸਪਤਾਲ ਪ੍ਰਬੰਧਨ ਮੁਤਾਬਕ ਸਰਜਰੀ ਤੋਂ ਬਾਅਦ ਜਖ਼ਮੀ ਕਰਮਚਾਰੀ ਦੀ ਹਾਲਤ ਸਥਿਰ ਹੈ। ਜਖ਼ਮੀ ਕਰਮਚਾਰੀ ਦੱਖਣੀ ਚੀਨ ਦੇ ਝੂਜੌ ਰਾਜ ਵਿਚ ਚੀਨੀ ਮਿੱਟੀ ਦੇ ਭਾਂਡੇ ਬਣਾਉਣ ਵਾਲੀ ਇਕ ਫੈਕਟਰੀ ਵਿਚ ਕੰਮ ਕਰਦਾ ਹੈ।

steel rods

ਜਿਸ ਸਮੇਂ ਇਹ ਹਾਦਸਾ ਹੋਇਆ ਉਸ ਸਮੇਂ ਇਹ ਕਰਮਚਾਰੀ ਅਪਣੀ ਰਾਤ ਦੀ ਡਿਊਟੀ ਕਰ ਰਿਹਾ ਸੀ। ਬੇਕਾਬੂ ਹੋਣ ਤੋਂ ਬਾਅਦ ਰੋਬੋਟ ਡਿਊਟੀ 'ਤੇ ਮੌਜੂਦ ਕਰਮਚਾਰੀ ਉੱਤੇ ਡਿੱਗ ਗਿਆ। ਰੋਬੋਟ ਦੇ ਹੱਥ ਵਿਚ ਲਗੇ ਸਟੀਲ ਦੇ ਰਾਡ ਕਰਮਚਾਰੀ ਦੇ ਹੱਥ ਅਤੇ ਛਾਤੀ ਵਿਚ ਆਰ-ਪਾਰ ਹੋ ਗਏ। ਡਾਕਟਰਾਂ ਮੁਤਾਬਕ ਆਪ੍ਰੇਸ਼ਨ ਤੋਂ ਪਹਿਲਾਂ ਮਰੀਜ਼ ਦਾ ਐਕਸਰੇ ਕਰਨਾ ਸੰਭਵ ਨਹੀਂ ਸੀ।

Operation

ਉਸ ਦੀ ਹਾਲਤ ਬਹੁਤ ਗੰਭੀਰ ਸੀ। ਰਾਡਾਂ ਸਰੀਰ ਦੇ ਅੰਦਰ ਹੋਣ ਕਾਰਨ ਮਰੀਜ਼ ਨੂੰ ਆਪ੍ਰੇਸ਼ਨ ਲਈ ਬਿਸਤਰ 'ਤੇ ਲਿਟਾਇਆ ਨਹੀਂ ਸੀ ਜਾ ਸਕਦਾ। ਸੱਭ ਤੋਂ ਵੱਧ ਖ਼ਤਰਾ ਛਾਤੀ ਵਿਚ ਗਈ ਰਾਡ ਦਾ ਸੀ ਜੋ ਸਰੀਰ ਦੀ ਮੁੱਖ ਖੂਨ ਵਾਲੀ ਧਮਣੀ ਨੂੰ ਨੁਕਸਾਨ ਪਹੁੰਚਾ ਸਕਦੀ ਸੀ। ਮੰਨਿਆ ਜਾਂਦਾ ਹੈ ਕਿ ਰੋਬੋਟ ਹਮਲੇ ਦਾ ਸੱਭ ਤੋਂ ਪਹਿਲਾ ਹਾਦਸਾ ਭਾਰਤ ਵਿਚ ਹੋਇਆ ਸੀ ਜਿਸ ਵਿਚ ਕਈ ਸਾਲ ਪਹਿਲਾਂ ਇਕ ਕਰਮਚਾਰੀ ਦੀ ਜਾਨ ਚਲੀ ਗਈ ਸੀ।