ਟਿਕਟਾਕ ਦੀ ਮੂਲ ਕੰਪਨੀ ਬਾਈਟਡਾਂਸ ਦੀ ਕੀਮਤ ਵੱਧ ਕੇ 250 ਬਿਲੀਅਨ ਡਾਲਰ ਤੱਕ ਪਹੁੰਚ ਗਈ ਹੈ
ਬੀਜਿੰਗ - ਵੀਡੀਓ ਸ਼ੇਅਰਿੰਗ ਐਪ ਟਿਕਟਾਕ ਦੇ ਸੰਸਥਾਪਕ ਝਾਂਗ ਯਿਮਿੰਗ ਦਾ ਨਾਮ ਵਿਸ਼ਵ ਦੇ ਸਭ ਤੋਂ ਅਮੀਰ ਲੋਕਾਂ ਦੀ ਸੂਚੀ ਵਿਚ ਸ਼ਾਮਲ ਹੋ ਗਿਆ ਹੈ। ਪਿਛਲੇ ਸਾਲ ਚੀਨ ਤੋਂ ਲੈ ਕੇ ਭਾਰਤ ਅਤੇ ਅਮਰੀਕਾ ਵਿਚ ਆਈਆਂ ਰੁਕਾਵਟਾਂ ਦੇ ਬਾਵਜੂਦ ਐਪ ਦੀ ਮਾਲਕੀਅਤ ਵਾਲੀ ਕੰਪਨੀ ਬਾਈਟਡਾਂਸ ਦੀ ਚੰਗੀ ਤਰੱਕੀ ਕਰ ਕੇ ਉਹ 60 ਅਰਬ ਡਾਲਰ ਦੇ ਮਾਲਕ ਬਣ ਗਏ ਹਨ।
Tik tok
ਬਲੂਮਬਰਗ ਬਿਲੇਨੀਅਰਸ ਇੰਡੈਕਸ ਦੀ ਸਾਲਾਨਾ ਰਿਪੋਰਟ ਮੁਤਾਬਕ ਝਾਂਗ ਯਿਮਿੰਗ ਕੋਲ ਮੌਜੂਦਾ ਸਮੇਂ ਵਿਚ 60 ਬਿਲੀਅਨ ਡਾਲਰ ਤੋਂ ਜ਼ਿਆਦਾ ਦੀ ਜਾਇਦਾਦ ਹੈ। ਬਲੂਮਬਰਗ ਮੁਤਾਬਕ ਟਿਕਟਾਕ ਦੀ ਮੂਲ ਕੰਪਨੀ ਬਾਈਟਡਾਂਸ ਦੀ ਕੀਮਤ ਵੱਧ ਕੇ 250 ਬਿਲੀਅਨ ਡਾਲਰ ਤੱਕ ਪਹੁੰਚ ਗਈ ਹੈ ਅਤੇ ਝਾਂਗ ਯਿਮਿੰਗ ਦੀ ਉਸ ਵਿਚ 25 ਫੀਸਦੀ ਹਿੱਸੇਦਾਰੀ ਹੈ। ਇਸ ਤਰ੍ਹਾਂ ਨਾਲ ਸਿਰਫ ਬਾਈਟਡਾਂਸ ਰਾਹੀਂ ਹੀ ਉਹ ਸਭ ਤੋਂ ਅਮੀਰ ਆਦਮੀਆਂ ਦੀ ਲਿਸਟ ਵਿਚ ਆ ਗਏ ਹਨ।
TikTok founder's $60 billion fortune places him among the world's richest people
ਦਰਅਸਲ, ਹੁਣ ਬਾਈਟਡਾਂਸ ਕੰਪਨੀ ਕਈ ਨਵੇਂ ਕੰਮ ਵੀ ਕਰ ਰਹੀ ਹੈ, ਜਿਸ ਵਿਚ ਈ-ਕਾਮਰਸ ਦੇ ਨਾਲ ਹੀ ਆਨਲਾਈਨ ਗੇਮਿੰਗ ਦਾ ਕੰਮ ਵੀ ਹੈ, ਅਜਿਹੇ ਵਿਚ ਕੰਪਨੀ ਦੀ ਆਮਦਨ ਪਿਛਲੇ ਸਾਲ ਦੇ ਮੁਕਾਬਲੇ ਦੁੱਗਣੀ ਹੋ ਗਈ ਹੈ। ਬਲੂਮਬਰਗ ਬਿਲੇਨੀਅਰਸ ਇੰਡੈਕਸ ਮੁਤਾਬਕ ਉਨ੍ਹਾਂ ਦੀ ਦੌਲਤ 60 ਬਿਲੀਅਨ ਡਾਲਰ ਤੋਂ ਜ਼ਿਆਦਾ ਹੋ ਗਈ ਹੈ।
TikTok founder's $60 billion fortune places him among the world's richest people
ਅਜਿਹੇ ਵਿਚ ਉਹ ਚੀਨ ਦੇ ਬੋਤਲ ਕਿੰਗ ਕਹੇ ਜਾਣ ਵਾਲੇ ਝੋਂਗ ਸ਼ੈਨਸ਼ੈਨ ਅਤੇ ਅਮਰੀਕਾ ਦੇ ਕੋਚ ਫੈਮਿਲੀ ਦੇ ਬਰਾਬਰ ਦੀ ਹੈਸੀਅਤ ਵਾਲੇ ਵਿਅਕਤੀ ਹੋ ਗਏ ਹਨ। ਝਾਂਗ ਯਿਮਿੰਗ ਦੀ ਦੌਲਤ ਇਸ ਲਈ ਵੀ ਵਧੀ ਕਿਉਂਕਿ ਪ੍ਰਾਈਵੇਟ ਮਾਰਕੀਟ ਵਿਚ ਉਨ੍ਹਾਂ ਦੀ ਕੰਪਨੀ ਬਾਈਟਡਾਂਸ ਦੀ ਹੈਸੀਅਤ ਵਧ ਕੇ 250 ਬਿਲੀਅਨ ਡਾਲਰ ਹੋ ਗਈ ਹੈ ਅਤੇ ਉਹ ਇਕ ਚੌਥਾਈ ਸ਼ੇਅਰ ਦੇ ਮਾਲਕ ਹਨ।
