ਓਸਾਮਾ ਬਿਨ ਲਾਦੇਨ ਦੇ ਬਾਅਦ ਹੁਣ ਅਮਰੀਕਾ ਨੇ ਤਹਿਰੀਕ-ਏ-ਤਾਲਿਬਾਨ ਪਾਕਿਸਤਾਨ ਦੇ ਸਰਗਨੇ ਮੁੱਲਾਂ ਫਜੁਲੁੱਲਾਹ ਨੂੰ ਡਰੋਨ ਹਮਲੇ ਵਿਚ ਮਾਰ ਦਿਤਾ ਹੈ
ਅਮਰੀਕਾ ਵਲੋਂ ਲਗਾਤਾਰ ਅਤਿਵਾਦੀਆਂ ਦੀਆਂ ਗਤੀਵਿਧੀਆਂ ਨੂੰ ਖ਼ਤਮ ਕਰਨ ਲਈ ਕਾਰਵਾਈ ਕੀਤੀ ਜਾ ਰਹੀ ਹੈ ਅਤੇ ਇਸਦੇ ਚਲਦੇ ਅਮਰੀਕਾ ਨੇ ਬਹੁਤ ਸਾਰੇ ਅਤਿਵਾਦੀਆਂ ਨੂੰ ਮਾਰ ਗਿਰਾਇਆ ਹੈ | ਅਤਿਵਾਦੀਆਂ ਦੇ ਖਾਤਮੇ ਤਹਿਤ ਕਾਰਵਾਈ ਕਰਦਾ ਹੋਏ ਹਾਲ ਹੀ ਵਿਚ ਅਮਰੀਕਾ ਦੇ ਹੱਥ ਬਹੁਤ ਵੱਡੀ ਕਾਮਯਾਬੀ ਲੱਗੀ ਹੈ |
Mullah fazlulah
ਓਸਾਮਾ ਬਿਨ ਲਾਦੇਨ ਦੇ ਬਾਅਦ ਹੁਣ ਅਮਰੀਕਾ ਨੇ ਤਹਿਰੀਕ-ਏ-ਤਾਲਿਬਾਨ ਪਾਕਿਸਤਾਨ ਦੇ ਸਰਗਨੇ ਮੁੱਲਾਂ ਫਜੁਲੁੱਲਾਹ ਨੂੰ ਡਰੋਨ ਹਮਲੇ ਵਿਚ ਮਾਰ ਦਿਤਾ ਹੈ । ਮੁੱਲਾਂ ਫਜੁਲੁੱਲਾਹ ਅਫਗਾਨਿਸਤਾਨ ਦੇ ਪੂਰਵੀ ਕੁਨਾਰ ਪ੍ਰਾਂਤ ਦਾ ਆਤੰਕੀ ਹੈ । ਇਸ ਗੱਲ ਦੀ ਪੁਸ਼ਟੀ ਅਮਰੀਕਾ ਫੌਜ ਦੇ ਇੱਕ ਅਧਿਕਾਰੀ ਵਲੋਂ ਕੀਤੀ ਗਈ ਹੈ ।
Mullah fazlulah
ਲੈਫਟੀਨੈਂਟ ਕਰਨਲ ਮਾਰਟਿਨ ਓਡੋਨੇਲ ਨੇ ਦਸਿਆ ਕਿ ਅਮਰੀਕਾ ਫੌਜ ਵਲੋਂ ਅਫਗਾਨਿਸਤਾਨ- ਪਾਕਿਸਤਾਨ ਬਾਰਡਰ ਨਾਲ ਲਗਦੇ ਕੁਨਾਰ ਪ੍ਰਾਂਤ ਵਿਚ ਆਤੰਕੀਆਂ ਦੇ ਖਾਤਮੇ ਲਈ 13 ਜੂਨ ਤੋਂ ਅਭਿਆਨ ਚਲਾਇਆ ਜਾ ਰਿਹਾ ਹੈ । ਇਸ ਅਭਿਆਨ ਦੌਰਾਨ ਡਰੋਨ ਹਮਲੇ ਵਿਚ ਫਜਲੁੱਲਾਹ ਨੂੰ ਨਿਸ਼ਾਨਾ ਬਣਾਇਆ ਗਿਆ ।
Mullah fazlulah
ਅਲਕਾਇਦਾ ਦੇ ਕਰੀਬੀ ਸੰਗਠਨ ਤਹਿਰੀਕ-ਏ -ਤਾਲਿਬਾਨ ਨੇ ਹੀ ਫੈਜਲ ਸ਼ਹਜਾਦ ਨੂੰ ਟਾਈਮਸ ਸਕਾਇਰ ਵਿਚ ਹਮਲਾ ਕਰਨ ਲਈ ਟ੍ਰੇਨਿੰਗ ਦਿਤੀ ਸੀ । ਦਸਣਯੋਗ ਹੈ ਕਿ ਅਮਰੀਕਾ ਦੇ ਵਿਦੇਸ਼ ਵਿਭਾਗ ਨੇ ਮਾਰਚ ਵਿਚ ਮੁੱਲਾਂ ਫਜੁਲੁੱਲਾਹ ਦਾ ਪਤਾ ਲਗਾਉਣ ਲਈ 50 ਲੱਖ ਡਾਲਰ ਯਾਨੀ 34 ਕਰੋੜ ਰੁਪਏ ਦਾ ਇਨਾਮ ਵੀ ਘੋਸ਼ਿਤ ਕੀਤਾ ਸੀ ।
Dron
ਤੁਹਾਨੂੰ ਦੱਸ ਦੇਈਏ ਕਿ ਫਜਲੁੱਲਾਹ ਪਾਕਿਸਤਾਨ ਵਿਚ ਕਈ ਖੂਨੀ ਹਮਲੇ ਅਤੇ 2010 'ਚ ਨਿਊਯਾਰਕ ਦੇ ਟਾਈਮਸ ਸਕਵਾਇਰ ਕਾਰ ਬੰਬ ਵਿਸਫੋਟ ਦੀ ਕੋਸ਼ਿਸ਼ 'ਚ ਸ਼ਾਮਿਲ ਸੀ । ਉਥੇ ਹੀ ਪਾਕਿਸਤਾਨ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਤਹਿਰੀਕ-ਏ-ਤਾਲਿਬਾਨ ਪਾਕਿਸਤਾਨ 'ਚੋ ਖਦੇੜ ਦਿਤਾ ਗਿਆ ਸੀ , ਜਿਸਦੇ ਬਾਅਦ ਫਜਲੁੱਲਾਹ ਨੇ ਅਫਗਾਨਿਸਤਾਨ ਵਿਚ ਸ਼ਰਨ ਲਈ ਸੀ ।
