ਅਮਰੀਕਾ ਵਿਚ ਹਿਜਾਬ ਪਾਈ ਇਕ ਮੁਸਲਿਮ ਔਰਤ ਦੇ ਅੰਗਰੇਜ਼ੀ ਲਹਿਜੇ ਦਾ ਇਕ ਗੋਰੀ ਮਹਿਲਾ ਨੇ ਨਸਲੀ ਭਾਵਨਾ ਨਾਲ ਪ੍ਰੇਰਿਤ ਹੋ ਕੇ ਮਜ਼ਾਕ ਉਡਾਇਆ। ਇਸ ...
ਨਿਊਯਾਰਕ, ਅਮਰੀਕਾ ਵਿਚ ਹਿਜਾਬ ਪਾਈ ਇਕ ਮੁਸਲਿਮ ਔਰਤ ਦੇ ਅੰਗਰੇਜ਼ੀ ਲਹਿਜੇ ਦਾ ਇਕ ਗੋਰੀ ਮਹਿਲਾ ਨੇ ਨਸਲੀ ਭਾਵਨਾ ਨਾਲ ਪ੍ਰੇਰਿਤ ਹੋ ਕੇ ਮਜ਼ਾਕ ਉਡਾਇਆ। ਇਸ ਨਾਲ ਹੀ ਗੋਰੀ ਔਰਤ ਨੇ ਧਮਕੀ ਦਿਤੀ ਕਿ ਅਮਰੀਕੀ ਪ੍ਰਵਾਸੀ ਅਤੇ ਕਸਟਮ ਅਧਿਕਾਰੀ ਮੁਸਲਿਮ ਔਰਤ ਦੇ ਬੱਚਿਆਂ ਨੂੰ ਉਸ ਤੋਂ ਵੱਖ ਕਰ ਦੇਣਗੇ।
ਇਕ ਖ਼ਬਰ ਮੁਤਾਬਕ ਮੈਨਹੱਟਨ ਤੋਂ ਸਟੇਟੇਨ ਟਾਪੂ ਜਾ ਰਹੀ ਨਿਊਯਾਰਕ ਟ੍ਰਾਂਜ਼ਿਟ ਬੱਸ ਵਿਚ ਹੋਈ ਬਹਿਸ ਦੌਰਾਨ ਗੋਰੀ ਮਹਿਲਾ ਐਸ਼ਲੇ ਨੇ ਮੁਸਲਿਮ ਮਹਿਲਾ ਦੇ ਲਹਿਜ਼ੇ ਅਤੇ ਉਸ ਦੇ ਅੰਗਰੇਜ਼ੀ ਬੋਲਣ ਦੀ ਸਮਰੱਥਾ ਦਾ ਮਜ਼ਾਕ ਉਡਾਇਆ। ਗੋਰੀ ਮਹਿਲਾ ਨੇ ਉਸ ਨੂੰ ਦੇਸ਼ ਵਾਪਸ ਭੇਜੇ ਜਾਣ ਦੀ ਧਮਕੀ ਦੇਣ ਦੇ ਨਾਲ-ਨਾਲ ਉਸ ਨੂੰ ਡਰਾਉਣਾ ਜਾਰੀ ਰਖਿਆ ਅਤੇ ਚੇਤਾਵਨੀ ਦਿਤੀ ਕਿ ਪ੍ਰਵਾਸੀ ਅਤੇ ਕਮਟਮ ਅਧਿਕਾਰੀ ਉਸ ਕੋਲ ਆ ਰਹੇ ਹਨ। ਨਿਊਜ਼ ਏਜੰਸੀ ਨੇ ਗੋਰੀ ਮਹਿਲਾ ਦੇ ਹਵਾਲੇ ਨਾਲ ਇਹ ਜਾਣਕਾਰੀ ਦਿਤੀ ਹੈ।
ਖ਼ਬਰ ਵਿਚ ਕਿਹਾ ਗਿਆ ਹੈ ਕਿ ਮੁਸਲਿਮ ਔਰਤ ਅਤੇ ਗੋਰੀ ਔਰਤ ਵਿਚਕਾਰ ਬੱਸ ਵਿਚ ਤਿੱਖੀ ਬਹਿਸ ਹੋਈ। ਇਸ ਵਿਚ ਕਿਹਾ ਗਿਆ ਕਿ ਗੋਰੀ ਮਹਿਲਾ ਨੇ ਮੁਸਲਿਮ ਮਹਿਲਾ ਨੂੰ ਕਿਹਾ ਕਿ ਪ੍ਰਵਾਸੀ ਅਤੇ ਕਸਟਮ ਅਧਿਕਾਰੀਆਂ ਨੂੰ ਉਸ ਨੂੰ ਉਸ ਦੇ ਬੱਚਿਆਂ ਤੋਂ ਵੱਖ ਕਰ ਦੇਣਾ ਚਾਹੀਦਾ ਹੈ। ਇਸ ਘਟਨਾ ਦੀ ਇਕ ਸ਼ਖ਼ਸ ਨੇ ਅਪਣੇ ਫ਼ੋਨ 'ਤੇ ਜਦੋਂ ਰਿਕਾਡਿੰਗ ਸ਼ੁਰੂ ਕੀਤੀ ਤਾਂ ਐਸ਼ਲੇ ਮੁਸਲਿਮ ਮਹਿਲਾ 'ਤੇ ਚੀਕਦੇ ਹੋਏ ਕਹਿ ਰਹੀ ਸੀ ਕਿ ਉਹ ਇਥੋਂ ਦੀ ਨਾਗਰਿਕ ਨਹੀਂ ਹੈ ਅਤੇ ਅੰਗਰੇਜ਼ੀ ਨਹੀਂ ਬੋਲ ਸਕਦੀ। ਅਧਿਕਾਰੀਆਂ ਨੇ ਦਸਿਆ ਕਿ ਉਹ ਇਸ ਘਟਨਾ ਤੋਂ ਜਾਣੂ ਹਨ ਅਤੇ ਇਸ ਦੀ ਜਾਂਚ ਕਰ ਰਹੇ ਹਨ। (ਪੀ.ਟੀ.ਆਈ)
