ਵਿਗਿਆਨੀਆਂ ਨੇ ਜਤਾਈ ਸੰਭਾਵਨਾ - ਟਮਾਟਰ, ਮੂਲੀ, ਰਾਈ, ਕੁਇਨੋਆ, ਪਾਲਕ ਮਟਰਾਂ ਸਮੇਤ 10 ਵੱਖ-ਵੱਖ ਫਸਲਾਂ ਤਿਆਰ ਹੋਣਗੀਆਂ
ਲੰਦਨ : ਨਾਸਾ ਦੇ ਵਿਗਿਆਨੀਆਂ ਨੇ ਮੰਗਲ ਅਤੇ ਚੰਦਰਮਾ ਵਰਗੇ ਵਾਤਾਵਰਣ ਅਤੇ ਮਿੱਟੀ ਨੂੰ ਨਕਲੀ ਢੰਗ ਨਾਲ ਤਿਆਰ ਕਰ ਕੇ ਫਸਲਾਂ ਉਗਾਉਣ ਵਿਚ ਸਫ਼ਲਲਾ ਹਾਸਲ ਕੀਤੀ। ਉਨ੍ਹਾਂ ਦਾ ਵਿਸ਼ਵਾਸ ਹੈ ਕਿ ਜੇ ਭਵਿੱਖ ਵਿਚ ਲਾਲ ਗ੍ਰਹਿ (ਮੰਗਲ) ਅਤੇ ਚੰਨ 'ਤੇ ਮਨੁੱਖੀ ਬਸਤੀਆਂ ਸਥਾਪਤ ਕੀਤੀਆਂ ਜਾਂਦੀਆਂ ਹਨ, ਤਾਂ ਉਨ੍ਹਾਂ ਲਈ ਉਥੇ ਖਾਣ ਦੀਆਂ ਵਸਤੂਆਂ ਉਗਾਈ ਜਾ ਸਕਣਗੀਆਂ।
Soil on moon and Mars likely to support crops : Study
ਨੀਦਰਲੈਂਡਜ਼ ਦੀ ਵਗੇਨਿਗੇਨ ਯੂਨੀਵਰਸਿਟੀ ਦੇ ਖੋਜਕਰਤਾਵਾਂ ਨੇ ਇਹ ਵੀ ਕਿਹਾ ਹੈ ਕਿ ਮੰਗਲ ਅਤੇ ਚੰਨ 'ਤੇ ਉੱਗੀ ਫਸਲਾਂ ਦੇ ਬੀਜ ਵੀ ਪ੍ਰਾਪਤ ਕੀਤੇ ਜਾਣ ਦੀ ਸੰਭਾਵਨਾ ਹੈ ਤਾਂ ਜੋ ਨਵੀਂ ਫਸਲ ਲਈ ਜਾ ਸਕੇ। ਉਨ੍ਹਾਂ ਨੇ ਹਲੀਮ, ਟਮਾਟਰ, ਮੂਲੀ, ਰਾਈ, ਕੁਇਨੋਆ, ਪਾਲਕ ਅਤੇ ਮਟਰਾਂ ਸਮੇਤ 10 ਵੱਖ-ਵੱਖ ਫਸਲਾਂ ਉਗਾਈਆਂ।
Soil on moon and Mars likely to support crops : Study
ਵੈਗਨਿਨਗੇਨ ਯੂਨੀਵਰਸਿਟੀ ਦੇ ਵੀਗਰ ਵੇਮਲਿੰਕ ਨੇ ਕਿਹਾ, ''ਜਦੋਂ ਅਸੀਂ ਨਕਲੀ ਤੌਰ ਤੇ ਤਿਆਰ ਕੀਤੀ ਗਈ ਮੰਗਲ ਗ੍ਰਹਿ ਦੀ ਮਿੱਟੀ ਵਿਚ ਉਗਦੇ ਪਹਿਲੇ ਟਮਾਟਰ ਨੂੰ ਲਾਲ ਹੁੰਦੇ ਵੇਖਿਆ ਤਾਂ ਅਸੀਂ ਉਤਸ਼ਾਹ ਨਾਲ ਭਰੇ ਹੋਏ ਸੀ। ਇਸਦਾ ਅਰਥ ਇਹ ਸੀ ਕਿ ਅਸੀਂ ਇਕ ਟਿਕਾਉ ਖੇਤੀਬਾੜੀ ਵਾਤਾਵਰਣ ਪ੍ਰਣਾਲੀ ਵੱਲ ਵਧੇ ਹਾਂ।'' ”
Soil on moon and Mars likely to support crops : Study
ਖੋਜਕਰਤਾਵਾਂ ਨੇ ਮੰਗਲ ਅਤੇ ਚੰਨ ਦੀ ਧਰਤੀ ਦੇ ਉਪਰਲੇ ਹਿੱਸੇ ਤੋਂ ਲਈ ਮਿੱਟੀ ਵਿਚ ਆਮ ਮਿੱਟੀ ਨੂੰ ਮਿਲਾ ਕੇ ਨਕਲੀ ਤੌਰ ਤੇ ਅਜਿਹੇ ਵਾਤਾਵਰਣ ਦਾ ਵਿਕਾਸ ਕੀਤਾ ਸੀ। ਓਪਨ ਐਗਰੀਕਲਚਰ ਰਿਸਰਚ ਜਰਨਲ ਵਿਚ ਪ੍ਰਕਾਸ਼ਤ ਪੇਪਰ ਦੇ ਅਨੁਸਾਰ ਪਾਲਕ ਨੂੰ ਛੱਡ ਕੇ ਦਸ ਵਿਚੋਂ ਨੌਂ ਫਸਲਾਂ ਚੰਗੀ ਤਰ੍ਹਾਂ ਵਿਕਸਤ ਹੋਈਆਂ ਹਨ ਜੋ ਖਾਦੀਆਂ ਵੀ ਜਾ ਸਕਦੀਆਂ ਹਨ। ਖੋਜਕਰਤਾਵਾਂ ਨੇ ਦਸਿਆ ਕਿ ਮੂਲੀ, ਹਲੀਮ ਅਤੇ ਰਾਈ ਦੀਆਂ ਫਸਲਾਂ ਤੋਂ ਉਗਾਇਆ ਗਿਆ ਬੀਜ ਸਫਲਤਾਪੂਰਵਕ ਫੁੱਟਿਆ ਹੈ। ਉਨ੍ਹਾਂ ਕਿਹਾ ਕਿ ਜੇ ਮਨੁੱਖ ਮੰਗਲ ਜਾਂ ਚੰਨ 'ਤੇ ਬਸਣ ਲਈ ਜਾਂਦੇ ਹਨ ਤਾਂ ਉਹ ਅਪਣੀ ਫਸਲ ਉਗਾ ਸਕਣਗੇ।
