ਪਾਕਿਸਤਾਨ ਦੇ ਸੂਚਨਾ ਤਕਨੀਕੀ ਅਤੇ ਟੈਲੀਕਾਮ ਮੰਤਰੀ ਸੈਯਦ ਅਮੀਨੁਲ ਹੱਕ ਮੰਗਲਵਾਰ ਨੂੰ ਕੋਰੋਨਾ ਵਾਇਰਸ.....
ਕਰਾਚੀ, 16 ਜੂਨ : ਪਾਕਿਸਤਾਨ ਦੇ ਸੂਚਨਾ ਤਕਨੀਕੀ ਅਤੇ ਟੈਲੀਕਾਮ ਮੰਤਰੀ ਸੈਯਦ ਅਮੀਨੁਲ ਹੱਕ ਮੰਗਲਵਾਰ ਨੂੰ ਕੋਰੋਨਾ ਵਾਇਰਸ ਨਾਲ ਪੀੜਤ ਪਾਏ ਗਏ। ਇਸ ਤੋਂ ਪਹਿਲਾਂ ਵੀ ਕਈ ਆਗੂ ਇਸ ਮਹਾਂਮਾਰੀ ਨਾਲ ਪੀੜਤ ਹੋ ਚੁੱਕੇ ਹਨ। ਜਿਉ ਨਿਊਜ਼ ਨੇ ਖ਼ਬਰ ਦਿਤੀ ਕਿ ਹੱਕ ਨੇ ਇਸ ਗੱਲ ਦੀ ਪੁਸ਼ਟੀ ਕੀਤੀ ਹੈ ਕਿ ਉਹ ਪਿਛਲੇ ਇਕ ਹਫ਼ਤੇ ਤੋਂ ਲਗਾਤਾਰ ਬੁਖ਼ਾਰ ਨਾਲ ਪੀੜਤ ਹਨ, ਜੋ ਫਿਰ ਟਾਈਫ਼ਾਈਡ ਵਿਚ ਬਦਲ ਗਿਆ। ਉਨ੍ਹਾਂ ਕਿਹਾ ਕਿ ਜਿਵੇਂ ਹੀ ਉਨ੍ਹਾਂ ਨੂੰ ਪਤਾ ਲਗਿਆ ਕਿ ਉਹ ਕੋਰੋਨਾ ਵਾਇਰਸ ਨਾਲ ਪ੍ਰਭਾਵਤ ਹਨ, ਉਹ ਇਕਾਂਤਵਾਸ ਵਿਚ ਚੱਲੇ ਗਏ ਹਨ।