ਤੂਫਾਨ ਕਾਰਨ ਕਿਸ਼ਤੀ ਗਈ ਸੀ ਟੁੱਟ

ਮੈਲਬੌਰਨ: ਆਸਟ੍ਰੇਲੀਆ ਦਾ ਇਕ ਮਲਾਹ 2 ਮਹੀਨਿਆਂ ਤੱਕ ਪ੍ਰਸ਼ਾਂਤ ਮਹਾਸਾਗਰ ਵਿਚ ਫਸੇ ਰਹਿਣ ਤੋਂ ਬਾਅਦ ਜ਼ਿੰਦਾ ਪਰਤਿਆ। ਟਿਮ ਸ਼ੈਡੌਕ (51) ਆਪਣੇ ਕੁੱਤੇ ਬੇਲਾ ਨਾਲ ਮੈਕਸੀਕੋ ਤੋਂ ਫਰੈਂਚ ਪੋਲੀਨੇਸ਼ੀਆ ਦੀ ਯਾਤਰਾ 'ਤੇ ਗਿਆ ਸੀ। ਇਸ ਤੋਂ ਬਾਅਦ ਉਸ ਦੀ ਕਿਸ਼ਤੀ ਤੂਫਾਨ ਵਿਚ ਫਸ ਗਈ। ਸ਼ੈਡੋਕ ਦਾ ਇਲਾਜ ਕਰਨ ਵਾਲੇ ਡਾਕਟਰ ਨੇ ਕਿਹਾ ਹੈ ਕਿ ਉਹ ਹੁਣ ਠੀਕ ਹੈ। ਇਸ ਦੇ ਨਾਲ ਹੀ ਆਸਟ੍ਰੇਲੀਆ 'ਚ ਸਮੁੰਦਰ ਨਾਲ ਜੁੜੇ ਮਾਮਲਿਆਂ ਦੀ ਜਾਣਕਾਰੀ ਰੱਖਣ ਵਾਲੇ ਪ੍ਰੋਫੈਸਰ ਮਾਈਕ ਟਿਪਟਨ ਨੇ ਕਿਹਾ ਹੈ ਕਿ 2 ਮਹੀਨੇ ਤੱਕ ਸਮੁੰਦਰ 'ਚ ਰਹਿਣ ਤੋਂ ਬਾਅਦ ਜ਼ਿੰਦਾ ਪਰਤਣਾ ਸਿਰਫ ਕਿਸਮਤ ਦੀ ਗੱਲ ਨਹੀਂ, ਇਹ ਉਨ੍ਹਾਂ ਦੇ ਹੁਨਰ ਦਾ ਨਤੀਜਾ ਵੀ ਹੈ।

ਇਹ ਵੀ ਪੜ੍ਹੋ: ਮੋਗਾ ਬਜ਼ੁਰਗ ਕਤਲ ਮਾਮਲੇ 'ਚ ਵੱਡਾ ਖੁਲਾਸਾ, ਇਸ ਗੈਂਗਸਟਰ ਨੇ ਪੋਸਟ ਪਾ ਲਈ ਕਤਲ ਦੀ ਜ਼ਿੰਮੇਵਾਰੀ

ਸ਼ੈਡੋਕ ਨੇ ਦੱਸਿਆ ਕਿ ਉਸਨੇ ਮੈਕਸੀਕੋ ਦੇ ਲਾ ਪਾਜ਼ ਤੋਂ ਆਪਣੀ 6,000 ਕਿਲੋਮੀਟਰ ਦੀ ਯਾਤਰਾ ਸ਼ੁਰੂ ਕੀਤੀ। ਹਾਲਾਂਕਿ, ਇੱਕ ਹਫ਼ਤੇ ਬਾਅਦ ਸਮੁੰਦਰ ਵਿੱਚ ਇੱਕ ਤੇਜ਼ ਤੂਫ਼ਾਨ ਆਇਆ। ਇਸ ਕਾਰਨ ਉਹ ਭਟਕ ਗਿਆ, ਨਾਲ ਹੀ ਕਿਸ਼ਤੀ ਨੂੰ ਵੀ ਨੁਕਸਾਨ ਪਹੁੰਚਿਆ। ਕਈ ਦਿਨਾਂ ਤੱਕ ਉਹ ਮਦਦ ਦੀ ਉਡੀਕ ਕਰਦਾ ਰਿਹਾ, ਪਰ ਕੁਝ ਨਾ ਹੋ ਸਕਿਆ।

ਇਹ ਵੀ ਪੜ੍ਹੋ: ਹਰਜੋਤ ਸਿੰਘ ਬੈਂਸ ਵਲੋਂ ਮੀਂਹ ਅਤੇ ਹੜ੍ਹਾਂ ਦੀ ਮਾਰ ਝੱਲ ਰਹੇ ਸਰਕਾਰੀ ਸਕੂਲਾਂ ਨੂੰ 27.77 ਕਰੋੜ ਰੁਪਏ ਦੀ ਗ੍ਰਾਂਟ ਜਾਰੀ  

ਸ਼ੈਡੌਕ ਨੇ ਕਿਹਾ ਕਿ ਸਮੁੰਦਰ ਵਿਚ ਉਸ ਦੇ 2 ਮਹੀਨੇ ਬਹੁਤ ਮੁਸ਼ਕਲ ਸਨ। ਇਹ ਉਸਦੀ ਕੁੱਤੇ ਬੇਲਾ ਤੋਂ ਬਿਨਾਂ ਸੰਭਵ ਨਹੀਂ ਸੀ। ਉਨ੍ਹਾਂ ਕਿਹਾ ਕਿ ਰਾਤ ਦੇ ਹਨੇਰੇ ਵਿਚ ਸਮੁੰਦਰ ਹੋਰ ਵੀ ਉਜਾੜ ਲੱਗਦਾ ਹੈ। ਇਸ ਦੌਰਾਨ ਬੇਲਾ ਦੀ ਮੌਜੂਦਗੀ ਨੇ ਉਸ ਨੂੰ ਸੰਭਾਵ ਰੱਖਿਆ। ਉਸ ਨੇ ਦਸਿਆ ਕਿ ਉਸ ਨੇ ਮੱਛੀਆਂ ਖਾ ਕੇ ਅਤੇ ਮੀਂਹ ਦਾ ਪਾਣੀ ਪੀ ਕੇ ਆਪਣੀ ਜਾਨ ਬਚਾਈ।

ਜਦੋਂ ਮਦਦ ਪਹੁੰਚੀ ਤਾਂ ਟਿਮ ਸ਼ੈਡੌਕ ਦੋ ਮਹੀਨਿਆਂ ਤੋਂ ਸਮੁੰਦਰ ਵਿਚ ਸੀ। ਟਿਮ ਅਤੇ ਉਸਦੀ ਕਿਸ਼ਤੀ ਨੂੰ ਇਕ ਹੈਲੀਕਾਪਟਰ ਦੁਆਰਾ ਦੇਖਿਆ ਗਿਆ, ਜਿਸ ਨੇ ਉਨ੍ਹਾਂ ਨੂੰ ਬਾਹਰ ਕੱਢਿਆ। ਜਦੋਂ ਉਹ ਉਸ ਨੂੰ ਮਿਲਿਆ ਤਾਂ ਸ਼ੈਡੋਕ ਦੀ ਸਿਹਤ ਠੀਕ ਸੀ। ਹਾਲਾਂਕਿ ਉਹ ਪਹਿਲਾਂ ਨਾਲੋਂ ਕਾਫੀ ਕਮਜ਼ੋਰ ਹੋ ਗਿਆ ਸੀ। ਉਸ ਦੀ ਦਾੜ੍ਹੀ ਬਹੁਤ ਲੰਬੀ ਹੋ ਗਈ ਸੀ। ਉਨ੍ਹਾਂ ਦੀ ਮੁਲਾਕਾਤ ਤੋਂ ਤੁਰੰਤ ਬਾਅਦ ਕਲਿੱਕ ਕੀਤੀ ਗਈ ਤਸਵੀਰ ਵਿਚ ਉਹ ਮੁਸਕਰਾਉਂਦੇ ਹੋਏ ਨਜ਼ਰ ਆ ਰਹੇ ਹਨ। ਸ਼ੈਡੋਕ ਨੇ ਕਿਹਾ ਹੈ ਕਿ ਉਹ ਹੁਣ ਚੰਗਾ ਭੋਜਨ ਅਤੇ ਆਰਾਮ ਚਾਹੁੰਦਾ ਹੈ।