4 ਲੋਕਾਂ ਦੇ ਵੱਢੇ ਗਏ ਹੱਥ
ਕਾਬੁਲ: ਅਫਗਾਨਿਸਤਾਨ ਵਿੱਚ ਤਾਲਿਬਾਨ ਇੱਕ ਵਾਰ ਫਿਰ ਆਪਣੇ ਰੰਗ ਵਿੱਚ ਪਰਤ ਰਿਹਾ ਹੈ। ਤਾਲਿਬਾਨ ਦੀ ਸਜ਼ਾ ਦਾ ਇੱਕ ਦ੍ਰਿਸ਼ ਮੰਗਲਵਾਰ ਨੂੰ ਪ੍ਰਦਰਸ਼ਿਤ ਕੀਤਾ ਗਿਆ ਸੀ, ਜਦੋਂ ਕੰਧਾਰ ਦੇ ਅਹਿਮਦ ਸ਼ਾਹੀ ਸਟੇਡੀਅਮ ਵਿੱਚ ਵੱਡੀ ਭੀੜ ਦੇ ਸਾਹਮਣੇ ਚੋਰੀ ਦੇ ਦੋਸ਼ ਵਿੱਚ ਚਾਰ ਆਦਮੀਆਂ ਦੇ ਜਨਤਕ ਤੌਰ 'ਤੇ ਹੱਥ ਵੱਢ ਦਿੱਤੇ ਗਏ।
ਗਵਰਨਰ ਦੇ ਦਫਤਰ ਦੇ ਬੁਲਾਰੇ ਹਾਜੀ ਜ਼ੈਦ ਨੇ ਕਿਹਾ ਕਿ ਇਸ ਤੋਂ ਇਲਾਵਾ, ਫੁੱਟਬਾਲ ਸਟੇਡੀਅਮ ਵਿਚ ਵੱਖ-ਵੱਖ ਅਪਰਾਧਾਂ ਲਈ ਨੌਂ ਲੋਕਾਂ ਨੂੰ ਕੋੜੇ ਮਾਰੇ ਗਏ ਸਨ। ਖਬਰਾਂ ਮੁਤਾਬਕ ਸਾਰੇ ਦੋਸ਼ੀਆਂ ਨੂੰ 35-39 ਵਾਰ ਕੋੜੇ ਮਾਰੇ ਗਏ ਸਨ। ਤਾਲਿਬਾਨ ਦੀ ਇਸ ਸਜ਼ਾ ਦੀ ਘਟਨਾ ਦੇ ਸਮੇਂ ਸਟੇਡੀਅਮ ਵਿੱਚ ਤਾਲਿਬਾਨ ਅਧਿਕਾਰੀ, ਧਾਰਮਿਕ ਮੌਲਵੀ, ਬਜ਼ੁਰਗ ਅਤੇ ਸਥਾਨਕ ਲੋਕ ਮੌਜੂਦ ਸਨ। ਘਟਨਾ ਦੀਆਂ ਤਸਵੀਰਾਂ 'ਚ ਦੇਖਿਆ ਜਾ ਸਕਦਾ ਹੈ ਕਿ 9 ਲੋਕ ਘਾਹ 'ਤੇ ਬੈਠੇ ਆਪਣੀ ਸਜ਼ਾ ਦੀ ਉਡੀਕ ਕਰ ਰਹੇ ਹਨ।
ਪੜ੍ਹੋ ਇਹ ਖਬਰ- ਹੁਸ਼ਿਆਰਪੁਰ 'ਚ ਟਰੱਕ ਨੇ ਮੋਟਰਸਾਈਕਲ ਨੂੰ ਮਾਰੀ ਟੱਕਰ, ਨੌਜਵਾਨ ਦੀ ਮੌਕੇ 'ਤੇ ਹੀ ਹੋਈ ਮੌਤ
ਇਸ ਦੌਰਾਨ, ਅਫਗਾਨ ਪੁਨਰਵਾਸ ਮੰਤਰੀ ਦੀ ਸਾਬਕਾ ਨੀਤੀ ਸਲਾਹਕਾਰ ਅਤੇ ਬ੍ਰਿਟੇਨ ਵਿੱਚ ਸ਼ਰਨਾਰਥੀਆਂ ਦੀ ਮੰਤਰੀ ਸ਼ਬਨਮ ਨਸੀਮੀ ਨੇ ਕਿਹਾ ਕਿ ਤਾਲਿਬਾਨ ਨੇ ਕਥਿਤ ਤੌਰ 'ਤੇ ਕੰਧਾਰ ਦੇ ਇੱਕ ਫੁੱਟਬਾਲ ਸਟੇਡੀਅਮ ਵਿੱਚ 4 ਲੋਕਾਂ ਦੇ ਹੱਥ ਕੱਟ ਦਿੱਤੇ ਹਨ। ਅਫਗਾਨਿਸਤਾਨ ਵਿੱਚ ਨਿਰਪੱਖ ਜਾਂਚ ਅਤੇ ਉਚਿਤ ਪ੍ਰਕਿਰਿਆ ਦੇ ਬਿਨਾਂ ਲੋਕਾਂ ਨੂੰ ਕੁੱਟਿਆ ਅਤੇ ਮਾਰਿਆ ਜਾ ਰਿਹਾ ਹੈ।
ਇਹ ਵੀ ਪੜ੍ਹੋ : BIG BREAKING: ਪੰਜਾਬ ਦੇ ਸਾਬਕਾ ਵਿੱਤ ਮੰਤਰੀ ਮਨਪ੍ਰੀਤ ਬਾਦਲ ਅੱਜ ਭਾਜਪਾ ਵਿੱਚ ਹੋਣਗੇ ਸ਼ਾਮਲ
ਇਹ ਮਨੁੱਖੀ ਅਧਿਕਾਰਾਂ ਦੀ ਉਲੰਘਣਾ ਹੈ। ਇਸ ਦੇ ਨਾਲ ਹੀ, ਸੰਯੁਕਤ ਰਾਸ਼ਟਰ ਦੇ ਮਾਹਰਾਂ ਨੇ ਸਜ਼ਾ ਦੇ ਰੂਪ ਵਿੱਚ ਕੋੜੇ ਮਾਰਨ ਦੀ ਨਿੰਦਾ ਕੀਤੀ ਹੈ ਅਤੇ ਤਾਲਿਬਾਨ ਨੂੰ ਹਰ ਤਰ੍ਹਾਂ ਦੀ ਸਖ਼ਤ ਸਜ਼ਾ ਨੂੰ ਤੁਰੰਤ ਬੰਦ ਕਰਨ ਲਈ ਕਿਹਾ ਹੈ। ਦੱਸ ਦੇਈਏ ਕਿ ਪਿਛਲੇ ਸਾਲ ਦਸੰਬਰ ਵਿੱਚ ਤਾਲਿਬਾਨ ਨੇ ਇਸੇ ਤਰ੍ਹਾਂ ਦੇ ਦੋਸ਼ ਵਿੱਚ ਇੱਕ ਵਿਅਕਤੀ ਨੂੰ ਜਨਤਕ ਤੌਰ 'ਤੇ ਮੌਤ ਦੇ ਘਾਟ ਉਤਾਰ ਦਿੱਤਾ ਸੀ।
