ਬਲਾਤਕਾਰ ਦੀਆਂ ਘਟਨਾਵਾਂ ਦੇ ਪ੍ਰਤੀ ਅਪਣਾ ਰੋਸ ਜਤਾਉਂਦੇ ਅਨੇਕਾਂ ਸੰਗਠਨਾਂ ਨੇ ਇਕੱਠੇ ਹੋ ਨਿਊ ਯਾਰਕ ਵਿਚ ਇਨਸਾਫ ਰੈਲੀ ਕੱਢੀ
ਨਿਊਯਾਰਕ,17 ਅਪ੍ਰੈਲ: ਕਠੂਆ, ਉਨਾਵ ਅਤੇ ਸੂਰਤ ਵਿਚ ਬੱਚੀਆਂ ਦੇ ਨਾਲ ਹੋਈਆਂ ਬਲਾਤਕਾਰ ਦੀਆਂ ਘਟਨਾਵਾਂ ਦੇ ਪ੍ਰਤੀ ਅਪਣਾ ਰੋਸ ਜਤਾਉਂਦੇ ਅਨੇਕਾਂ ਸੰਗਠਨਾਂ ਨੇ ਇਕੱਠੇ ਹੋ ਨਿਊਯਾਰਕ ਵਿਚ ਇਨਸਾਫ ਰੈਲੀ ਕੱਢੀ ।ਇਸ ਰੈਲੀ ਦੌਰਾਨ ਸਾਰੇ ਸੰਗਠਨਾਂ ਨੇ ਇਕੱਠੇ ਹੋ ਬਲਾਤਕਾਰ ਪੀੜਤ ਬੱਚੀਆਂ ਲਈ ਇਨਸਾਫ ਦੀ ਮੰਗ ਕੀਤੀ |
" ਯੂਨਾਇਟਡ ਫਾਰ ਜਸਟੀਸ ਰੈਲੀ : ਅਗੇਂਸਟ ਦ ਰੇਪ ਇਨ ਇੰਡਿਆ" ਦਾ ਪ੍ਰਬੰਧ ਪ੍ਰਗਤੀਸ਼ੀਲ ਹਿੰਦੂਆਂ ਦੇ ਗਠਜੋੜ ਸੰਗਠਨ 'ਸਾਧਨਾ' ਨੇ ਮਨੁੱਖੀ ਅਧਿਕਾਰਾਂ ਦੀ ਵਕਾਲਤ ਕਰਨ ਵਾਲੇ ਹੋਰ 20 ਸਮੂਹਾਂ ਦੇ ਨਾਲ ਮਿਲ ਕੇ ਕੀਤਾ । ਰੈਲੀ ਦਾ ਪ੍ਰਬੰਧ ਮਸ਼ਹੂਰ ਯੂਨੀਅਨ ਸਕਵਾਇਰ ਪਾਰਕ ਵਿੱਚ ਮਹਾਤਮਾ ਗਾਂਧੀ ਦੀ ਪ੍ਰਸਿੱਧ ਮੂਰਤੀ ਦੇ ਕੋਲ 16 ਅਪ੍ਰੈਲ ਨੂੰ ਕੀਤਾ ਗਿਆ । ਰੈਲੀ ਵਿਚ ਸ਼ਾਮਿਲ ਹੋਏ ਲੋਕਾਂ ਨੇ ਬੱਚੀਆਂ ਦੇ ਨਾਲ ਹੋਏ ਭਿਆਨਕ ਬਲਾਤਕਰ ਦੀਆਂ ਘਟਨਾਵਾਂ ਦੀ ਨਿੰਦਿਆ ਕੀਤੀ ਅਤੇ ਹਰ ਇੱਕ ਪੀੜਤ ਪਰਵਾਰ ਲਈ ਇਨਸਾਫ਼ ਦੀ ਮੰਗ ਕੀਤੀ ।
'ਸਾਧਨਾ' ਦੀ ਬੋਰਡ ਮੈਂਬਰ ਸੁਨੀਤਾ ਵਿਸ਼ਵਨਾਥ ਨੇ ਨਿਊਜ਼ ਏਜੰਸੀ ਨੂੰ ਦੱਸਿਆ ਕਿ ਆਯੋਜਕਾਂ ਨੂੰ ਰੈਲੀ ਤੋਂ 10,000 ਡਾਲਰ ਇਕੱਠੇ ਹੋਣ ਦੀ ਉਮੀਦ ਹੈ ਜੋ ਉਨਾਵ,ਕਠੂਆ ਅਤੇ ਸੂਰਤ ਬਲਾਤਕਾਰ ਪੀੜਤਾਂ ਦੇ ਪਰਵਾਰਾਂ ਨੂੰ ਆਰਥਿਕ ਮੱਦਦ ਵਜੋਂ ਦਿਤੇ ਜਾਣਗੇ ।