ਅਮਰੀਕਾ ਨੇ 4.2 ਕਰੋੜ ਤੇ ਭਾਰਤ ਨੇ 1.2 ਕਰੋੜ ਨਮੂਨਿਆਂ ਦੀ ਜਾਂਚ ਕੀਤੀ
ਵਾਸ਼ਿੰਗਟਨ: ਕੋਰੋਨਾ ਵਾਇਰਸ ਦਾ ਪਤਾ ਲਗਾਉਣ ਲਈ ਸਭ ਤੋਂ ਵੱਧ 4.2 ਕਰੋੜ ਨਮੂਨਿਆਂ ਦੀ ਜਾਂਚ ਅਮਰੀਕਾ ਨੇ ਕੀਤੀ ਹੈ, ਇਸ ਦੇ ਬਾਅਦ ਸਭ ਤੋਂ ਵੱਧ 1.2 ਕਰੋੜ ਨਮੂਨਿਆਂ ਦੀ ਜਾਂਚ ਭਾਰਤ ਵਿਚ ਹੋਈ ਹੈ। ਵ੍ਹਾਈਟ ਹਾਊਸ ਨੇ ਇਹ ਜਾਣਕਾਰੀ ਦਿੱਤੀ। ਅਮਰੀਕਾ ਵਿਚ 35 ਲੱਖ ਤੋਂ ਵਧੇਰੇ ਲੋਕ ਕੋਰੋਨਾ ਵਾਇਰਸ ਨਾਲ ਪੀੜਤ ਪਾਏ ਗਏ ਅਤੇ ਵਾਇਰਸ ਨਾਲ 1,38,000 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ।
White House
ਵਿਸ਼ਵ ਭਰ ਵਿਚ ਵਾਇਰਸ ਪੀੜਤਾਂ ਦੀ ਗਿਣਤੀ 13.6 ਕਰੋੜ ਤੋਂ ਵੱਧ ਹੈ ਅਤੇ 5,86,000 ਰੋਗੀਆਂ ਦੀ ਮੌਤ ਹੋ ਚੁੱਕੀ ਹੈ। ਵ੍ਹਾਈਟ ਹਾਊਸ ਦੀ ਪ੍ਰੈੱਸ ਸਕੱਤਰ ਕਾਇਲੇ ਮੈਕਨੇਨੀ ਨੇ ਵੀਰਵਾਰ ਨੂੰ ਪੱਤਰਕਾਰ ਸੰਮੇਲਨ ਵਿਚ ਕਿਹਾ ਕਿ ਕੋਰੋਨਾ ਵਾਇਰਸ ਦੀ ਜਾਂਚ ਵਿਚ, ਸਾਨੂੰ 4.2 ਕਰੋੜ ਤੋਂ ਵੱਧ ਨਮੂਨਿਆਂ ਦੀ ਜਾਂਚ ਕੀਤੀ ਹੈ।
ਇਸ ਦੇ ਬਾਅਦ ਸਭ ਤੋਂ ਵੱਧ 1.2 ਕਰੋੜ ਨਮੂਨਿਆਂ ਦੀ ਜਾਂਚ ਭਾਰਤ ਵਿਚ ਹੋਈ ਹੈ।
Donald Trump
ਜਾਂਚ ਦੇ ਮਾਮਲੇ ਵਿਚ ਅਸੀਂ ਪੂਰੇ ਵਿਸ਼ਵ ਵਿਚ ਸਭ ਤੋਂ ਅੱਗੇ ਚੱਲ ਰਹੇ ਹਾਂ। ਉਨ੍ਹਾਂ ਕਿਹਾ ਕਿ ਰੀਕਾਰਡ ਜਾਂਚ ਕਰਨ ਦਾ ਟਰੰਪ ਪ੍ਰਸ਼ਾਸਨ ਦਾ ਕਦਮ ਪ੍ਰਸ਼ਾਸਨ ਵਲੋਂ ਚੁੱਕੇ ਗਏ ਕਦਮਾਂ ਦੇ ਠੀਕ ਵਿਰੁਧ ਹੈ। ਮੈਕਨੇਨੀ ਨੇ ਦਸਿਆ ਕਿ 2009 ਵਿਚ ਓਬਾਮਾ-ਬਿਡੇਨ ਪ੍ਰਸ਼ਾਸਨ ਰੋਗ ਕੰਟਰੋਲ ਤੇ ਰੋਕਥਾਮ ਕੇਂਦਰ ਨੇ ਸੂਬਿਆਂ ਤੋਂ ਐੱਚ. 1 ਐੱਨ. 1 ਫਲੂ ਦੀ ਜਾਂਤ ਬੰਦ ਕਰਨ ਅਤੇ ਹਰ ਮਾਮਲੇ ਨੂੰ ਗਿਣਨ ਤੋਂ ਰੋਕਿਆ ਸੀ।
Corona Test
ਜੁਲਾਈ ਦੇ ਅਖੀਰ ਤਕ ਹੋਵੇਗਾ ਟੀਕੇ ਦੇ ਤੀਜੇ ਪੜਾਅ ਦਾ ਪ੍ਰੀਖਣ
ਉਨ੍ਹਾਂ ਕਿਹਾ ਕਿ ਟੀਕੇ ਸਬੰਧੀ ਵੀ ਚੰਗੀ ਖਬਰ ਮਿਲ ਰਹੀ ਹੈ। ਉਨ੍ਹਾਂ ਦਸਿਆ ਕਿ ਮਾਰਡਨਾ ਵਲੋਂ ਜਿਸ ਟੀਕੇ ਦਾ ਟੈਸਟ ਕੀਤਾ ਜਾ ਰਿਹਾ ਹੈ ਅਤੇ ਉਸ ਦੀ ਸੋਧ ਵਿਚ ਸ਼ਾਮਲ 45 ਲੋਕਾਂ 'ਤੇ ਚੰਗੇ ਨਤੀਜੇ ਸਾਹਮਣੇ ਆ ਰਹੇ ਹਨ। ਜੁਲਾਈ ਦੇ ਅਖੀਰ ਤਕ ਇਸ ਟੀਕੇ ਦੇ ਤੀਜੇ ਪੜਾਅ ਦਾ ਪ੍ਰੀਖਣ ਹੋਣ ਦੀ ਉਮੀਦ ਹੈ, ਜਿਸ ਵਿਚ 30 ਹਜ਼ਾਰ ਲੋਕਾਂ ਨੂੰ ਸ਼ਾਮਲ ਕੀਤਾ ਜਾਵੇਗਾ। ਮੈਕਨੇਨੀ ਨੇ ਦੱਸਿਆ ਕਿ ਕੋਰੋਨਾ ਵਾਇਰਸ ਦੇ ਇਲਾਜ ਸਬੰਧੀ ਵੀ ਉਤਸਾਹਜਨਕ ਜਾਣਕਾਰੀ ਮਿਲੀ ਹੈ।
