Advertisement
  ਖ਼ਬਰਾਂ   ਕੌਮਾਂਤਰੀ  19 Feb 2019  ਸ਼ਹੀਦ ਮੇਜਰ ਵਿਭੂਤੀ ਦਾ ਦੇਹਰਾਦੂਨ ਵਿਚ ਅੰਤਿਮ ਸੰਸਕਾਰ ਅੱਜ 

ਸ਼ਹੀਦ ਮੇਜਰ ਵਿਭੂਤੀ ਦਾ ਦੇਹਰਾਦੂਨ ਵਿਚ ਅੰਤਿਮ ਸੰਸਕਾਰ ਅੱਜ 

ਸਪੋਕਸਮੈਨ ਸਮਾਚਾਰ ਸੇਵਾ
Published Feb 19, 2019, 10:19 am IST
Updated Feb 19, 2019, 11:43 am IST
ਪਾਕਿਸਤਾਨ ਵਿਰੋਧੀ ਨਾਹਰੇ ਲਗਾਉਂਦੀ ਹਜਾਰਾਂ ਲੋਕਾਂ ਦੀ ਭੀੜ ਵਿਚ ਸ਼ਹੀਦ ਮੇਜਰ ਵਿਭੂਤੀ ਸ਼ੰਕਰ ਢੌਂਡਿਆਲ ਦੀ ਮ੍ਰਿਤਕ ਦੇਹ ਨੂੰ ਦੇਹਰਾਦੂਨ ਲਿਆਂਦਾ ਗਿਆ...
Shaheed major Vibhutis's funeral today
 Shaheed major Vibhutis's funeral today

ਦੇਹਰਾਦੂਨ :ਪਾਕਿਸਤਾਨ ਵਿਰੋਧੀ ਨਾਹਰੇ ਲਗਾਉਂਦੀ ਹਜਾਰਾਂ ਲੋਕਾਂ ਦੀ ਭੀੜ ਵਿਚ ਸ਼ਹੀਦ ਮੇਜਰ ਵਿਭੂਤੀ ਸ਼ੰਕਰ ਢੌਂਡਿਆਲ ਦੀ ਮ੍ਰਿਤਕ ਦੇਹ ਨੂੰ ਦੇਹਰਾਦੂਨ ਲਿਆਂਦਾ ਗਿਆ। ਅਤਿਵਾਦੀਆਂ ਦਾ ਸਾਹਮਣਾ ਕਰਦੇ ਸ਼ਹੀਦ ਹੋਏ ਮੇਜਰ ਦੇ ਪਰਿਵਾਰ ਵਿਚ ਦਾਦੀ, ਮਾਂ. ਤਿੰਨ ਭੈਣਾਂ ਤੇ ਪਤਨੀ ਹੈ। ਮੇਜਰ ਦਾ ਪਿਛਲੇ ਸਾਲ ਹੀ ਨਿਕਿਤਾ ਕੌਲ ਨਾਲ ਵਿਆਹ ਹੋਇਆ ਸੀ, ਜੋ ਕਸ਼ਮੀਰ ਤੋਂ ਹਿਜ਼ਰਤ ਪਰਿਵਾਰ ਨਾਲ ਸਬੰਧ ਰੱਖਦੀ ਹੈ।

Major vibhuti with his wifeMajor Vibhuti with his wife

ਮੰਗਲਵਾਰ ਨੂੰ ਸ਼ਹੀਦ ਮੇਜਰ ਵਿਭੂਤੀ ਦਾ ਅੰਤਿਮ ਸੰਸਕਾਰ ਕੀਤਾ ਜਾਵੇਗਾ। ਸ਼ਹੀਦ ਮੇਜਰ ਵਿਭੂਤੀ ਕੁਮਾਰ ਢੌਂਡਿਆਲ ( 34 ) ਅੱਠ ਸਾਲ ਪਹਿਲਾਂ 2011 ਵਿਚ ਫੌਜ ਵਿਚ ਭਰਤੀ ਹੋਇਆ ਸੀ। ਪੁਲਵਾਮਾ ਵਿਚ ਸੀ.ਆਰ.ਪੀ.ਐਫ. ਜਵਾਨਾਂ ਤੇ ਅਤਿਵਾਦੀ ਹਮਲੇ ਤੋਂ ਬਾਅਦ ਜੈਸ਼-ਏ-ਮੁਹੰਮਦ ਦੇ ਖਿਲਾਫ ਮੇਜਰ ਆਪਰੇਸ਼ਨ ਵਿਚ ਉਹ ਅਤਿਵਾਦੀਆਂ ਕਾ ਸਾਹਮਣਾ ਕਰਦੇ ਹੋਏ ਸ਼ਹੀਦ ਹੋ ਗਏ ।

ਸੋਮਵਾਰ ਨੂੰ ਜੈਸ਼ ਦੇ ਉਚ ਕਮਾਂਡਰ ਕਾਮਰਾਨ ਦੇ ਪਿੰਗਲਿਨਾ ਵਿਚ ਛਿਪੇ ਹੋਣ ਦੀ ਸੂਚਨਾ ਤੇ ਉਹ 55 ਰਾਸ਼ਟਰੀ ਰਾਈਫਲਸ ਦੀ ਯੂਨਿਟ ਦੇ ਨਾਲ ਆਤਿਵਾਦੀਆਂ ਦਾ ਸਾਹਮਣਾ ਕਰਨ ਨਿਕਲ ਗਏ, ਪਰ ਅਤਿਵਾਦੀਆਂ ਦੀ ਗੋਲੀ ਨੇ ਦੇਸ਼ ਦਾ ਪੁੱਤਰ ਖੌਹ ਲਿਆ । ਦੇਹਰਾਦੂਨ ਦੇ ਡੰਗਵਾਲ ਰੋਡ ਨਿਵਾਸੀ ਮੇਜਰ ਦੇ ਪਿਤਾ ਸਵ: ਓਮਪ੍ਰਕਾਸ਼ ਢੌਂਡਿਆਲ ਦੀ ਮੌਤ ਹੋ ਚੁਕੀ ਹੈ। ਪਿਛਲੇ ਸਾਲ ਹੀ ਉਸ ਦਾ  ਵਿਆਹ ਹੋਇਆ ਸੀ ।ਮੇਜਰ ਦਾ ਪਰਿਵਾਰ ਮੂਲ ਰੂਪ ਵਿਚ ਪੈੜੀ ਜਿਲ੍ਹੇ ਦੇ ਬੈਜਰੋ ਢੌਂਡ ਪਿੰਡ ਦਾ ਰਹਿਣ ਵਾਲਾ ਹੈ।  

Shaheed Major VibhutiFamily of shaheed major

 ਸ਼ਹੀਦ ਮੇਜਰ ਦੀ ਮਾਂ ਦਿਲ ਦੀ ਮਰੀਜ਼ ਹੈ। ਗੁਆਂਢੀਆਂ ਨੇ ਦੱਸਿਆ ਕਿ ਸ਼ਹੀਦ ਦੇ ਪਰਿਵਾਰ ਵਿਚ ਮਾਤਮ ਛਾਇਆ ਹੈ।ਤੇ ਸਾਰੇ ਡੂੰਘੇ ਸਦਮੇ ਵਿਚ ਹੈ। ਮੇਜਰ ਵਿਭੂਤੀ ਨੇ ਇੱਕ ਸਾਲ ਪਹਿਲਾਂ ਹੀ ਫਰੀਦਾਬਾਦ ਦੀ ਨਿਕਿਤਾ ਨਾਲ ਵਿਆਹ ਕੀਤਾ ਸੀ, ਜੋ ਕਸ਼ਮੀਰ ਤੋਂ  ਹਿਜਰਤ ਪਰਿਵਾਰ ਨਾਲ ਸਬੰਧ ਰੱਖਦੀ ਸੀ। ਮੇਜਰ ਵਿਭੂਤੀ ਤੇ ਨਿਕਿਤਾ ਨੇ ਲਵ ਮੈਰਿਜ ਕਰਵਾਈ ਸੀ। ਨਿਕਿਤਾ ਦਿੱਲੀ ਵਿਚ ਕੰਮ ਕਰਦੀ ਸੀ ਤੇ ਜਦੋਂ ਵੀ ਵਿਭੂਤੀ ਛੁੱਟੀ ਆਉਂਦਾ ਸੀ ਤਾਂ ਦੋਨੋ ਇਥੇ ਰੁਕਦੇ ਸੀ।

ਅਤਿਵਾਦੀਆਂ ਤੋਂ ਮੋਰਚਾ ਲੈਂਦੇ ਹੋਏ ਸ਼ਹੀਦ ਹੋਣ ਆਲੇ ਉਤਰਾਖੰਡ ਦੇ ਮੇਜਰ ਵੀਏਸ ਢੌਂਡਿਆਲ ਨੇ ਵਾਦਾ ਕੀਤਾ ਸੀ ਕਿ ਇਸ ਵਾਰ ਉਹ ਲੰਬੀ ਛੁੱਟੀ ਤੇ ਆਉਣਗੇ । ਪਰ ਹੁਣ ਇਹ ਵਾਦਾ ਕਦੇ ਪੂਰਾ ਨਹੀਂ ਹੋਵੇਗਾ। ਜੰਮੂ - ਕਸ਼ਮੀਰ ਦੇ ਪਿੰਗਲਿਨਾ ਇਲਾਕੇ ਵਿਚ ਸੋਮਵਾਰ ਨੂੰ ਹੋਈ ਅਤਿਵਾਦੀ ਮੁੱਠਭੇੜ ਦੋਰਾਨ ਉਤਰਾਖੰਡ ਦੇ ਮੇਜਰ ਵਿਭੂਤੀ ਕੁਮਾਰ ਢੌਂਡਿਆਲ ਸ਼ਹੀਦ ਹੋ ਗਏ ।

Major killed in EncounterMajor killed in Encounter

ਦੇਰ ਰਾਤ ਵਿਸ਼ੇਸ਼ ਸੈਨਾ ਜਹਾਜ਼ ਵਿਚ ਉਸ ਦੀ ਮ੍ਰਿਤਕ ਦੇਹ ਦੇਹਰਾਦੂਨ ਦੇ ਜੌਲੀਗਰਾਂਟ ਏਅਰਪੋਰਟ ਤੇ ਲਿਆਂਦਾ ਗਿਆ। ਇਸ ਦੌਰਾਨ ਸ਼ਹੀਦ ਦੇ ਅੰਤਿਮ ਦਰਸ਼ਨ ਲਈ ਭੀੜ ਇਕੱਠੀ ਹੋ ਗਈ। ਫੌਜ ਦੇ ਜਵਾਨਾਂ ਨੇ ਏਅਰਪੋਰਟ ਤੇ ਸ਼ਹੀਦ ਨੂੰ ਸਲਾਮੀ ਦਿੱਤੀ । ਉਸ ਦੀ ਮ੍ਰਿਤਕ ਦੇਹ ਨੂੰ ਮਿਲਟਰੀ ਹਸਪਤਾਲ ਵਿਚ ਰੱਖਿਆ ਗਿਆ। ਅੱਜ ਮੰਗਲਵਾਰ ਨੂੰ ਅੰੰਤਿਮ ਸੰਸਕਾਰ ਲਈ ਸ਼ਹੀਦ ਦੀ ਮ੍ਰਿਤਕ ਦੇਹ ਨੂੰ ਉਸ ਦੇ ਘਰ ਲਿਆਂਦਾ ਜਾਵੇਗਾ।

Location: India, Uttarakhand, Dehradun
Advertisement
Advertisement

 

Advertisement
Advertisement