ਭਾਰਤ ਨੇ ਪਿਛਲੇ ਸਾਲ 139ਵਾਂ ਅਤੇ ਇਸ ਸਾਲ 136ਵਾਂ ਸਥਾਨ ਪ੍ਰਾਪਤ ਕੀਤਾ ਹੈ।
ਨਿਊਯਾਰਕ: ਸੰਯੁਕਤ ਰਾਸ਼ਟਰ ਦੀ ਹੈਪੀਨੇਸ ਇੰਡੈਕਸ ਰਿਪੋਰਟ ਮੁਤਾਬਕ ਫਿਨਲੈਂਡ ਲਗਾਤਾਰ ਪੰਜਵੀਂ ਵਾਰ ਦੁਨੀਆਂ ਦਾ ਸਭ ਤੋਂ ਵੱਧ ਖੁਸ਼ਹਾਲ ਦੇਸ਼ ਚੁਣਿਆ ਗਿਆ ਹੈ। ਜਦਕਿ ਤਾਲੀਬਾਨ ਹਕੂਮਤ ਨਾਲ ਜੂਝ ਰਹੇ ਅਫ਼ਗਾਨਿਸਤਾਨ ਨੂੰ ਆਖਰੀ ਸਥਾਨ ਪ੍ਰਾਪਤ ਹੋਇਆ ਹੈ। ਸੂਚੀ ਦੇ ਪਹਿਲੇ ਪੰਜ ਸਥਾਨਾਂ ’ਤੇ ਡੈਨਮਾਰਕ, ਆਈਸਲੈਂਡ, ਸਵਿਟਜ਼ਰਲੈਂਡ ਅਤੇ ਨੀਦਰਲੈਡ ਕਾਬਜ ਰਹੇ ਹਨ।
WORLD HAPPINESS INDEX
ਭਾਰਤ ਦੇ ਨੰਬਰ ਵਿਚ ਪਿਛਲੇ ਸਾਲ ਦੇ ਮੁਕਾਬਲੇ ਇਸ ਸਾਲ ਕਾਫ਼ੀ ਸੁਧਾਰ ਆਇਆ ਹੈ। ਭਾਰਤ ਨੇ ਪਿਛਲੇ ਸਾਲ 139ਵਾਂ ਅਤੇ ਇਸ ਸਾਲ 136ਵਾਂ ਸਥਾਨ ਪ੍ਰਾਪਤ ਕੀਤਾ ਹੈ। ਉਥੇ ਹੀ ਭਾਰਤ ਦਾ ਗੁਆਂਢੀ ਦੇਸ਼ ਪਾਕਿਸਤਾਨ 121ਵੇਂ ਦਰਜੇ ਨਾਲ ਭਾਰਤ ਨਾਲੋਂ ਬਿਹਤਰ ਸਥਿਤੀ ਵਿਚ ਹੈ।ਜਦਕਿ ਅਮੀਰਕਾ 16ਵੇਂ ਅਤੇ ਬ੍ਰਿਟੇਨ 17ਵੇਂ ਸਥਾਨ ’ਤੇ ਰਿਹਾ।
United Nations
ਸ਼ੁੱਕਰਵਾਰ ਨੂੰ ਜਾਰੀ ਕੀਤੀ ਗਈ ਇਸ ਸੂਚੀ ਵਿਚ ਸਰਬੀਆ,ਬੁਲਗਾਰੀਆ ਅਤੇ ਰੋਮਾਨੀਆ ਦੇਸ਼ਾਂ ਵਿਚ ਜੀਵਨ ਪੱਧਰ ਵਿਚ ਸਭ ਤੋਂ ਵੱਧ ਸੁਧਾਰ ਆਇਆ ਹੈ। ਉਥੇ ਹੀ ਵਰਡ ਹੈਪੀਨਸ ਟੇਬਲ ਵਿਚ ਸਭ ਤੋਂ ਵੱਧ ਗਿਰਾਵਟ ਲਿਬਨਾਨ, ਵੇਨੇਜੂਏਲਾ ਅਤੇ ਅਫ਼ਗਾਨਿਸਤਾਨ ਵਿਚ ਆਈ ਹੈ।ਆਰਥਿਕ ਮੰਦੀ ਨਾਲ ਜੂਝ ਰਹੇ ਲਿਬਨਾਨ ਦਾ 144ਵਾਂ ਅਤੇ ਜ਼ਿਬਾਬਵੇ ਨੂੰ 143ਵਾਂ ਦਰਜਾ ਪ੍ਰਾਪਤ ਹੋਇਆ ਹੈ।
Happiness
ਪਿਛਲੇ ਸਾਲ ਤਾਲੀਬਾਨ ਦੇ ਸੱਤਾ ਵਿਚ ਮੁੜ ਪਰਤਣ ਕਾਰਨ ਅਫ਼ਗਾਨਿਸਤਾਨ ਦੀ ਆਰਥਿਕ ਸਥਿਤੀ ਲਗਾਤਾਰ ਵਿਗੜਦੀ ਜਾ ਰਹੀ ਹੈ। ਯੂਨੀਸੈਫ ਦੇ ਅਨੁਮਾਨ ਅਨੁਸਾਰ ਜੇਕਰ ਅਫ਼ਗਾਨਸਤਾਨ ਦੀ ਮਦਦ ਨਾ ਕੀਤੀ ਗਈ ਤਾਂ ਅਗਲੇ ਪੰਜਾਂ ਸਾਲ ਵਿਚ ਪੰਜ ਸਾਲ ਤੋਂ ਘੱਟ ਉਮਰ ਦੇ 10 ਲੱਖ ਬੱਚਿਆਂ ਦੀ ਭੁੱਖ ਕਾਰਨ ਮੌਤ ਹੋ ਸਕਦੀ ਹੈ।
Afghanistan
ਵਰਲਡ ਹੈਪੀਨਸ ਰਿਪੋਰਟ ਪਿਛਲੇ 10 ਸਾਲ ਤੋਂ ਤਿਆਰ ਕੀਤੀ ਜਾ ਰਹੀ ਹੈ। ਰਿਪੋਰਟ ’ਚ ਲੋਕਾਂ ਦੀ ਖੁਸ਼ੀ ਨੂੰ ਮੁਲਾਂਕਣ ਕਰਨ ਲਈ ਆਰਥਿਕ ਅਤੇ ਸਮਾਜਿਕ ਅੰਕੜੇ ਧਿਆਨ ’ਚ ਰੱਖੇ ਜਾਂਦੇ ਹਨ। ਰਿਪੋਰਟ ਵਿਚ 0 ਤੋਂ 10 ਤੱਕ ਦਾ ਮਾਪਦੰਡ ਹੁੰਦਾ ਹੈ। ਕਿਸੇ ਵੀ ਦੇਸ਼ ਦੇ ਪਿਛਲੇ ਤਿੰਨ ਸਾਲਾਂ ਦੇ ਅੰਕੜਿਆਂ ਦੀ ਔਸਤ ਦੇ ਆਧਾਰ ’ਤੇ ਨੰਬਰ ਨਿਰਧਾਰਿਤ ਕੀਤੇ ਜਾਂਦੇ ਹਨ। ਹਾਲਾਂਕਿ ਸੰਯੁਕਤ ਰਾਸ਼ਟਰ ਦੀ ਇਹ ਰਿਪੋਰਟ ਯੂਕਰੇਨ ਅਤੇ ਰੂਸ ਜੰਗ ਤੋਂ ਪਹਿਲਾਂ ਤਿਆਰ ਕੀਤੀ ਗਈ ਸੀ ਜਿਸ ਕਾਰਨ ਜੰਗ ਨਾਲ ਜੂਝ ਰਹੇ ਯੂਕਰੇਨ ਦਾ 98ਵਾਂ ਅਤੇ ਰੂਸ ਨੇ 80ਵਾਂ ਸਥਾਨ ਹਾਸਲ ਕੀਤਾ ਹੈ।
PHOTO
ਰਿਪੋਰਟ ਦੇ ਸਹਿ-ਲੇਖਕ ਜੈਫਰੀ ਸਾਕਸ ਨੇ ਲਿਖਿਆ- ਵਰਲਡ ਹੈਪੀਨੈਸ ਰਿਪੋਰਟ ਬਣਾਉਣ ਕਾਰਨ ਇਹ ਪਤਾ ਲੱਗਿਆ ਹੈ ਕਿ ਖੁਸ਼ਹਾਲੀ ਲਈ ਸਮਾਜਿਕ ਸਹਾਇਤਾ, ਉਦਾਰਤਾ, ਸਰਕਾਰ ਦੀ ਇਮਾਨਦਾਰੀ ਬਹੁਤ ਜ਼ਰੂਰੀ ਹੈ।ਰਿਪੋਰਟ ਕੋਰੋਨਾ ਮਹਾਂਮਾਰੀ ਤੋਂ ਪਹਿਲਾਂ ਅਤੇ ਬਾਅਦ ਦੇ ਸਮੇਂ ਨੂੰ ਧਿਆਨ ਵਿਚ ਰੱਖ ਕੇ ਤਿਆਰ ਕੀਤੀ ਹੈ। ਲੋਕਾਂ ਦੀਆਂ ਭਾਵਨਾਵਾਂ ਦੀ ਤੁਲਨਾ ਕਰਨ ਲਈ ਸੋਸ਼ਲ ਮੀਡੀਆ ਦਾ ਸਹਾਰਾ ਲਿਆ ਗਿਆ। 18 ਦੇਸ਼ਾਂ ਵਿਚ ਚਿੰਤਾ ਅਤੇ ਉਦਾਸੀ ਦੀਆਂ ਭਾਵਨਾਵਾਂ ਵਿਚ ਭਾਰੀ ਉਛਾਲ ਆਇਆ ਹੈ। ਜਦਕਿ ਗੁੱਸੇ ਦੀਆਂ ਭਾਵਨਾਵਾਂ ਵਿਚ ਗਿਰਾਵਟ ਆਈ ਹੈ।
