ਕੋਰੋਨਾ ਵਾਇਰਸ ਕਾਰਨ ਦੁਨੀਆ ਭਰ ਵਿਚ 1.44 ਕਰੋੜ ਤੋਂ ਜ਼ਿਆਦਾ ਲੋਕ ਸੰਕਰਮਿਤ ਹੋ ਗਏ ਹਨ।
ਨਵੀਂ ਦਿੱਲੀ: ਕੋਰੋਨਾ ਵਾਇਰਸ ਕਾਰਨ ਦੁਨੀਆ ਭਰ ਵਿਚ 1.44 ਕਰੋੜ ਤੋਂ ਜ਼ਿਆਦਾ ਲੋਕ ਸੰਕਰਮਿਤ ਹੋ ਗਏ ਹਨ। 6 ਲੱਖ ਤੋਂ ਜ਼ਿਆਦਾ ਮੌਤਾਂ ਹੋ ਚੁੱਕੀਆਂ ਹਨ। ਹਰ ਦਿਨ ਦੁਨੀਆ ਭਰ ਵਿਚ 2.40 ਲੱਖ ਕੇਸ ਸਾਹਮਣੇ ਆ ਰਹੇ ਹਨ। ਅਮਰੀਕਾ, ਬ੍ਰਾਜ਼ੀਲ ਅਤੇ ਭਾਰਤ ਵਿਚ ਸਭ ਤੋਂ ਤੇਜ਼ੀ ਨਾਲ ਵਾਇਰਸ ਫੈਲ ਰਿਹਾ ਹੈ।
ਭਾਰਤ ਵਿਚ 11 ਲੱਖ ਤੋਂ ਜ਼ਿਆਦਾ ਕੇਸ ਸਾਹਮਣੇ ਆ ਚੁੱਕੇ ਹਨ। ਅਮਰੀਕਾ ਵਿਚ ਇਹ ਅੰਕੜਾ 38 ਲੱਖ ਅਤੇ ਬ੍ਰਾਜ਼ੀਲ ਵਿਚ 20 ਲੱਖ ਤੋਂ ਵੀ ਉੱਪਰ ਹੈ। ਜਦੋਂ ਪੂਰੀ ਦੁਨੀਆ ‘ਤੇ ਕੋਰੋਨਾ ਵਾਇਰਸ ਦਾ ਕਹਿਰ ਹੈ ਤਾਂ ਅਜਿਹੇ ਵਿਚ 11 ਦੇਸ਼ ਅਜਿਹੇ ਹਨ, ਜਿੱਥੇ ਇਕ ਵੀ ਕੇਸ ਸਾਹਮਣੇ ਨਹੀਂ ਆਇਆ ਹੈ।
ਕੀਰਬਤੀ
ਗਣਤੰਤਰ ਕੀਰਬਤੀ ਪ੍ਰਸ਼ਾਂਤ ਮਹਾਂਸਾਗਰ ਵਿਚ ਸਥਿਤ ਇਕ ਟਾਪੂ ਦੇਸ਼ ਹੈ। ਇਸ ਦੇਸ਼ ਦੀ ਅਬਾਦੀ ਸਿਰਫ 1 ਲੱਖ 10 ਹਜ਼ਾਰ ਹੈ। ਅਲੱਗ ਭੂਗੋਲਿਕ ਸਥਿਤੀ ਕਾਰਨ ਕੋਰੋਨਾ ਕਾਲ ਵਿਚ ਇਹ ਦੇਸ਼ ਵਾਇਰਸ ਦੀ ਲਾਗ ਤੋਂ ਮੁਕਤ ਹੈ।
ਮਾਰਸ਼ਲ ਆਈਲੈਂਡਸ
ਮਾਰਸ਼ਲ ਟਾਪੂ ਸਮੂਹ ਪ੍ਰਸ਼ਾਂਤ ਮਹਾਸਾਗਰ ਦੇ ਮੱਧ ਵਿਚ ਸਥਿਤ ਇਕ ਮਾਈਕਰੋਨੇਸੀਅਨ ਰਾਸ਼ਟਰ ਹੈ। ਇਸ ਦੀ ਜਨਸੰਖਿਆ ਸਿਰਫ 58,413 ਹੈ। ਇਹ ਦੇਸ਼ ਵੀ ਕੋਰੋਨਾ ਵਾਇਰਸ ਦੀ ਲਾਗ ਤੋਂ ਮੁਕਤ ਹੈ।
ਮਾਈਕ੍ਰੋਨੇਸ਼ੀਆ
ਮਾਈਕ੍ਰੋਨੇਸ਼ੀਆ 2100 ਟਾਪੂਆਂ ਦਾ ਸਮੂਹ ਹੈ। ਇਹ 2700 ਵਰਗ ਕਿਲੋਮੀਟਰ ਇਲਾਕੇ ਵਿਚ ਫੈਲਿਆ ਹੋਇਆ ਹੈ। ਗੁਆਮ ਇਸ ਦਾ ਸਭ ਤੋਂ ਵੱਡਾ ਟਾਪੂ ਹੈ। ਇਹ ਵੀ ਕੋਰੋਨਾ ਵਾਇਰਸ ਦੇ ਪ੍ਰਭਾਵ ਤੋਂ ਮੁਕਤ ਹੈ।
ਨਾਊਰ
ਦੱਖਣੀ ਪ੍ਰਸ਼ਾਂਤ ਮਹਾਸਾਗਰ ਦੇ ਦੇੜ ਨਾਊਰ ਦੀ ਅਬਾਦੀ 12,704 ਹੈ। ਇਹ ਮਾਰਸ਼ਲ ਆਈਲੈਂਡ ਦੇ ਦੱਖਣ ਵਿਚ ਹੈ। ਇਸ ਦੇਸ਼ ਵੀ ਹਾਲੇ ਕੋਰੋਨਾ ਵਾਇਰਸ ਤੋਂ ਮੁਕਤ ਹੈ।
ਉੱਤਰ ਕੋਰੀਆ
ਉੱਤਰ ਕੋਰੀਆ ਵਿਚ ਕਿਮ ਜਾਂਗ ਓਨ ਦਾ ਸ਼ਾਸਨ ਹੈ। ਇਸ ਦੇਸ਼ ਵਿਚ ਕੋਰੋਨਾ ਦਾ ਇਕ ਵੀ ਕੇਸ ਦਰਜ ਨਹੀਂ ਕੀਤਾ ਗਿਆ ਹੈ। ਇਸ ਦੇ ਗੁਆਂਢੀ ਮੁਲਕ ਦੱਖਣੀ ਕੋਰੀਆ ਵਿਚ 13 ਹਜ਼ਾਰ ਤੋਂ ਜ਼ਿਆਦਾ ਕੋਰੋਨਾ ਕੇਸ ਹਨ।
ਪਲਾਊ
ਪਲਾਊ ਪ੍ਰਸ਼ਾਂਤ ਮਹਾਸਾਗਰ ਦੇ ਇਲਾਕੇ ਦਾ ਹਿੱਸਾ ਹੈ। ਇਸ ਦੇਸ਼ ਦੀ ਅਬਾਦੀ 17,907 ਹੈ।
ਸਮੋਆ
ਦੋ ਵੱਡੇ ਟਾਪੂਆਂ ਨੂੰ ਮਿਲਾ ਕੇ ਬਣੇ ਦੇਸ਼ ਸਮੋਆ ਦੀ ਅਬਾਦੀ 1,96130 ਹੈ। ਸਰਦੀਆਂ ਵਿਚ ਕਾਫੀ ਲੋਕ ਇਸ ਆਈਲੈਂਡ ‘ਤੇ ਘੁੰਮਣ ਆਉਂਦੇ ਹਨ। ਇਸ ਤੋਂ ਇਲਾਵਾ ਸੋਲੇਮਨ ਆਈਲੈਂਡ, ਟੋਗਾਂ, ਤੁਰਕਮੇਨਿਸਤਾਨ, ਤੁਵਾਲੂ ਅਤੇ ਵਾਨੂਆਤੂ ਦੇਸ਼ ਵੀ ਕੋਰੋਨਾ ਵਾਇਰਸ ਦੀ ਲਾਗ ਤੋਂ ਮੁਕਤ ਹਨ।