ਰਾਸ਼ਟਰਪਤੀ ਜੋ ਬਿਡੇਨ ਨੇ ਵੀ ਫੈਸਲੇ ਦਾ ਕੀਤਾ ਸਵਾਗਤ
ਵਾਸ਼ਿੰਗਟਨ: ਅਮਰੀਕੀ ਅਦਾਲਤ ਨੇ ਮਿਨੀਆਪੋਲਿਸ ਦੇ ਸਾਬਕਾ ਪੁਲਿਸ ਅਧਿਕਾਰੀ ਡੈਰੇਕ ਚਾਵਿਨ ਨੂੰ ਜੌਰਜ ਫਲੋਈਡ ਦੀ ਹੱਤਿਆ ਦਾ ਦੋਸ਼ੀ ਠਹਿਰਾਇਆ ਹੈ। ਗੋਰੇ ਪੁਲਿਸ ਅਧਿਕਾਰੀ 'ਤੇ ਦੋਸ਼ ਹੈ ਕਿ ਉਸ ਨੇ 46 ਸਾਲਾ ਫਲਾਇਡ ਦੀ ਗਰਦਨ 'ਤੇ 9 ਮਿੰਟ 29 ਸੈਕੰਡ ਤੱਕ ਆਪਣੇ ਗੋਡੇ ਨਾਲ ਭਾਰ ਪਾਈ ਰੱਖਿਆ, ਜਿਸ ਕਾਰਨ ਜਾਰਜ ਫਲਾਇਡ ਦੀ ਮੌਤ ਹੋ ਗਈ ਸੀ। ਜਿਸ ਦਾ ਵੀਡੀਓ ਸਾਹਮਣੇ ਆਉਣ ਤੋਂ ਬਾਅਦ ਅਮਰੀਕਾ 'ਚ ਵੱਡੇ ਪੱਧਰ 'ਤੇ ਵਿਰੋਧ ਪ੍ਰਦਰਸ਼ਨ ਹੋਏ ਸਨ।
ਹੇਨੇਪਿਨ ਕਾਊਂਟੀ ਕੋਰਟ ਨੇ ਡੈਰੇਕ ਚਾਵਿਨ ਨੂੰ ਦੂਜੇ ਦਰਜੇ ਦਾ ਗੈਰ-ਇਰਾਦਾਤਨ ਕਤਲ, ਤੀਜੇ ਦਰਜੇ ਦਾ ਕਤਲ ਤੇ ਦੂਜੇ ਦਰਜੇ ਦੇ ਬੇਰਹਿਮ ਕਤਲ ਦਾ ਦੋਸ਼ੀ ਮੰਨਿਆ ਗਿਆ ਹੈ। ਦੂਜੇ ਦਰਜੇ ਦੀ ਗੈਰ-ਇਰਾਦਾਤਨ ਕਤਲ 'ਚ 40 ਸਾਲ ਤਕ ਦੀ ਸਜ਼ਾ, ਤੀਜੇ ਦਰਜੇ ਦੇ ਕਤਲ ਵਿਚ 25 ਸਾਲ ਤਕ ਦੀ ਸਜ਼ਾ ਤੇ ਦੂਜੇ ਦਰਜੇ ਦੀ ਬੇਰਹਿਮ ਹੱਤਿਆ ਮਾਮਲੇ ਵਿਚ 10 ਸਾਲ ਤਕ ਸਜ਼ਾ ਜਾਂ 20 ਹਜ਼ਾਰ ਡਾਲਰ ਜ਼ੁਰਮਾਨੇ ਦਾ ਪ੍ਰਬੰਧ ਹੈ।
ਰਾਸ਼ਟਰਪਤੀ ਜੋ ਬਿਡੇਨ ਵੱਲੋਂ ਵੀ ਇਸ ਫੈਸਲੇ ਦਾ ਸਵਾਗਤ ਕੀਤਾ ਗਿਆ ਹੈ। ਉਹਨਾਂ ਨੇ ਕਿਹਾ- ਇਹ ਫੈਸਲਾ ਜਾਰਜ ਨੂੰ ਵਾਪਸ ਨਹੀਂ ਲਿਆ ਸਕਦਾ, ਪਰ ਇਹ ਸਾਨੂੰ ਦੱਸੇਗਾ ਕਿ ਅਸੀਂ ਅੱਗੇ ਕੀ ਕਰ ਸਕਦੇ ਹਾਂ। ਜਾਰਜ ਦੇ ਆਖਰੀ ਸ਼ਬਦ ਸਨ, ਮੈਂ ਸਾਹ ਨਹੀਂ ਲੈ ਸਕਦਾ। ਅਸੀਂ ਇਨ੍ਹਾਂ ਸ਼ਬਦਾਂ ਨੂੰ ਮਰਨ ਨਹੀਂ ਦੇ ਸਕਦੇ। ਸਾਨੂੰ ਇਹ ਸੁਣਨ ਦੀ ਜ਼ਰੂਰਤ ਹੈ। ਅਸੀਂ ਇਸ ਤੋਂ ਭੱਜ ਨਹੀਂ ਸਕਦੇ।
“I can’t breathe.”
— President Biden (@POTUS) April 20, 2021
Those were George Floyd’s last words.
We cannot let them die with him. We have to keep hearing them.
We must not turn away. We cannot turn away.
ਜਿਊਰੀ ਨੂੰ ਭੇਜਿਆ ਗਿਆ ਸੀ ਕੇਸ
ਅਮਰੀਕਾ ਵਿਚ ਜਾਰਜ ਫਲਾਇਡ ਦੀ ਮੌਤ ਦੇ ਮਾਮਲੇ ਵਿਚ ਸਾਬਕਾ ਪੁਲਿਸ ਅਧਿਕਾਰੀ ਡੈਰੇਕ ਚਾਵਿਨ ਵਿਰੁੱਧ ਕਤਲ ਕੇਸ ਨੂੰ ਜਿਊਰੀ ਵਿਚ ਭੇਜਿਆ ਗਿਆ। ਪਿਛਲੇ ਸਾਲ,ਡੇਰੇਕ ਚਾਓਵਿਨ ਦੁਆਰਾ ਇਕ ਕਾਲੇ ਨਾਗਰਿਕ ਫਲਾਈਡ ਦੀ ਗਰਦਨ ਨੂੰ ਗੋਡੇ ਨਾਲ ਦਬਾਉਣ ਤੋਂ ਬਾਅਦ ਸਾਹ ਨਾ ਆਉਣ ਕਾਰਨ ਜੌਰਜ ਦੀ ਮੌਤ ਹੋ ਗਈ ਸੀ। ਜਿਸ ਦਾ ਵੀਡੀਓ ਸਾਹਮਣੇ ਆਉਣ ਤੋਂ ਬਾਅਦ ਅਮਰੀਕਾ 'ਚ ਵੱਡੇ ਪੱਧਰ 'ਤੇ ਵਿਰੋਧ ਪ੍ਰਦਰਸ਼ਨ ਹੋਏ ਸਨ।