ਸੋਸ਼ਲ ਮੀਡੀਆ ਨੇ ਦਿੱਤਾ 'ਹੌਰਸ ਲੇਡੀ' ਦਾ ਨਾਮ
ਨਾਰਵੇ- ਇਨ੍ਹੀਂ ਦਿਨੀਂ ਨਾਰਵੇ ਦੀ ਇਕ ਔਰਤ ਦੀਆਂ ਕੁਝ ਵੀਡੀਓਜ਼ ਸੋਸ਼ਲ ਮੀਡੀਆ 'ਤੇ ਕਾਫ਼ੀ ਵਾਇਰਲ ਹੋ ਰਹੀਆਂ ਹਨ। ਵੀਡੀਓ ਵਿਚ ਇਹ ਔਰਤ ਬਿਲਕੁਲ ਘੋੜੇ ਵਾਂਗ ਦੌੜਦੀ ਹੋਈ ਨਜ਼ਰ ਆਉਂਦੀ ਹੈ ਜਿਵੇਂ ਘੋੜਾ ਆਪਣੇ ਚਾਰ ਪੈਰਾਂ ਨਾਲ ਪੂਰੀ ਰਫ਼ਤਾਰ ਨਾਲ ਦੌੜਦਾ ਹੈ। ਇਹ ਔਰਤ ਵੀ ਆਪਣੇ ਦੋਵੇਂ ਹੱਥਾਂ ਤੇ ਪੈਰਾਂ ਨਾਲ ਉਸੇ ਤਰ੍ਹਾਂ ਦੌੜਦੀ ਹੈ। ਟਵਿਟਰ ਅਕਾਊਂਟ 'ਤੇ ਸ਼ੇਅਰ ਕੀਤੇ ਗਏ ਇਸ ਵੀਡੀਓ ਨੂੰ 1 ਕਰੋੜ 80 ਲੱਖ ਤੋਂ ਵੀ ਜ਼ਿਆਦਾ ਵਾਰ ਵੇਖਿਆ ਜਾ ਚੁੱਕਾ ਹੈ।
Woman will be seen as a horse
ਇੰਸਟਾਗ੍ਰਾਮ 'ਤੇ ਵੀ ਔਰਤ ਨੇ ਅਜਿਹੇ ਕਈ ਵੀਡੀਓ ਜਾਰੀ ਕੀਤੇ ਹਨ। ਇਸ ਔਰਤ ਦਾ ਨਾਂਅ ਆਇਲਾ ਕਰਸਟਿਨ ਹੈ। ਵੀਡੀਓ ਵਿਚ ਵੇਖਿਆ ਜਾ ਸਕਦਾ ਹੈ ਕਿ ਆਇਲਾ ਕਰਸਟਿਨ ਆਪਣੇ ਦੋ ਹੱਥਾਂ ਅਤੇ ਪੈਰਾਂ ਦੀ ਮਦਦ ਨਾਲ ਬਿਲਕੁਲ ਘੋੜੇ ਦੇ ਅੰਦਾਜ਼ ਵਿਚ ਆ ਜਾਂਦੀ ਹੈ ਅਤੇ ਫਿਰ ਤੇਜ਼ ਰਫ਼ਤਾਰ ਨਾਲ ਦੌੜਦੀ ਹੈ। ਇਸੇ ਦੌਰਾਨ ਜੇਕਰ ਰਸਤੇ ਵਿਚਕਾਰ ਕੋਈ ਰੁਕਾਵਟ ਆ ਜਾਵੇ ਤਾਂ ਉਸ ਨੂੰ ਵੀ ਘੋੜੇ ਵਾਂਗ ਛਾਲ ਮਾਰ ਕੇ ਪਾਰ ਕਰ ਲੈਂਦੀ ਹੈ। ਸੋਸ਼ਲ ਮੀਡੀਆ 'ਤੇ ਇਸ ਔਰਤ ਨੂੰ 'ਹੌਰਸ ਲੇਡੀ' ਦਾ ਨਾਂਅ ਦਿੱਤਾ ਜਾ ਰਿਹਾ ਹੈ।
Woman will be seen as a horse
ਆਇਲਾ ਕਰਸਟਿਨ ਦਾ ਕਹਿਣਾ ਹੈ ਕਿ ਜਦੋਂ ਉਹ 4 ਸਾਲ ਦੀ ਸੀ ਤਾਂ ਉਸ ਨੂੰ ਕੁੱਤਿਆਂ ਨਾਲ ਬੇਹੱਦ ਪਿਆਰ ਸੀ ਅਤੇ ਉਹ ਉਨ੍ਹਾਂ ਵਾਂਗ ਹੀ ਹਰਕਤਾਂ ਕਰਦੀ ਸੀ। ਉਨ੍ਹਾਂ ਵਾਂਗ ਦੌੜਨ ਦੀ ਕੋਸ਼ਿਸ਼ ਕਰਦੀ ਸੀ। ਉਸ ਤੋਂ ਬਾਅਦ ਉਸ ਨੂੰ ਘੋੜੇ ਚੰਗੇ ਲੱਗਣ ਲੱਗੇ ਅਤੇ ਉਸ ਨੇ ਘੋੜਿਆਂ ਵਾਂਗ ਦੌੜਨਾ ਸਿੱਖਿਆ ਕੁੱਝ ਲੋਕ ਉਸ ਦੀ ਵੀਡੀਓ 'ਤੇ ਗ਼ਲਤ ਕੁਮੈਂਟ ਕਰਦੇ ਸਨ, ਜਿਸ ਕਾਰਨ ਉਸ ਨੇ ਵੀਡੀਓ ਪੋਸਟ ਕਰਨੀ ਬੰਦ ਕਰ ਦਿੱਤੀ ਸੀ ਪਰ ਹੁਣ ਉਸ ਨੇ ਫਿਰ ਤੋਂ ਵਾਪਸੀ ਕੀਤੀ ਹੈ।
