ਪੁਲਿਸ ਨੇ ਉਸ ਦੀ ਭਾਲ ਲਈ ਲੋਕਾਂ ਤੋਂ ਮਦਦ ਮੰਗਦੇ ਹੋਏ ਉਸ ਤੋਂ ਸੁਚੇਤ ਰਹਿਣ ਦੀ ਸਲਾਹ ਦਿਤੀ ਹੈ।
ਸਰੀ: ਗ਼ੈਂਗਵਾਰ ਅਤੇ ਤਸਕਰੀ ਜਿਹੇ ਅਪਰਾਧਾਂ ਵਿਚ ਸ਼ਾਮਲ ਦੋ ਬਦਮਾਸ਼ਾਂ ਦੀ ਸਰੀ ਪੁਲਿਸ ਨੂੰ ਭਾਲ ਹੈ। ਇਸੇ ਕਰ ਕੇ ਸਰੀ ਦੀ ਰਾਇਲ ਕੈਨੇਡੀਅਨ ਮਾਊਂਟੇਡ ਪੁਲਿਸ (ਆਰਸੀਐਮਪੀ) ਨੇ ਕਈ ਕੇਸਾਂ ਵਿਚ ਲੋੜੀਂਦੇ ਗੈਂਗਸਟਰ ਨਸੀਮ ਮੁਹੰਮਦ ਦੀ ਭਾਲ ਲਈ ਇਕ ਵਾਰ ਫਿਰ ਲੋਕਾਂ ਦੀ ਮਦਦ ਮੰਗੀ ਹੈ, ਜੋ ਕਿ ਬ੍ਰਦਰਜ਼ ਕੀਪਰਸ ਗਰੋਹ ਦਾ ਮੈਂਬਰ ਹੈ।
Surrey police search for gangsters and thugs involved in smuggling
ਸਰੀ ਆਰਸੀਐਮਪੀ ਦੀ ਅਧਿਕਾਰੀ ਕਾਰਪੋਰਲ ਵੈਨੇਸਾ ਮੁੰਨ ਨੇ ਕਿਹਾ ਕਿ 22 ਸਾਲਾ ਨਸੀਮ ਮੁਹੰਮਦ ਮੌਜੂਦਾ ਸਮੇਂ ਰਿਹਾਈ ਦੇ ਹੁਕਮਾਂ ਦੀ ਉਲੰਘਣਾ ਤੇ ਮਨਾਹੀ ਦੇ ਬਾਵਜੂਦ ਡਰਾਈਵਿੰਗ ਕਰਨ ਸਣੇ ਕਈ ਕਾਨੂੰਨਾਂ ਦੀ ਉਲੰਘਣਾ ਕਰਨ ਦੇ ਕੇਸਾਂ ਵਿਚ ਲੋੜੀਂਦਾ ਹੈ। ਮਹਿਲਾ ਪੁਲਿਸ ਅਧਿਕਾਰੀ ਨੇ ਕਿਹਾ ਕਿ ਨਸੀਮ ਹਾਲ ਹੀ ’ਚ ਲੋਅਰ ਮੇਨਲੈਂਡ ਵਿਚ ਹੋਈ ਗੈਂਗਵਾਰ ’ਚ ਵੀ ਸ਼ਾਮਲ ਹੈ ਤੇ ਉਸ ’ਤੇ ਪਹਿਲਾਂ ਨਸ਼ਾ ਤਸਕਰੀ ਕਰਨ ਦੇ ਦੋਸ਼ ਵੀ ਲੱਗ ਚੁੱਕੇ ਹਨ। ਇਸ ਲਈ ਪੁਲਿਸ ਨੇ ਉਸ ਦੀ ਭਾਲ ਲਈ ਲੋਕਾਂ ਤੋਂ ਮਦਦ ਮੰਗਦੇ ਹੋਏ ਉਸ ਤੋਂ ਸੁਚੇਤ ਰਹਿਣ ਦੀ ਸਲਾਹ ਦਿਤੀ ਹੈ।
Aresst
ਜਨਵਰੀ ਮਹੀਨੇ ਵਿੱਚ ਸਰੀ ਆਰਸੀਐਮਪੀ ਨੂੰ ਜਾਣਕਾਰੀ ਮਿਲੀ ਸੀ ਕਿ ਨਸੀਮ ਮੁਹੰਮਦ ਗ਼ੈਰ-ਕਾਨੂੰਨੀ ਢੰਗ ਨਾਲ ਅਮਰੀਕਾ ਵਿੱਚ ਦਾਖ਼ਲ ਹੋ ਗਿਆ ਹੈ, ਪਰ ਮੌਜੂਦਾ ਸਮੇਂ ਉਸ ਦੇ ਟਿਕਾਣੇ ਦਾ ਕੋਈ ਪਤਾ ਨਹੀਂ ਲੱਗ ਰਿਹਾ। ਨਸੀਮ ਮੁਹੰਮਦ ਸੋਮਾਲੀਅਨ ਮੂਲ ਦਾ 22 ਸਾਲਾ ਨੌਜਵਾਨ ਹੈ, ਜਿਸ ਦੀ ਲੰਬਾਈ 5 ਫੁੱਟ 5 ਇੰਚ ਹੈ। ਉਸ ਦਾ ਸਰੀਰ ਦਰਮਿਆਨਾ, ਕਾਲ਼ੇ ਵਾਲ਼ ਤੇ ਭੂਰੀਆਂ ਅੱਖਾਂ ਹਨ।
Call
ਸਰੀ ਆਰਸੀਐਮਪੀ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਜੇਕਰ ਕਿਸੇ ਨੂੰ ਨਸੀਮ ਮੁਹੰਮਦ ਕਿਤੇ ਵੀ ਦਿਖਾਈ ਦਿੰਦਾ ਹੈ ਤਾਂ ਉਹ ਤੁਰੰਤ 911 ਨੰਬਰ ’ਤੇ ਕਾਲ ਕਰੇ। ਇਸ ਤੋਂ ਇਲਾਵਾ ਜੇਕਰ ਕਿਸੇ ਕੋਲ ਨਸੀਮ ਬਾਰੇ ਕੋਈ ਜਾਣਕਾਰੀ ਹੈ ਤਾਂ ਉਹ ਫੋਨ ਨੰਬਰ 604-599-0502 ’ਤੇ ਕਾਲ ਕਰ ਸਕਦਾ ਹੈ। ਸਰੀ ਆਰਸੀਐਮਪੀ ਨੇ ਇਸ ਤੋਂ ਪਹਿਲਾਂ 2020 ਦੇ ਨਵੰਬਰ ਮਹੀਨੇ ਵਿੱਚ ਨਸੀਮ ਮੁਹੰਮਦ ਦੇ ਵਾਰੰਟ ਜਾਰੀ ਕੀਤੇ ਸਨ। ਹੁਣ ਜੁਲਾਈ ਮਹੀਨੇ ਵਿੱਚ ਫਿਰ ਤੋਂ ਵਾਰੰਟ ਜਾਰੀ ਕੀਤੇ ਜਾਣਗੇ।
