ਅੰਟਾਰਕਟਿਕਾ ਦੀ ਧਰਤੀ ਹੋਰਨਾਂ ਹਿਸਿਆਂ ਦੇ ਮੁਕਾਬਲੇ ਜ਼ਿਆਦਾ ਤੇਜ਼ੀ ਨਾਲ ਗਰਮ ਹੋ ਰਹੀ ਹੈ
ਲੰਡਨ: ਅੰਟਾਰਕਟਿਕਾ ਵਿਚ ਦੁਨੀਆਂ ਦਾ ਸੱਭ ਤੋਂ ਵੱਡਾ ਬਰਫ਼ ਦਾ ਪਹਾੜ ਟੁੱਟ ਕੇ ਅੱਡ ਹੋ ਗਿਆ ਹੈ। ਇਸ ਨੂੰ ਦੁਨੀਆ ਦਾ ਸੱਭ ਤੋਂ ਵੱਡਾ ਬਰਫ਼ ਦਾ ਪਹਾੜ ਇਸ ਲਈ ਕਿਹਾ ਜਾਂਦਾ ਸੀ ਕਿਉਂਕਿ ਇਹ ਪਹਾੜ 170 ਕਿੱਲੋਮੀਟਰ ਲੰਮਾ ਹੈ ਤੇ ਕਰੀਬ 25 ਕਿੱਲੋਮੀਟਰ ਚੌੜਾ ਹੈ। ਯੂਰਪੀ ਸਪੇਸ ਏਜੰਸੀ ਦੀਆਂ ਸੈਟੇਲਾਈਟ ਤਸਵੀਰਾਂ ਤੋਂ ਨਜ਼ਰ ਆ ਰਿਹਾ ਹੈ ਕਿ ਅੰਟਾਰਕਟਿਕਾ ਦੇ ਪਛਮੀ ਹਿਸੇ ’ਚ ਸਥਿਤ ਰੋਨੇ ਆਈਸ ਸੈਲਫ਼ ਨਾਲੋਂ ਇਹ ਵੱਡਾ ਬਰਫ਼ ਦਾ ਟੁਕੜਾ ਟੁੱਟਿਆ ਹੈ। ਇਸ ਬਰਫ਼ ਦੇ ਪਹਾੜ ਦੇ ਟੁੱਟਣ ਨਾਲ ਦੁਨੀਆ ’ਚ ਦਹਿਸ਼ਤ ਦਾ ਮਾਹੌਲ ਹੈ। ਹੁਣ ਇਹ ਵੱਡਾ ਟੁਕੜਾ ਸਮੁੰਦਰ ਵਿਚ ਤੈਰ ਰਿਹਾ ਹੈ।
Antarctica
ਦਸਣਯੋਗ ਹੈ ਕਿ ਇਸ ਦਾ ਪੂਰਾ ਅਕਾਰ 4320 ਕਿੱਲੋਮੀਟਰ ਹੈ। ਇਸ ਨੂੰ ਅ-76 ਨਾਂ ਦਿਤਾ ਗਿਆ ਹੈ। ਇਸ ਬਰਫ਼ ਦੇ ਪਹਾੜ ਦੇ ਟੁੱਟਣ ਦੀ ਤਸਵੀਰ ਯੂਰਪੀ ਯੂਨੀਅਨ ਦੇ ਸੈਟੇਲਾਈਟਨਕਾਪਰਨਿਕਸ ਸੈਂਟੀਨਲ ਨੇ ਖਿੱਚੀ ਹੈ। ਇਹ ਸੈਟੇਲਾਈਨਟ ਧਰਤੀ ਦੇ ਧਰੂਵੀ ਇਲਾਕੇ ’ਤੇ ਨਜ਼ਰ ਰਖਦਾ ਹੈ।
Antarctica
ਬ੍ਰਿਟੇਨ ਦੀ ਅੰਟਾਰਕਿਟਕ ਸਰਵੇਖਣ ਟੀਮ ਨੇ ਸੱਭ ਤੋਂ ਪਹਿਲਾਂ ਇਸ ਬਰਫ਼ ਦੇ ਪਹਾੜ ਦੇ ਟੁੱਟਣ ਬਾਰੇ ਦਸਿਆ ਸੀ। ਨੈਸ਼ਨਲ ਸਲੋਅ ਐਂਡ ਆਈਸ ਡਾਟਾ ਸੈਂਟਰ ਮੁਤਾਬਕ ਇਸ ਬਰਫ਼ ਦੇ ਪਹਾੜ ਦੇ ਟੁੱਟਣ ਨਾਲ ਸਮੁੰਦਰ ਦੇ ਪੱਧਰ ਵਿਚ ਵਾਧਾ ਨਹੀਂ ਹੋਵੇਗਾ ਪਰ ਅਪ੍ਰਤੱਖ ਰੂਪ ’ਚ ਪਾਣੀ ਦਾ ਪੱਧਰ ਵਧ ਸਕਦਾ ਹੈ।
Antarctica
ਇਹੀ ਨਹੀਂ ਗਲੇਸ਼ੀਅਰਾਂ ਦੇ ਵਹਾਅ ਤੇ ਬਰਫ਼ ਦੀਆਂ ਧਾਰਾਵਾਂ ਦੀ ਗਤੀ ਨੂੰ ਹੌਲੀ ਕਰ ਸਕਦਾ ਹੈ। ਸੈਂਟਰ ਨੇ ਚਿਤਾਵਨੀ ਦਿਤੀ ਹੈ ਕਿ ਅੰਟਾਰਕਟਿਕਾ ਧਰਤੀ ਦੇ ਹੋਰਨਾਂ ਹਿੱਸਾਂ ਦੇ ਮੁਕਾਬਲੇ ਜ਼ਿਆਦਾ ਤੇਜ਼ੀ ਨਾਲ ਗਰਮ ਹੋ ਰਿਹਾ ਹੈ। ਇਥੇ ਬਰਫ਼ ਦੇ ਰੂਪ ’ਚ ਏਨਾ ਪਾਣੀ ਜਮ੍ਹਾਂ ਹੈ ਜਿਸ ਦੇ ਪਿਘਲਣ ਨਾਲ ਦੁਨੀਆ ਭਰ ਵਿਚ ਸਮੁੰਦਰ ਦੇ ਪਾਣੀ ਦਾ ਪੱਧਰ 200 ਫੁੱਟ ਤਕ ਵਧ ਸਕਦਾ ਹੈ।ਅੰਟਾਰਕਟਿਕਾ ਧਰਤੀ ਦੇ ਹੋਰਨਾਂ ਹਿੱਸਾਂ ਦੇ ਮੁਕਾਬਲੇ ਜ਼ਿਆਦਾ ਤੇਜ਼ੀ ਨਾਲ ਗਰਮ ਹੋ ਰਿਹੈ।
