ਇਜ਼ਰਾਈਲੀ ਫ਼ੌਜ ਦੀ ਗੋਬੀਬਾਰੀ ਵਿਚ ਵੀਰਵਾਰ ਨੂੰ ਪੱਛਮੀ ਤੱਟ ਉਤੇ ਇਕ ਫਲਸਤੀਨੀ ਨਾਗਰਿਕ ਮਾਰਾ ਗਿਆ ਹੈ। ਫਲਸਤੀਨੀ ਸਹਿਤ ਮੰਤਰਾਲਾ...
ਫਲਸਤੀਨੀ (ਭਾਸ਼ਾ) : ਇਜ਼ਰਾਈਲੀ ਫ਼ੌਜ ਦੀ ਗੋਬੀਬਾਰੀ ਵਿਚ ਵੀਰਵਾਰ ਨੂੰ ਪੱਛਮੀ ਤੱਟ ਉਤੇ ਇਕ ਫਲਸਤੀਨੀ ਨਾਗਰਿਕ ਮਾਰਾ ਗਿਆ ਹੈ। ਫਲਸਤੀਨੀ ਸਹਿਤ ਮੰਤਰਾਲਾ ਨੇ ਇਸ ਮਾਮਲੇ ਦੀ ਜਾਣਕਾਰੀ ਦਿਤੀ ਹੈ। ਇਜ਼ਰਾਈਲੀ ਫ਼ੌਜ ਦੇ ਇਕ ਬੁਲਾਰੇ ਨੇ ਇਸ ਗੱਲ ਦੀ ਪੁਸ਼ਟੀ ਕਰਦੇ ਹੋਏ ਦੱਸਿਆ, ਫ਼ੌਜੀਆਂ ਨੇ ਉਸ ਵਾਹਨ ਉਤੇ ਗੋਲੀਬਾਰੀ ਕੀਤੀ ਜਿਹੜਾ ਰਾਮਲੱਲਾ ਖੇਤਰ ਵਿਚ ਫ਼ੌਜ ਬੈਰੀਅਰ ਨੂੰ ਤੋੜਨ ਦੀ ਕੋਸ਼ਿਸ਼ ਕਰ ਰਿਹਾ ਸੀ। ਗੋਲੀਬਾਰੀ ਵਿਚ ਵਾਹਨ 'ਤੇ ਸਵਾਰ ਇਕ ਵਿਅਕਤੀ ਮਾਰਿਆ ਗਿਆ ਹੈ। ਇਸ ਤੋਂ ਪਹਿਲਾਂ ਫ਼ੌਜ ਨੇ ਉਸੇ ਖੇਤਰ ਵਿਚ ਇਕ ਹੋਰ ਘਟਨਾ ਹੋਣ ਦੀ ਜਾਣਕਾਰੀ ਦਿਤੀ ਹੈ।
ਫਲਸਤੀਨੀ ਬੰਦੂਕਧਾਰੀਆਂ ਨੇ ਇਕ ਬੱਸ ਸਟੇਸ਼ਨ ਵੱਲੋਂ ਗੋਲੀਬਾਰੀ ਕੀਤੀ, ਹਾਲਾਂਕਿ, ਉਸ ਵਿਚ ਕੋਈ ਹਾਦਸਾ ਨਹੀਂ ਹੋਇਆ। ਦੋਨੇ ਘਟਨਾਵਾਂ ਰਾਮਲੱਲਾ ਦੇ ਉਤਰ ਹਿਸੇ ਵਿਚ ਹੋਈਆਂ। ਉਥੇ ਹੀ 9 ਅਤੇ 13 ਦਸੰਬਰ ਨੂੰ ਫਲਸਤੀਨੀ ਹਮਲੇ ਵਿਚ ਤਿੰਨ ਲੋਕ ਮਾਰੇ ਗਏ ਸੀ। ਮਰਨ ਵਾਲਿਆਂ ਵਿਚ ਦੋ ਇਜ਼ਰਾਈਲੀ ਫ਼ੌਜੀ ਵੀ ਸ਼ਾਮਲ ਸੀ। ਇਜ਼ਰਾਈਲੀ ਫ਼ੌਜੀ ਪਹਿਲੇ ਹਮਲੇ ਵਿਚ ਸ਼ਾਮਲ ਲੋਕਾਂ ਦੀ ਭਾਲ ਕਰ ਰਹੇ ਸੀ।