ਅਮਰੀਕਾ ਨੇ ਸੀਰੀਆ ਵਿਚ ਇਸਲਾਮਿਕ ਸਟੇਟ ਵਿਚ ਸ਼ਾਮਲ ਹੋਣ ਵਾਲੀ ਅਲਬਾਮਾ ਦੀ ਇੱਕ ਔਰਤ ਨੂੰ ਉਸ ਦੇ ਬੇਟੇ ਦੇ ਨਾਲ ਵਾਪਸ ਪਰਤਣ ਦੀ ਆਗਿਆ ਦੇਣ...
ਵਾਸ਼ਿੰਗਟਨ : ਅਮਰੀਕਾ ਨੇ ਸੀਰੀਆ ਵਿਚ ਇਸਲਾਮਿਕ ਸਟੇਟ ਵਿਚ ਸ਼ਾਮਲ ਹੋਣ ਵਾਲੀ ਅਲਬਾਮਾ ਦੀ ਇੱਕ ਔਰਤ ਨੂੰ ਉਸ ਦੇ ਬੇਟੇ ਦੇ ਨਾਲ ਵਾਪਸ ਪਰਤਣ ਦੀ ਆਗਿਆ ਦੇਣ ਤੋਂ ਇਨਕਾਰ ਕਰ ਦਿੱਤਾ ਹੈ। ਅਮਰੀਕਾ ਦਾ ਕਹਿਣਾ ਹੈ ਕਿ ਹੁਣ ਉਹ ਅਮਰੀਕੀ ਨਾਗਰਿਕ ਨਹੀਂ ਹੈ। ਮਹਿਲਾ ਦੇ ਵਕੀਲ ਇਸ ਫ਼ੈਸਲੇ ਨੂੰ ਚੁਣੌਤੀ ਦੇ ਰਹੇ ਹਨ। ਅਮਰੀਕੀ ਵਿਦੇਸ਼ ਮੰਤਰੀ ਮਾਈਕ ਪੋਂਪੀਓ ਨੇ ਬਿਆਨ ਵਿਚ ਇਸ ਗੱਲ ਦਾ ਬਿਓਰਾ ਨਹੀਂ ਦਿੱਤਾ ਕਿ ਪ੍ਰਸ਼ਾਸਨ ਨੇ ਇਹ ਫੈਸਲਾ ਕਿਸ ਤਰ੍ਹਾਂ ਲਿਆ।
ਉਨ੍ਹਾਂ ਕਿਹਾ ਕਿ ਸ੍ਰੀਮਤੀ ਹੋਦਾ ਮੁਥਾਨਾ ਅਮਰੀਕੀ ਨਾਗਰਿਕ ਨਹੀਂ ਹਨ ਅਤੇ ਉਨ੍ਹਾਂ ਅਮਰੀਕਾ ਵਿਚ ਦਖ਼ਲ ਨਹੀਂ ਹੋਣ ਦਿੱਤਾ ਜਾਵੇਗਾ। ਉਨ੍ਹਾਂ ਦੇ ਕੋਲ ਕੋਈ ਕਾਨੂੰਨੀ ਆਧਾਰ, ਪਾਸਪੋਰਟ ਅਤੇ ਅਮਰੀਕਾ ਦੀ ਯਾਤਰਾ ਕਰਨ ਦੇ ਲਈ ਵੀਜ਼ਾ ਨਹੀਂ ਹੈ। ਹਾਲਾਂਕਿ ਮਹਿਲਾ ਦੇ ਵਕੀਲ ਹਸਨ ਸ਼ਿਬਲੇ ਨੇ ਦਲੀਲ ਦਿੱਤੀ ਕਿ ਮੁਥਾਨਾ ਅਮਰੀਕਾ ਵਿਚ ਪੈਦਾ ਹੋਈ ਹੈ ਅਤੇ 2014 ਵਿਚ ਇਸਲਾਮਿਕ ਸਟੇਟ ਵਿਚ ਸ਼ਾਮਲ ਹੋਣ ਤੋਂ ਪਹਿਲਾਂ ਉਨ੍ਹਾਂ ਦੇ ਕੋਲ ਮਾਨਤਾ ਪ੍ਰਾਪਤ ਪਾਸਪੋਰਟ ਸੀ।
ਵਕੀਲ ਨੇ ਕਿਹਾ ਕਿ ਹੁਦਾ ਨੇ ਅੱਤਵਾਦੀ ਸੰਗਠਨ ਛੱਡ ਦਿੱਤਾ ਹੈ ਅਤੇ ਉਹ 18 ਮਹੀਨੇ ਦੇ ਅਪਣੇ ਬੇਟੇ ਦੀ ਦੇਖਭਾਲ ਦੇ ਲਈ ਕਾਨੂੰਨੀ ਦਿੱਕਤਾਂ ਦੀ ਪਰਵਾਹ ਕੀਤੇ ਬਿਨਾਂ ਘਰ ਵਾਪਸ ਪਰਤਣਾ ਚਾਹੁੰਦੀ ਹੈ। ਮੁਥਾਨਾ ਅਤੇ ਉਸ ਦਾ ਬੇਟਾ ਇਸ ਸਮੇਂ ਆਈਐਸ ਛੱਡ ਕੇ ਭੱਜੇ ਦੋ ਹੋ ਲੋਕਾਂ ਦੇ ਨਾਲ ਸੀਰੀਆ ਵਿਚ ਸ਼ਰਣਾਰਥੀ ਕੈਂਪ ਵਿਚ ਰਹਿ ਰਹੇ ਹਨ।
ਇਸ ਤੋਂ ਪਹਿਲਾਂ ਟਰੰਪ ਨੇ ਟਵੀਟ ਕੀਤਾ ਸੀ ਕਿ ਉਹ ਉਨ੍ਹਾ ਪ੍ਰਵੇਸ਼ ਨਹੀਂ ਦੇਣ ਦੇ ਫ਼ੈਸਲੇ ਦਾ ਸਮਰਥਨ ਕਰਦੇ ਹਨ। ਉਨ੍ਹਾਂ ਟਵੀਟ ਕੀਤਾ ਕਿ ਮੈਂ ਵਿਦੇਸ਼ ਮੰਤਰੀ ਮਾਈਕ ਪੋਂਪੀਓ ਨੂੰ ਨਿਰਦੇਸ਼ ਦਿੱਤਾ ਹੈ ਅਤੇ ਉਹ ਪੂਰੀ ਤਰ੍ਹਾਂ ਨਾਲ ਸਹਿਮਤ ਹਨ ਕਿ ਹੁਦਾ ਨੂੰ ਮੁੜ ਦੇਸ਼ ਵਿਚ ਦਾਖ਼ਲ ਨਹੀਂ ਹੋਣ ਦਿੱਤਾ ਜਾਵੇ।