Nigerian military plane crashes
ਜਦੋਂ ਇੰਜਣ ਦੀ ਖਰਾਬੀ ਦਾ ਪਤਾ ਚੱਲਿਆ ਅਤੇ ਜਹਾਜ਼ ਨੇ ਵਾਪਸ ਜਾਣ ਦੀ ਕੋਸ਼ਿਸ਼ ਕੀਤੀ।
ਨਾਈਜੀਰੀਆ: ਨਾਈਜੀਰੀਆ ਵਿਚ ਇਕ ਸੈਨਾ ਦੇ ਜਹਾਜ਼ ਹਾਦਸਾਗ੍ਰਸਤ ਹੋਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਇਸ ਜਹਾਜ਼ ਵਿਚ ਸਵਾਰ ਸੱਤ ਲੋਕਾਂ ਦੀ ਮੌਤ ਹੋ ਹੋਣ ਖ਼ਬਰ ਮਿਲੀ ਹੈ। ਇਸ ਹਾਦਸੇ ਦੀ ਜਾਣਕਾਰੀ ਅਧਿਕਾਰੀਆਂ ਨੇ ਦਿੱਤੀ ਹੈ। ਨਾਈਜੀਰੀਆ ਦੀ ਹਵਾਈ ਸੈਨਾ ਦੇ ਬੁਲਾਰੇ ਇਬੀਕੂਨਲੇ ਦਾਰਾਮੋਲਾ ਨੇ ਟਵੀਟ ਕੀਤਾ ਕਿ “ਕਿੰਗ ਏਅਰ 350 ਏਅਰਕਰਾਫਟ ਰਾਜਧਾਨੀ ਅਬੂਜਾ ਦੇ ਹਵਾਈ ਅੱਡੇ ਤੋਂ ਉਡਾਣ ਭਰ ਰਿਹਾ ਸੀ” ਜਦੋਂ ਇੰਜਣ ਦੀ ਖਰਾਬੀ ਦਾ ਪਤਾ ਚੱਲਿਆ ਅਤੇ ਜਹਾਜ਼ ਨੇ ਵਾਪਸ ਜਾਣ ਦੀ ਕੋਸ਼ਿਸ਼ ਕੀਤੀ।
TWEET
ਉਨ੍ਹਾਂ ਨੇ ਅੱਗੇ ਦੱਸਿਆ ਕਿ ਜਹਾਜ਼ ਵਿੱਚ ਸਵਾਰ ਸੱਤ ਲੋਕਾਂ ਦੀ ਮੌਤ ਹੋ ਗਈ। ਹਵਾਬਾਜ਼ੀ ਮੰਤਰੀ ਹਦੀ ਸਿਰਿਕਾ ਨੇ ਟਵੀਟ ਕੀਤਾ ਕਿ ਹਾਦਸਾ “ਘਾਤਕ ਪ੍ਰਤੀਤ ਹੁੰਦਾ ਹੈ”। ਉਨ੍ਹਾਂ ਕਿਹਾ ਕਿ ਸੈਨਾ ਇਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ। ਇਹ ਜਹਾਜ਼ ਅਬੂਜਾ ਦੇ 100 ਕਿਲੋਮੀਟਰ ਉੱਤਰ-ਪੱਛਮ ਵਿੱਚ ਮਿੰਨਾ ਸ਼ਹਿਰ ਜਾ ਰਿਹਾ ਸੀ। ਗਵਾਹਾਂ ਨੇ ਦੱਸਿਆ ਕਿ ਹਾਦਸਾ ਭਿਆਨਕ ਸੀ।
