''ਵਲਾਦੀਮੀਰ ਪੁਤਿਨ ਅਤੇ ਰਾਸ਼ਟਰਪਤੀ ਜ਼ੇਲੇਂਸਕੀ ਨੂੰ ਇਕੱਠੇ ਆਉਣਾ ਪਵੇਗਾ''
ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਰੂਸ-ਯੂਕਰੇਨ ਜੰਗ 'ਤੇ ਵੱਡਾ ਬਿਆਨ ਦਿੱਤਾ ਹੈ। ਡੋਨਾਲਡ ਟਰੰਪ ਨੇ ਕਿਹਾ, 'ਵਲਾਦੀਮੀਰ ਪੁਤਿਨ ਅਤੇ ਰਾਸ਼ਟਰਪਤੀ ਜ਼ੇਲੇਂਸਕੀ ਨੂੰ ਇਕੱਠੇ ਆਉਣਾ ਹੋਵੇਗਾ ਕਿਉਂਕਿ ਅਸੀਂ ਯੁੱਧ ਨੂੰ ਰੋਕਣਾ ਚਾਹੁੰਦੇ ਹਾਂ। ਲੱਖਾਂ ਲੋਕਾਂ ਦੀ ਹੱਤਿਆ ਨੂੰ ਰੋਕਣਾ ਚਾਹੁੰਦੇ ਹਨ। ਮੈਂ ਜੰਗਬੰਦੀ ਦੇਖਣਾ ਚਾਹੁੰਦਾ ਹਾਂ। ਮੈਂ ਇਸ ਜੰਗਬੰਦੀ ਸਮਝੌਤੇ ਨੂੰ ਪੂਰਾ ਕਰਨਾ ਚਾਹੁੰਦਾ ਹਾਂ।
ਟਰੰਪ ਨੇ ਕਿਹਾ ਕਿ ਇਸ ਦਾ ਅਮਰੀਕਾ 'ਤੇ ਜ਼ਿਆਦਾ ਅਸਰ ਨਹੀਂ ਪੈਂਦਾ ਕਿਉਂਕਿ ਇਹ ਟਕਰਾਅ ਸਮੁੰਦਰ ਦੇ ਦੂਜੇ ਪਾਸੇ ਦੋਵਾਂ ਦੇਸ਼ਾਂ ਵਿਚਾਲੇ ਹੋ ਰਿਹਾ ਹੈ। ਇਹ ਯੂਰਪ ਨੂੰ ਪ੍ਰਭਾਵਿਤ ਕਰਦਾ ਹੈ। ਅਸੀਂ ਬਹੁਤ ਜ਼ਿਆਦਾ ਪੈਸਾ ਲਗਾਇਆ ਹੈ। ਅਸੀਂ 300 ਬਿਲੀਅਨ ਡਾਲਰ ਲਈ ਤਿਆਰ ਹਾਂ ਅਤੇ ਉਹ (ਯੂਰਪ) 100 ਬਿਲੀਅਨ ਡਾਲਰ ਲਈ ਤਿਆਰ ਹਨ।
ਰੂਸ ਅਤੇ ਯੂਕਰੇਨ ਜੰਗ 'ਤੇ ਟਰੰਪ ਨੇ ਕਿਹਾ, 'ਜੋ ਬਿਡੇਨ ਨੇ ਉਨ੍ਹਾਂ ਨੂੰ ਸਿਰਫ਼ ਪੈਸਾ ਦਿੱਤਾ, ਕੋਈ ਕਰਜ਼ਾ ਜਾਂ ਸੁਰੱਖਿਆ ਨਹੀਂ ਸੀ। ਸਾਨੂੰ ਸੁਰੱਖਿਆ ਪ੍ਰਾਪਤ ਕਰਨ ਲਈ ਇਕ ਸਮਝੌਤੇ 'ਤੇ ਦਸਤਖ਼ਤ ਕਰਨੇ ਪੈਣਗੇ। ਅਸੀਂ ਆਪਣਾ ਖਜ਼ਾਨਾ ਇੱਕ ਅਜਿਹੇ ਦੇਸ਼ 'ਤੇ ਖਰਚ ਕਰ ਰਹੇ ਹਾਂ ਜੋ ਦੂਰ ਹੈ। ਸਾਡੇ ਨਾਲ ਉਸੇ ਤਰ੍ਹਾਂ ਦਾ ਸਲੂਕ ਕੀਤਾ ਜਾਣਾ ਚਾਹੀਦਾ ਹੈ ਜਿਵੇਂ ਯੂਰਪ ਨਾਲ ਕੀਤਾ ਜਾ ਰਿਹਾ ਹੈ। ਸਾਨੂੰ ਬਿਡੇਨ ਨੂੰ ਕਦੇ ਵੀ ਇਸ ਗੜਬੜ ਵਿੱਚ ਨਹੀਂ ਪਾਉਣਾ ਚਾਹੀਦਾ ਸੀ।
ਇਸ ਦੇ ਨਾਲ ਹੀ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਕਿਹਾ, 'ਅਸੀਂ ਜਲਦੀ ਹੀ ਪਰਸਪਰ ਟੈਰਿਫ਼ ਲਗਾਵਾਂਗੇ। ਉਹ ਸਾਡੇ ਤੋਂ ਚਾਰਜ ਕਰਨਗੇ, ਅਸੀਂ ਉਨ੍ਹਾਂ ਨੂੰ ਚਾਰਜ ਕਰਾਂਗੇ। ਕੋਈ ਵੀ ਕੰਪਨੀ ਜਾਂ ਦੇਸ਼, ਜਿਵੇਂ ਕਿ ਭਾਰਤ ਜਾਂ ਚੀਨ, ਜੋ ਵੀ ਟੈਰਿਫ਼ ਲਗਾਉਂਦਾ ਹੈ, ਅਸੀਂ ਨਿਰਪੱਖ ਹੋਣਾ ਚਾਹੁੰਦੇ ਹਾਂ। ਇਸ ਲਈ ਆਪਸੀ ਚਾਰਜ ਲਗਾਉਣਾ ਚਾਹੁੰਦੇ ਹਨ। ਅਸੀਂ ਅਜਿਹਾ ਕਦੇ ਨਹੀਂ ਕੀਤਾ। ਅਸੀਂ ਅਜਿਹਾ ਕਰਨ ਦੀ ਤਿਆਰੀ ਕਰ ਰਹੇ ਸੀ, ਪਰ ਉਦੋਂ ਕੋਵਿਡ ਆ ਗਿਆ।
