ਦੱਖਣੀ ਸੁਡਾਨ ਦੇ ਜ਼ਿਆਦਾਤਰ ਸਕੂਲ ਲੋਹੇ ਦੀਆਂ ਚਾਦਰਾਂ ਤੋਂ ਬਣੇ ਅਸਥਾਈ ਢਾਂਚੇ ਹਨ , ਬਿਜਲੀ ਵੀ ਨਹੀਂ
ਦੱਖਣੀ ਸੁਡਾਨ: ਦਖਣੀ ਸੂਡਾਨ ’ਚ ਗਰਮੀ ਕਾਰਨ ਵਿਦਿਆਰਥੀਆਂ ਦੇ ਬੇਹੋਸ਼ ਹੋਣ ਦੀਆਂ ਘਟਨਾਵਾਂ ਮਗਰੋਂ ਵੀਰਵਾਰ ਨੂੰ ਸਾਰੇ ਸਕੂਲ ਦੋ ਹਫ਼ਤਿਆਂ ਲਈ ਬੰਦ ਕਰ ਦਿਤੇ ਗਏ। ਜਲਵਾਯੂ ਤਬਦੀਲੀ ਕਾਰਨ ਬਰਸਾਤ ਦੇ ਮੌਸਮ ਦੌਰਾਨ ਦੇਸ਼ ਨੂੰ ਹੜ੍ਹਾਂ ਅਤੇ ਹੋਰ ਗੁੰਝਲਦਾਰ ਸਥਿਤੀਆਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਇਹ ਦੂਜੀ ਵਾਰ ਹੈ ਜਦੋਂ ਦੇਸ਼ ਨੇ ਫ਼ਰਵਰੀ ਅਤੇ ਮਾਰਚ ’ਚ ਲੂ ਕਾਰਨ ਸਕੂਲ ਬੰਦ ਕੀਤੇ ਹਨ।
ਦੇਸ਼ ਦੇ ਉਪ ਸਿੱਖਿਆ ਮੰਤਰੀ ਮਾਰਟਿਨ ਟਾਕੋ ਮੋਈ ਨੇ ਕਿਹਾ ਕਿ ਜੁਬਾ ਸ਼ਹਿਰ ਵਿਚ ਹਰ ਰੋਜ਼ ਔਸਤਨ 12 ਵਿਦਿਆਰਥੀ ਬੇਹੋਸ਼ ਹੋ ਰਹੇ ਹਨ। ਦਖਣੀ ਸੂਡਾਨ ਦੇ ਜ਼ਿਆਦਾਤਰ ਸਕੂਲ ਲੋਹੇ ਦੀਆਂ ਚਾਦਰਾਂ ਤੋਂ ਬਣੇ ਅਸਥਾਈ ਢਾਂਚੇ ਹਨ ਅਤੇ ਉਨ੍ਹਾਂ ਕੋਲ ਬਿਜਲੀ ਨਹੀਂ ਹੈ।
ਵਾਤਾਵਰਣ ਮੰਤਰੀ ਜੋਸਫੀਨ ਨੇਪੋਨ ਕੌਸਮੋਸ ਨੇ ਲੋਕਾਂ ਨੂੰ ਘਰਾਂ ਦੇ ਅੰਦਰ ਰਹਿਣ ਅਤੇ ਪਾਣੀ ਪੀਣਾ ਜਾਰੀ ਰੱਖਣ ਦੀ ਅਪੀਲ ਕੀਤੀ ਹੈ ਕਿਉਂਕਿ ਤਾਪਮਾਨ 42 ਡਿਗਰੀ ਸੈਲਸੀਅਸ ਤਕ ਵਧਣ ਦੀ ਸੰਭਾਵਨਾ ਹੈ। ਸਿੱਖਿਆ ਮੁਲਾਜ਼ਮਾਂ ਨੇ ਸਰਕਾਰ ਨੂੰ ਅਪੀਲ ਕੀਤੀ ਹੈ ਕਿ ਉਹ ਸਕੂਲ ਕੈਲੰਡਰ ’ਚ ਸੋਧ ਕਰਨ ’ਤੇ ਵਿਚਾਰ ਕਰੇ ਤਾਂ ਜੋ ਫ਼ਰਵਰੀ ’ਚ ਸਕੂਲ ਬੰਦ ਹੋ ਜਾਣ ਅਤੇ ਤਾਪਮਾਨ ਘਟਣ ’ਤੇ ਅਪ੍ਰੈਲ ’ਚ ਦੁਬਾਰਾ ਖੋਲ੍ਹੇ ਜਾ ਸਕਣ।
