ਅਮਰੀਕੀ ਕੇਂਦਰੀ ਬੈਂਕ ਫ਼ੈਡਰਲ ਰਿਜਰਵ ਦੀ ਨੀਤੀਗਤ ਮੀਟਿੰਗ ਤੋਂ ਪਹਿਲਾਂ ਹੀ ਰੁਪਇਆ ਹੋਰ ਹੇਠਾਂ ਨੂੰ ਆ ਗਿਆ । ਸ਼ੁਰੂਆਤੀ ਕਾਰੋਬਾਰ ਵਿਚ.......
ਮੁੰਬਈ, 23 ਮਈ: ਅਮਰੀਕੀ ਕੇਂਦਰੀ ਬੈਂਕ ਫ਼ੈਡਰਲ ਰਿਜਰਵ ਬੈਂਕ ਦੀ ਨੀਤੀਗਤ ਮੀਟਿੰਗ ਤੋਂ ਪਹਿਲਾਂ ਹੀ ਰੁਪਇਆ ਹੋਰ ਹੇਠਾਂ ਨੂੰ ਆ ਗਿਆ । ਸ਼ੁਰੂਆਤੀ ਕਾਰੋਬਾਰ ਵਿਚ ਹੀ ਡਾਲਰ ਦੇ ਮੁਕਾਬਲੇ 25 ਪੈਸੇ ਖਿਸਕ ਕੇ ਮਹੀਨੇ ਦੇ ਸੱਭ ਤੋਂ ਹੇਠਲੇ ਪੱਧਰ 'ਤੇ ਆ ਗਿਆ । ਰੁਪਏ ਦਾ ਮੁੱਲ 68.29 ਰੁਪਏ ਪ੍ਤੀ ਡਾਲਰ ਰਿਹਾ ।
ਮਾਹਰਾਂ ਅਨੁਸਾਰ ਰੁਪਏ ਦੇ ਹੇਠਾਂ ਖਿਸਕਣ ਦੇ ਕਈ ਕਾਰਨ ਹਨ । ਉਨਾਂ ਦਾ ਮੰਨਣਾ ਹੈ ਕਿ ਲਗਾਤਾਰ ਪੂੰਜੀ ਦੀ ਨਿਕਾਸੀ ਕਾਰਨ ਹੀ ਹੋਰ ਵਿਦੇਸ਼ੀ ਮੁਦਰਾਵਾਂ ਦੇ ਮੁਕਾਬਲੇ ਡਾਲਰ ਵਿਚ ਵਾਧਾ ਤੇ ਰੁਪਏ ਵਿਚ ਗਿਰਾਵਟ ਦਰਜ ਕੀਤੀ ਗਈ ।
ਇਸ ਦਾ ਇਕ ਕਾਰਨ ਇਹ ਵੀ ਮੰਨਿਆ ਜਾ ਰਿਹਾ ਹੈ ਕਿ ਘਰੇਲੂ ਸ਼ੇਅਰ ਬਾਜ਼ਾਰ ਵਿਚ ਸ਼ੁਰੂਆਤੀ ਦੌਰ 'ਚ ਮੰਦੀ ਰਹੀ ਤੇ ਨਿਰਯਾਤਕਾਂ ਨੇ ਮੁੱਖ ਤੌਰ 'ਤੇ ਅਮਰੀਕੀ ਮੁਦਰਾ ਦੀ ਮੰਗ ਕਾਰਨ ਰੁਪਏ 'ਤੇ ਦਬਾਅ ਵਧ ਗਿਆ ਤੇ ਰੁਪਇਆ 25 ਪੈਸੇ ਘਟ ਕੇ ਹੇਠਲੇ ਪੱਧਰ 'ਤੇ ਪਹੁੰਚ ਗਿਆ ।