ਨਿਊਜ਼ੀਲੈਂਡ ਵਿਚ ਲਗਦਾ ਹੈ ਕਰੋਨਾ ਮੁੜ ਪਰਤ ਰਿਹਾ ਹੈ ਅਤੇ ਰੋਜ਼ਾਨਾ ਔਸਤਨ 2 ਦੀ ਗਿਣਤੀ ਵਧਣ ਲੱਗੀ ਹੈ।
ਔਕਲੈਂਡ 22 ਜੂਨ (ਹਰਜਿੰਦਰ ਸਿੰਘ ਬਸਿਆਲਾ) : ਨਿਊਜ਼ੀਲੈਂਡ ਵਿਚ ਲਗਦਾ ਹੈ ਕਰੋਨਾ ਮੁੜ ਪਰਤ ਰਿਹਾ ਹੈ ਅਤੇ ਰੋਜ਼ਾਨਾ ਔਸਤਨ 2 ਦੀ ਗਿਣਤੀ ਵਧਣ ਲੱਗੀ ਹੈ। ਅੱਜ ਸਿਹਤ ਮੰਤਰਾਲੇ ਨੇ ਦਸਿਆ ਕਿ ਹੁਣ ਦੇਸ਼ ਵਿਚ 2 ਹੋਰ ਨਵੇਂ ਮਾਮਲੇ ਸ਼ਾਮਲ ਹੋ ਗਏ ਹਨ ਜਿਸ ਤੋਂ ਬਾਅਦ ਕੁੱਲ ਐਕਟਿਵ ਮਾਮਲਿਆਂ ਦੀ ਗਿਣਤੀ 9 ਹੋ ਗਈ ਹੈ। ਇਹ ਦੋਵੇਂ ਮਾਮਲੇ ਮੈਨੇਡ ਆਈਸੋਲੇਸ਼ਨ ਹੋਟਲਾਂ ਤੋਂ ਸਾਹਮਣੇ ਆਏ ਹਨ।
File Photo
ਇਨ੍ਹਾਂ ਵਿਚ ਇਕ ਨੌਜਵਾਨ ਮਹਿਲਾ ਹੈ ਜੋ ਪਾਕਿਸਤਾਨ ਤੋਂ 13 ਜੂਨ ਨੂੰ ਪਰਤੀ ਹੈ ਅਤੇ ਦੂਜਾ 30 ਸਾਲਾ ਭਾਰਤੀ ਪੁਰਸ਼ ਹੈ ਜੋ 15 ਜੂਨ ਨੂੰ ਇਥੇ ਆਇਆ ਸੀ। ਇਸ ਪੁਰਸ਼ ਨੇ ਅਪਣੇ ਭੈਣਾਂ-ਭਰਾਵਾਂ ਤੇ ਮਾਂ ਨਾਲ ਯਾਤਰਾ ਕੀਤੀ ਹੈ ਪਰ ਬਾਕੀ ਦੇ ਨੈਗੇਟਿਵ ਪਾਏ ਗਏ। ਐਤਵਾਰ ਨੂੰ ਕੁੱਲ 3402 ਟੈਸਟ ਪੂਰੇ ਕੀਤੇ ਗਏ ਸਨ। ਦੇਸ਼ ਭਰ ਵਿਚ ਮੈਨੇਜਡ ਆਈਸੋਲੇਸ਼ਨ ਸੁਵਿਧਾਵਾਂ ’ਤੇ 500 ਤੋਂ ਵੱਧ ਟੈਸਟ ਕੀਤੇ ਗਏ। ਦੇਸ਼ ਭਰ ਵਿਚ ਹੁਣ ਤਕ ਮੁਕੰਮਲ ਹੋਏ ਟੈਸਟਾਂ ਦੀ ਗਿਣਤੀ 3,44,519 ਹੋ ਗਈ ਹੈ।ਇਕ ਮਹੱਤਵਪੂਰਨ ਕਲੱਸਟਰ ਸੈਂਟਰ ਮਾਰਗ੍ਰੇਟ ਹਾਲੇ ਖੁਲ੍ਹਾ ਹੈ।
ਕੁੱਲ ਮਿਲਾ ਕੇ ਦੇਸ਼ ਭਰ ਵਿਚ 1513 ਮਾਮਲਿਆਂ ਦੀ ਪੁਸ਼ਟੀ ਕੀਤੀ ਗਈ ਹੈ, ਜਦੋਂਕਿ ਕੋਵਿਡ-19 ਤੋਂ 1482 ਲੋਕ ਠੀਕ ਹੋਏ ਹਨ। ਦੇਸ਼ ਵਿਚ ਮੌਤਾਂ ਦੀ ਗਿਣਤੀ 22 ਹੀ ਹੈ। ਜ਼ਿਕਰਯੋਗ ਹੈ ਕਿ ਹੁਣ ਤਕ ਦੇ ਸਾਰੇ ਨਵੇਂ ਮਾਮਲੇ ਵਿਦੇਸ਼ੀ ਯਾਤਰੀਆਂ ਨਾਲ ਜੁੜੇ ਹੋਏ ਹਨ। ਬਲੂਮਫੀਲਡ ਨੇ ਕਿਹਾ ਕਿ ਹਾਲੇ ਹੋਰ ਮਾਮਲਿਆਂ ਦੀ ਉਮੀਦ ਕੀਤੀ ਜਾ ਸਕਦੀ ਹੈ ਕਿਉਂਕਿ ਕੀਵੀਜ਼ ਵਿਦੇਸ਼ਾਂ ਤੋਂ ਘਰ ਵਾਪਸ ਪਰਤ ਰਹੇ ਹਨ ਪਰ ਇਸ ਵੇਲੇ ਕੋਈ ਵੀ ਹਸਪਤਾਲ ਵਿਚ ਨਹÄ ਹੈ ਸਾਰੇ ਪਾਜ਼ੇਟਿਵ ਮਰੀਜ਼ਾਂ ਨੂੰ ਕੁਆਰਨਟੀਨ ਸਹੂਲਤ ’ਚ ਤਬਦੀਲ ਕਰ ਦਿਤਾ ਗਿਆ
