ਬਰਤਾਨੀਆਈ ਸੰਸਦ ਦੇ ਬਾਹਰ ਪੰਜਾਬ ਤੋਂ ਆਏ ਸਿੱਖ ਵਿਅਕਤੀ ਰਵਨੀਤ ਸਿੰਘ ਦੀ ਦਸਤਾਰ ਉਤਾਰਨ ਦੀ ਕੋਸ਼ਿਸ਼ ਕਰਨ ਦੇ ਨਾਲ-ਨਾਲ 'ਮੁਸਲਿਮ ਗੋ ਬੈਕ' ਦੇ
ਲੰਡਨ : ਬਰਤਾਨੀਆਈ ਸੰਸਦ ਦੇ ਬਾਹਰ ਪੰਜਾਬ ਤੋਂ ਆਏ ਸਿੱਖ ਵਿਅਕਤੀ ਰਵਨੀਤ ਸਿੰਘ ਦੀ ਦਸਤਾਰ ਉਤਾਰਨ ਦੀ ਕੋਸ਼ਿਸ਼ ਕਰਨ ਦੇ ਨਾਲ-ਨਾਲ 'ਮੁਸਲਿਮ ਗੋ ਬੈਕ' ਦੇ ਨਾਅਰੇ ਲਾਉਣ ਵਾਲੇ ਸ਼ੱਕੀ ਵਿਅਕਤੀ ਦੀ ਪੁਲਿਸ ਨੇ ਤਸਵੀਰ ਜਾਰੀ ਕੀਤੀ ਹੈ।
Britain Sikh Turban issue suspicious pictures Release
ਜਾਣਕਾਰੀ ਅਨੁਸਾਰ ਕਿਹਾ ਜਾ ਰਿਹਾ ਹੈ ਕਿ 37 ਸਾਲਾ ਸਿੱਖ ਵਿਅਕਤੀ ਰਵਨੀਤ ਸਿੰਘ ਆਪਣੇ ਸਾਥੀ ਨਾਲ ਜਦੋਂ ਸੰਸਦ ਵਿਚ ਸਿੱਖ ਸੰਸਦ ਮੈਂਬਰ ਤਨਮਨਜੀਤ ਸਿੰਘ ਢੇਸੀ ਨੂੰ ਮਿਲਣ ਲਈ 21 ਫਰਵਰੀ ਸ਼ਾਮ 5: 22 ਮਿੰਟ 'ਤੇ ਸੰਸਦ ਵਿਚ ਦਾਖ਼ਲ ਹੋਣ ਲਈ ਲਾਈਨ ਵਿਚ ਖੜ੍ਹੇ ਸਨ ਤਾਂ ਇਕ ਵਿਅਕਤੀ ਨੇ ਨਸਲੀ ਟਿੱਪਣੀ ਕਰਦਿਆਂ ਜਿਥੇ 'ਮੁਸਲਿਮ ਗੋ ਬੈਕ' ਦੇ ਨਾਅਰੇ ਲਗਾਏ, ਉਥੇ ਹੀ ਉਸ ਨੇ ਰਵਨੀਤ ਸਿੰਘ ਦੀ ਦਸਤਾਰ ਉਤਾਰਨ ਦੀ ਵੀ ਕੋਸ਼ਿਸ਼ ਕੀਤੀ।
Britain Sikh Turban issue suspicious pictures Release
ਭਾਵੇਂ ਕਿ ਰਵਨੀਤ ਸਿੰਘ ਨੇ ਦਸਤਾਰ ਤਾਂ ਨਹੀਂ ਉਤਰਨ ਦਿਤੀ ਪਰ ਉਹ ਵਿਅਕਤੀ ਨਸਲੀ ਟਿੱਪਣੀਆਂ ਕਰਦਾ ਹੋਇਆ ਉਥੋਂ ਚਲਾ ਗਿਆ। ਜਿਸ ਦੀ ਭਾਲ ਲਈ ਵੈਸਟਮੈਨਸਟਰ ਸੇਫਟੀ ਯੂਨਿਟ ਜਾਂਚ ਵਿਭਾਗ ਵਲੋਂ ਉਸ ਦੀ ਸੀ.ਸੀ.ਟੀ.ਵੀ. ਤਸਵੀਰ ਜਾਰੀ ਕੀਤੀ ਗਈ ਹੈ ਅਤੇ ਲੋਕਾਂ ਨੂੰ ਅਪੀਲ ਕੀਤੀ ਗਈ ਹੈ ਕਿ ਉਹ ਇਸ ਵਿਅਕਤੀ ਨੂੰ ਫੜਨ ਵਿਚ ਉਸ ਦੀ ਮਦਦ ਕਰਨ।
