ਵਾਸ਼ਿੰਗਟਨ : ਅਮਰੀਕਾ ਨੇ ਜੇਨੇਵਾ ਵਿਖੇ ਸੰਯੁਕਤ ਰਾਸ਼ਟਰ ਦੀ ਮਨੁੱਖੀ ਅਧਿਕਾਰ ਪ੍ਰੀਸ਼ਦ ਵਲੋਂ ਇਜ਼ਰਾਈਲ ਵਿਰੁਧ ਪੰਜ ਨਿੰਦਾ ਪ੍ਰਸਤਾਵ ਪਾਸ ਕੀਤੇ ਜਾਣ ਤੋਂ ਬਾਅਦ
ਵਾਸ਼ਿੰਗਟਨ : ਅਮਰੀਕਾ ਨੇ ਜੇਨੇਵਾ ਵਿਖੇ ਸੰਯੁਕਤ ਰਾਸ਼ਟਰ ਦੀ ਮਨੁੱਖੀ ਅਧਿਕਾਰ ਪ੍ਰੀਸ਼ਦ ਵਲੋਂ ਇਜ਼ਰਾਈਲ ਵਿਰੁਧ ਪੰਜ ਨਿੰਦਾ ਪ੍ਰਸਤਾਵ ਪਾਸ ਕੀਤੇ ਜਾਣ ਤੋਂ ਬਾਅਦ ਕਿਹਾ ਹੈ ਕਿ ਉਸ ਦਾ ਧੀਰਜ ਹੁਣ ਖ਼ਤਮ ਹੁੰਦਾ ਜਾ ਰਿਹਾ ਹੈ। ਅਮਰੀਕਾ ਨੇ ਧਮਕੀ ਦਿਤੀ ਹੈ ਕਿ ਉਹ ਅਜਿਹੇ ਪ੍ਰਸਤਾਵਾਂ ਤੋਂ ਬਾਅਦ ਮਨੁੱਖੀ ਅਧਿਕਾਰ ਪ੍ਰੀਸ਼ਦ ਨੂੰ ਛੱਡ ਦੇਵੇਗਾ।
USA threatens leave United Nations Human Rights Council
ਅਮਰੀਕੀ ਰਾਜਦੂਤ ਨਿੱਕੀ ਹੇਲੀ ਨੇ ਇਕ ਬਿਆਨ ਵਿਚ ਕਿਹਾ ਕਿ ਇਜ਼ਰਾਈਲ ਵਿਰੁਧ ਪ੍ਰੀਸ਼ਦ ਦਾ ਰਵਈਆ ਇਕਤਰਫ਼ਾ ਰਿਹਾ ਹੈ ਜਦਕਿ ਇਸ ਸੰਗਠਨ ਨੇ ਉੱਤਰ ਕੋਰੀਆ, ਇਰਾਨ ਅਤੇ ਸੀਰੀਆ ਵਿਰੁਧ ਸਿਰਫ਼ ਤਿੰਨ ਮਤੇ ਹੀ ਪਾਸ ਕੀਤੇ ਹਨ। ਉਨ੍ਹਾਂ ਕਿਹਾ ਕਿ ਸਾਡਾ ਧੀਰਜ ਵੀ ਅਸੀਮਤ ਹੈ। ਅੱਜ ਦੇ ਮਤਿਆਂ ਤੋਂ ਬਾਅਦ ਇਹ ਸਾਫ਼ ਹੋ ਗਿਆ ਹੈ ਕਿ ਇਹ ਸੰਗਠਨ ਅਪਣੀ ਹੋਂਦ ਖੋ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਇਸ ਸੰਗਠਨ ਨੂੰ ਮਾਨਵ ਅਧਿਕਾਰਾਂ ਦਾ ਸੱਚਾ ਹਮਾਇਤੀ ਹੋਣਾ ਚਾਹੀਦਾ ਹੈ ਜਦੋਂਕਿ ਇਹ ਇਕ ਪੱਖੀ ਹੋਣ ਲੱਗ ਪਿਆ ਹੈ।
USA threatens leave United Nations Human Rights Council
ਦਸਣਯੋਗ ਹੈ ਕਿ ਅਮਰੀਕਾ ਪਿਛਲੇ ਸਾਲ ਤੋਂ ਹੀ ਲਗਾਤਾਰ 47 ਮੈਂਬਰੀ ਇਸ ਪ੍ਰੀਸ਼ਦ ਤੋਂ ਹਟਣ ਦੀ ਧਮਕੀ ਦਿੰਦਾ ਆ ਰਿਹਾ ਹੈ ਕਿਉਂਕਿ ਹੁਣ ਮਨੁੱਖੀ ਅਧਿਕਾਰ ਪ੍ਰੀਸ਼ਦ ਵਿਚ ਅਮਰੀਕਾ ਦੀ ਬਹੁਤੀ ਪੁੱਛ ਪ੍ਰਤੀਤ ਨਹੀਂ ਰਹੀ। ਇਹ ਵੀ ਦੱਸ ਦਈਏ ਕਿ 2006 ਵਿਚ ਮਨੁੱਖੀ ਅਧਿਕਾਰਾਂ ਦੀ ਰੱਖਿਆ ਲਈ ਇਸ ਪ੍ਰੀਸ਼ਦ ਦੀ ਸਥਾਪਨਾ ਹੋਈ ਸੀ।
USA threatens leave United Nations Human Rights Council
ਦਰਅਸਲ ਅਮਰੀਕਾ ਇਸ ਕਰ ਕੇ ਖ਼ਫ਼ਾ ਹੈ ਕਿਉਂਕਿ ਪਿਛਲੇ ਦਿਨੀਂ ਇਸ ਪ੍ਰੀਸ਼ਦ ਵਿਚ ਸ਼ਾਮਲ ਇਸਲਾਮਿਕ ਸਹਿਯੋਗ ਸੰਗਠਨ ਦੇ ਮੈਂਬਰ ਦੇਸ਼ਾਂ ਨੇ ਪ੍ਰੀਸ਼ਦ ਦੇ 7 ਅਜਿਹੇ ਏਜੰਡੇ ਪਾਸ ਕਰ ਦਿਤੇ ਸਨ, ਜਿਨ੍ਹਾਂ ਦਾ ਇਜ਼ਰਾਈਲ 'ਤੇ ਮਾੜਾ ਅਸਰ ਪੈਣ ਵਾਲਾ ਹੈ। ਅਸੀਂ ਜਾਣਦੇ ਹਾਂ ਕਿ ਅਮਰੀਕਾ ਇਜ਼ਰਾਈਲ ਦਾ ਸੱਭ ਤੋਂ ਨੇੜਲਾ ਦੋਸਤ ਹੈ।
