ਭਾਰਤੀ ਰਾਜਦੂਤ ਗੌਤਮ ਬੰਬਾਵਲੇ ਨੇ ਚੀਨ ਨੂੰ ਸਪੱਸ਼ਟ ਸ਼ਬਦਾਂ ਆਖਿਆ ਹੈ ਕਿ ਬੀਜਿੰਗ ਵਿਚ ਜੇਕਰ ਭਾਰਤੀ ਸਰਹੱਦ 'ਤੇ ਯਥਾਸਥਿਤੀ ਵਿਚ ਬਦਲਾਅ ਕਰਨ ਦੀ
ਬੀਜਿੰਗ : ਭਾਰਤੀ ਰਾਜਦੂਤ ਗੌਤਮ ਬੰਬਾਵਲੇ ਨੇ ਚੀਨ ਨੂੰ ਸਪੱਸ਼ਟ ਸ਼ਬਦਾਂ ਆਖਿਆ ਹੈ ਕਿ ਬੀਜਿੰਗ ਵਿਚ ਜੇਕਰ ਭਾਰਤੀ ਸਰਹੱਦ 'ਤੇ ਯਥਾਸਥਿਤੀ ਵਿਚ ਬਦਲਾਅ ਕਰਨ ਦੀ ਫਿਰ ਕੋਈ ਕੋਸ਼ਿਸ਼ ਕੀਤੀ ਗਈ ਤਾਂ ਉਸ ਦਾ ਨਤੀਜਾ ਵੀ ਡੋਕਲਾਮ ਦੀ ਤਣਾਤਣੀ ਵਰਗਾ ਹੀ ਹੋਵੇਗਾ। ਦਸ ਦਈਏ ਕਿ ਚੀਨੀ ਫ਼ੌਜ ਨੇ ਡੋਕਲਾਮ ਵਿਚ ਯਥਾਸਥਿਤੀ ਵਿਚ ਬਦਲਾਅ ਕਰਨ ਦੀ ਕੋਸ਼ਿਸ਼ ਕੀਤੀ ਸੀ, ਇਸ ਲਈ ਭਾਰਤ ਨੂੰ ਪ੍ਰਤੀਕਿਰਿਆ ਜ਼ਾਹਿਰ ਕਰਨੀ ਪਈ ਸੀ।
India warns China do not try Change status quo on Border
ਹਾਂਗਕਾਂਗ ਸਥਿਤ 'ਸਾਊਥ ਚਾਈਨਾ ਮਾਰਨਿੰਗ ਪੋਸਟ' ਨੂੰ ਦਿਤੇ ਇਕ ਬਿਆਨ ਵਿਚ ਬੰਬਾਵਲੇ ਨੇ ਕਿਹਾ ਕਿ ਭਾਰਤ ਅਤੇ ਚੀਨ ਦੇ ਵਿਚਕਾਰ ਬਿਨਾ ਨਿਸ਼ਾਨਦੇਹੀ ਵਾਲੀ ਸਰਹੱਦ ਦੋਵੇਂ ਦੇਸ਼ਾਂ ਵਿਚਕਾਰ ਗੰਭੀਰ ਮਸਲਾ ਹੈ। ਇਸ ਕਰ ਕੇ ਦੋਵੇਂ ਹੀ ਦੇਸ਼ਾਂ ਨੂੰ ਸਰਹੱਦਾਂ ਦੀ ਨਿਸ਼ਾਨਦੇਹੀ ਜਲਦ ਤੋਂ ਜਲਦ ਤੈਅ ਕਰਨ ਦੀ ਲੋੜ ਹੈ। ਉਨ੍ਹਾਂ ਆਖਿਆ ਕਿ ਕੁੱਝ ਖੇਤਰ ਅਤੇ ਕੁੱਝ ਸੈਕਟਰ (ਭਾਰਤ ਅਤੇ ਚੀਨ ਸਰਹੱਦ 'ਤੇ) ਅਜਿਹੇ ਹਨ ਜੋ ਬੇਹੱਦ ਸੰਵੇਦਨਸ਼ੀਲ ਹਨ ਅਤੇ ਸ਼ਾਂਤੀ ਬਣਾਏ ਰੱਖਣ ਲਈ ਉਥੇ ਯਥਾਸਥਿਤੀ ਵਿਚ ਬਦਲਾਅ ਨਹੀਂ ਕੀਤਾ ਜਾਣਾ ਚਾਹੀਦਾ।
India warns China do not try Change status quo on Border
ਭਾਰਤੀ ਰਾਜਦੂਤ ਨੇ ਕਿਹਾ ਕਿ ਡੋਕਲਾਮ ਵਰਗੀਆਂ ਘਟਨਾਵਾਂ ਤੋਂ ਬਚਣ ਦਾ ਸਭ ਤੋਂ ਸਹੀ ਤਰੀਕਾ ਸਪੱਸ਼ਟ ਅਤੇ ਖ਼ਰੀ-ਖ਼ਰੀ ਗੱਲਬਾਤ ਹੈ। ਜਦੋਂ ਡੋਕਲਾਮ ਵਰਗੀਆਂ ਘਟਨਾਵਾਂ ਹੁੰਦੀਆਂ ਹਨ ਤਾਂ ਇਸ ਦਾ ਮਤਲਬ ਹੈ ਕਿ ਆਪਸੀ ਗੱਲਬਾਤ ਵਿਚ ਅਸੀਂ ਇਕ ਦੂਜੇ ਦੇ ਨਾਲ ਸਪੱਸ਼ਟਵਾਦੀ ਨਹੀਂ ਹਾਂ। ਇਸ ਲਈ ਦੋਵੇਂ ਦੇਸ਼ਾਂ ਨੂੰ ਸਾਫ਼-ਸਾਫ਼ ਗੱਲ ਕਰਨ ਦਾ ਪੱਧਰ ਵਧਾਉਣਾ ਹੋਵੇਗਾ।
India warns China do not try Change status quo on Border
ਉਨ੍ਹਾਂ ਆਖਿਆ ਕਿ ਜੇਕਰ ਚੀਨ ਦੀ ਫ਼ੌਜ ਨੇ ਉਥੇ ਸੜਕ ਬਣਾਉਣੀ ਸੀ ਤਾਂ ਉਨ੍ਹਾਂ ਨੂੰ ਪਹਿਲਾਂ ਸਾਨੂੰ ਦਸਣਾ ਚਾਹੀਦਾ ਸੀ ਕਿ ਉਹ ਉਥੇ ਸੜਕ ਬਣਾਉਣਾ ਚਾਹੁੰਦੇ ਹਨ। ਜੇਕਰ ਅਸੀਂ ਸਹਿਮਤ ਨਾ ਹੁੰਦੇ ਤਾਂ ਅਸੀਂ ਉਨ੍ਹਾਂ ਨੂੰ ਦਸਦੇ ਕਿ ਤੁਸੀਂ ਯਥਾਸਥਿਤੀ ਵਿਚ ਬਦਲਾਅ ਕਰ ਰਹੇ ਹੋ। ਕ੍ਰਿਪਾ ਕਰਕੇ ਅਜਿਹਾ ਨਾ ਕਰੋ ਕਿਉਂਕਿ ਇਹ ਸੰਵੇਦਨਸ਼ੀਲ ਖੇਤਰ ਹੈ।
India warns China do not try Change status quo on Border
ਬੰਬਾਵਲੇ ਨੇ ਕਿਹਾ ਕਿ ਚਾਈਨਾ ਪਾਕਿਸਤਾਨ ਇਕੋਨਾਮਿਕ ਕਾਰੀਡੋਰ ਦਾ ਭਾਰਤ ਵਿਰੋਧ ਕਰਦਾ ਰਹੇਗਾ ਪਰ 'ਬੈਲਟ ਐਂਡ ਰੋਡ ਇਨੀਸ਼ਿਏਟਿਵ' 'ਤੇ ਮਤਭੇਦਾਂ ਨੂੰ ਉਹ ਚੀਨ ਦੇ ਨਾਲ ਵਿਵਾਦ ਦਾ ਰੂਪ ਨਹੀਂ ਲੈਣ ਦੇਵੇਗਾ। ਅਮਰੀਕਾ, ਜਪਾਨ ਅਤੇ ਆਸਟ੍ਰੇਲੀਆ ਦੇ ਨਾਲ ਬਲਾਕ ਵਿਚ ਭਾਰਤ ਦੇ ਸ਼ਾਮਲ ਹੋਣ ਸਬੰਧੀ ਖ਼ਬਰਾਂ 'ਤੇ ਬੰਬਾਵਲੇ ਨੇ ਜ਼ਿਆਦਾ ਗੱਲਬਾਤ ਨਹੀਂ ਕੀਤੀ।
India warns China do not try Change status quo on Border
ਗੌਤਮ ਬੰਬਾਵਲੇ ਨੇ ਦਸਿਆ ਕਿ 9-10 ਜੂਨ ਨੂੰ ਹੋਣ ਵਾਲੇ ਸ਼ੰਘਾਈ ਕੋਆਪਰੇਸ਼ਨ ਆਰਗੇਨਾਈਜੇਸ਼ (ਐਸਸੀਓ) ਸੰਮੇਲਨ ਵਿਚ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਵੀ ਹਿੱਸਾ ਲੈਣਗੇ। ਇਸ ਦੌਰਾਨ ਉਨ੍ਹਾਂ ਦੀ ਚੀਨੀ ਰਾਸ਼ਟਰਪਤੀ ਸ਼ੀ ਜਿਨਪਿੰਗ ਨਾਲ ਦੁਵੱਲੀ ਗੱਲਬਾਤ ਵੀ ਹੋਵੇਗੀ।
