ਭੂ ਮੱਧ ਸਾਗਰ ਵਿਚ ਵੱਡੇ ਪੈਮਾਨੇ ਉੱਤੇ ਚਲਾਏ ਗਏ ਬਚਾਉ ਅਭਿਆਨਾਂ ਵਿਚ ਕਰੀਬ 1500 ਪ੍ਰਵਾਸੀਆਂ ਨੂੰ ਬਚਾਇਆ ਗਿਆ.........
ਰੋਮ , 26 ਮਈ (ਏਜੰਸੀ) ਭੂ ਮੱਧ ਸਾਗਰ ਵਿਚ ਵੱਡੇ ਪੈਮਾਨੇ ਉੱਤੇ ਚਲਾਏ ਗਏ ਬਚਾਉ ਅਭਿਆਨਾਂ ਵਿਚ ਕਰੀਬ 1500 ਪ੍ਰਵਾਸੀਆਂ ਨੂੰ ਬਚਾਇਆ ਗਿਆ| ਇਨ੍ਹਾਂ ਅਭਿਆਨਾਂ ਵਿਚ ਇਤਾਲਵੀ ਨੌਸੈਨਾ ਅਤੇ ਗੈਰ ਸਰਕਾਰੀ ਸੰਗਠਨ ਅਤੇ ਯੂਰਪੀ ਸੰਘ ਦੀ ਸੀਮਾ ਏਜੰਸੀ ਫਰੋਂਟੇਕਸ ਦੇ ਜਹਾਜ਼ ਸ਼ਾਮਿਲ ਸਨ| ਇਤਾਲਵੀ ਤਟ ਰਖਿਅਕ ਨੇ ਇਹ ਜਾਣਕਾਰੀ ਦਿਤੀ| ਕੇਵਲ ਅੱਜ ਚਲਾਏ ਗਏ ਸੱਤ ਅਭਿਆਨਾਂ ਵਿਚ ਹੀ ਉਨ੍ਹਾਂ 1050 ਲੋਕਾਂ ਨੂੰ ਬਚਾਇਆ ਗਿਆ ਜੋ ਯੂਰਪ ਵਿਚ ਜਾਣ ਦੀ ਕੋਸ਼ਿਸ਼ ਕਰ ਰਹੇ ਸਨ| ਇਨ੍ਹਾਂ ਅਭਿਆਨਾਂ ਦਾ ਸੰਚਾਲਨ ਇਤਾਲਵੀ ਤਟ ਰਖਿਅਕ ਨੇ ਕੀਤਾ ਸੀ|
Mediterranean Seaਜਰਮਨ ਗੈਰ ਸਰਕਾਰੀ ਸੰਗਠਨ ‘ਸੀ-ਵਾਚ ਅਤੇ ਸੀ-ਆਈ’ ਨੇ ਕਿਹਾ ਕਿ ਕੱਲ ਬਚਾਏ ਗਏ ਲਗਭਗ 450 ਲੋਕਾਂ ਵਿਚੋਂ ਅੱਧੇ ਲੋਕਾਂ ਨੂੰ ਉਨ੍ਹਾਂ ਨੇ ਤਿੰਨ ਕਿਸ਼ਤੀਆਂ ਤੋਂ ਬਚਾਇਆ, ਜਿਸ ਵਿਚ ਸਮਰੱਥਾ ਤੋਂ ਕਾਫ਼ੀ ਜ਼ਿਆਦਾ ਲੋਕ ਸਵਾਰ ਸਨ| ਕੱਲ ਇਤਾਲਵੀ ਨੌਸੈਨਾ ਦੇ ਇਕ ਜਹਾਜ਼ ਨੇ 69 ਪ੍ਰਵਾਸੀਆਂ ਨੂੰ ਬਚਾਇਆ, ਜਦੋਂ ਕਿ ਫਰੋਂਟੇਕਸ ਦੇ ਤਸਕਰ-ਰੋਧੀ ਟਰਾਇਟਨ ਆਪਰੇਸ਼ਨ ਵਿਚ ਸ਼ਾਮਿਲ ਪੁਰਤਗਾਲੀ ਨੌਸੇਨਾ ਦੇ ਇਕ ਜਹਾਜ਼ ਨੇ 296 ਅਤੇ ਲੋਕਾਂ ਨੂੰ ਬਚਾਇਆ| ਇੰਟਰਨੈਸ਼ਨਲ ਆਰਗੇਨਾਇਜੇਸ਼ਨ ਫਾਰ ਮਾਇਗਰੇਸ਼ਨ (ਆਈਓਐਮ) ਨੇ ਦੱਸਿਆ ਕਿ ਇਸ ਸਾਲ ਦੀ ਸ਼ੁਰੁਆਤ ਤੋਂ ਇਟਲੀ ਵਿਚ ਹੁਣ ਤੱਕ 10800 ਪਰਵਾਸੀ ਪਹੁੰਚ ਚੁੱਕੇ ਹਨ|
