Pakistan Weather News: ਜੈਕੋਬਾਬਾਦ ਬਣਿਆ ਦੇਸ਼ ਦਾ ਸਭ ਤੋਂ ਗਰਮ ਇਲਾਕਾ
Pakistan Weather News in punjabi : ਸੂਰਜ ਅਸਮਾਨ ਤੋਂ ਲਗਾਤਾਰ ਅੱਗ ਵਰ ਰਿਹਾ ਹੈ। ਹਾਲਾਤ ਇਹ ਹਨ ਕਿ ਹੁਣ ਲੋਕ ਦਿਨ ਵੇਲੇ ਸੜਕਾਂ 'ਤੇ ਨਿਕਲਣ ਤੋਂ ਗੁਰੇਜ਼ ਕਰ ਰਹੇ ਹਨ। ਭਾਰਤ ਵਿੱਚ ਲੋਕ ਗਰਮੀ ਤੋਂ ਪ੍ਰੇਸ਼ਾਨ ਹਨ। ਗਰਮੀ ਨੇ ਪਾਕਿਸਤਾਨ ਵਿੱਚ ਵੀ ਸਾਰੇ ਰਿਕਾਰਡ ਤੋੜ ਦਿੱਤੇ ਹਨ। ਪਾਕਿਸਤਾਨ ਦੇ ਜੈਕੋਬਾਬਾਦ 'ਚ ਸ਼ਨੀਵਾਰ ਨੂੰ ਪਾਰਾ 51 ਡਿਗਰੀ ਸੈਲਸੀਅਸ ਤੱਕ ਪਹੁੰਚ ਗਿਆ। ਮਾਹਿਰਾਂ ਦਾ ਕਹਿਣਾ ਹੈ ਕਿ ਇਹ 2022 ਦਾ ਦੁਨੀਆ ਭਰ ਦਾ ਸਭ ਤੋਂ ਗਰਮ ਤਾਪਮਾਨ ਹੋਵੇਗਾ। ਇਹ ਆਸਟ੍ਰੇਲੀਆ ਵਿੱਚ ਦਰਜ ਕੀਤੇ ਗਏ 50.7 ਡਿਗਰੀ ਸੈਲਸੀਅਸ ਤੋਂ ਵੱਧ ਸੀ।
ਇਹ ਵੀ ਪੜ੍ਹੋ: Jalandhar News : ਜਲੰਧਰ ਪਠਾਨਕੋਟ ਨੈਸ਼ਨਲ ਹਾਈਵੇ 'ਤੇ ਪਲਟਿਆ ਤੇਲ ਨਾਲ ਭਰਿਆ ਟੈਂਕਰ, ਸੜਕ ਤੇ ਹੋਇਆ ਤੇਲ ਹੀ ਤੇਲ
ਗਰਮੀ ਵਧਣ ਨਾਲ ਫਸਲਾਂ ਦੇ ਝਾੜ 'ਚ ਕਮੀ ਆ ਸਕਦੀ ਹੈ, ਪਾਕਿਸਤਾਨੀ ਪੰਜਾਬ ਸੂਬੇ ਦੇ ਸਿੰਚਾਈ ਬੁਲਾਰੇ ਅਦਨਾਨ ਹਸਨ ਨੇ ਦੱਸਿਆ ਕਿ ਇਸ ਸਾਲ ਮੀਂਹ ਅਤੇ ਬਰਫਬਾਰੀ ਹੋਈ ਹੈ, ਜਿਸ ਕਾਰਨ ਸਿੰਧੂ ਨਦੀ 'ਚ ਪਾਣੀ 65 ਫੀਸਦੀ ਤੱਕ ਘੱਟ ਗਿਆ ਹੈ। ਪੰਜਾਬ ਦੇ ਚੋਲਿਸਤਾਨ ਵਿੱਚ ਅੱਤ ਦੀ ਗਰਮੀ ਕਾਰਨ ਭੇਡਾਂ ਵੀ ਮਰ ਰਹੀਆਂ ਹਨ। ਇਹ ਖੇਤਰ ਪਾਕਿਸਤਾਨ ਨੂੰ ਸਭ ਤੋਂ ਵੱਧ ਕਣਕ ਪ੍ਰਦਾਨ ਕਰਦਾ ਹੈ ਪਰ ਇਸ ਸਾਲ ਗਰਮੀ ਕਾਰਨ ਫ਼ਸਲ ਦਾ ਝਾੜ ਘਟਣ ਦਾ ਵੀ ਡਰ ਹੈ।
ਇਹ ਵੀ ਪੜ੍ਹੋ: Arvind Kejriwal: ਪੰਜਾਬੀਆਂ ਨੇ ਦੇਸ਼ ਲਈ ਕੁਰਬਾਨੀਆਂ ਦਿਤੀਆਂ, ਇਸ ਵਾਰ ਸਾਰੇ ਪੰਜਾਬੀ 1 ਜੂਨ ਨੂੰ ਇਕ ਵਾਰ ਫਿਰ ਯੋਗਦਾਨ ਪਾਉਣਗੇ-ਕੇਜਰੀਵਾਲ
ਪਾਕਿਸਤਾਨ ਦੇ ਮੌਸਮ ਵਿਭਾਗ ਮੁਤਾਬਕ ਮਈ ਦੇ ਸੀਜ਼ਨ ਲਈ ਤਾਪਮਾਨ ਔਸਤ ਤੋਂ ਕਾਫੀ ਜ਼ਿਆਦਾ ਸੀ। ਮਈ ਵਿੱਚ ਜੈਕੋਬਾਬਾਦ ਵਿੱਚ ਔਸਤ ਤਾਪਮਾਨ 43.8 °C ਹੁੰਦਾ ਹੈ। ਪਾਕਿਸਤਾਨ ਦੇ ਕਰਾਚੀ ਸ਼ਹਿਰ ਵਿੱਚ ਵੀ ਸ਼ਨੀਵਾਰ ਨੂੰ ਪਿਛਲੇ ਦਹਾਕੇ ਦਾ ਸਭ ਤੋਂ ਗਰਮ ਦਿਨ ਦਰਜ ਕੀਤਾ ਗਿਆ। ਪਾਕਿਸਤਾਨ ਦੇ ਮੌਸਮ ਵਿਭਾਗ ਮੁਤਾਬਕ ਸ਼ਨੀਵਾਰ ਨੂੰ ਕਰਾਚੀ 'ਚ ਤਾਪਮਾਨ 42.8 ਡਿਗਰੀ ਸੈਲਸੀਅਸ ਤੱਕ ਪਹੁੰਚ ਗਿਆ।
ਤਾਜ਼ਾ ਅਪਡੇਟਸ ਲਈ ਸਾਡੇ Whatsapp Broadcast Channel ਨਾਲ ਜੁੜੋ।
(For more Punjabi news apart from Tanker full of oil overturned on Jalandhar Pathankot National Highway News, stay tuned to Rozana Spokesman)
