ਪ੍ਰਸ਼ਾਸਨ ਦਾ ਕਹਿਣਾ ਹੈ ਕਿ ਇਹ ਵਿਸਫੋਟ ਜਾਣਬੁੱਝ ਕੇ ਕੀਤਾ ਗਿਆ ਹੈ। ਐਫਬੀਆਈ ਮਾਮਲੇ ਦੀ ਜਾਂਚ ਕਰ ਰਿਹਾ ਹੈ

ਨੇਸ਼ਿਵਲ(US)- ਅਮਰੀਕਾ ਦੇ ਨੇਸ਼ਿਵਲ ਸਹਿਰ ਦੇ ਘੱਟ ਚਹਿਲ-ਪਹਿਲ ਵਾਲੇ ਖੇਤਰ 'ਚ ਕ੍ਰਿਸਮਿਸ 'ਤੇ ਇਕ ਵਿਸਫੋਟ ਹੋਇਆ ਹੈ। ਇਸ ਵਿਸਫੋਟ ਨਾਲ ਆਸਪਾਸ ਦੇ ਭਵਨਾਂ ਦੀਆਂ ਖਿੜਕੀਆਂ ਦੇ ਸ਼ੀਸ਼ੇ ਟੁੱਟ ਗਏ ਤੇ ਹੋਰ ਨੁਕਸਾਨ ਦੇ ਨਾਲ-ਨਾਲ ਤਿੰਨ ਜਣੇ ਜ਼ਖ਼ਮੀ ਹੋਏ ਹਨ। ਪ੍ਰਸ਼ਾਸਨ ਦਾ ਕਹਿਣਾ ਹੈ ਕਿ ਇਹ ਵਿਸਫੋਟ ਜਾਣਬੁੱਝ ਕੇ ਕੀਤਾ ਗਿਆ ਹੈ। ਐਫਬੀਆਈ ਮਾਮਲੇ ਦੀ ਜਾਂਚ ਕਰ ਰਿਹਾ ਹੈ। ਏਰੋਨ ਨੇ ਕਿਹਾ ਕਿ ਤਿੰਨ ਲੋਕ ਜ਼ਖਮੀ ਹੋਏ ਹਨ, ਉਨ੍ਹਾਂ ਨੂੰ ਹਸਪਤਾਲ ਦਾਖਲ ਕਰਵਾਇਆ ਗਿਆ ਹੈ। ਕਿਸੇ ਦੀ ਵੀ ਹਾਲਤ ਗੰਭੀਰ ਨਹੀਂ ਹੈ।

ਪੁਲਿਸ ਬੁਲਾਰੇ ਡੌਨ ਏਰੋਨ ਨੇ ਸ਼ੁੱਕਰਵਾਰ ਸਵੇਰ ਸਾਢੇ ਛੇ ਵਜੇ ਵਿਸਫੋਟ ਹੋਇਆ ਤੇ ਕਿਸੇ ਵੱਲੋਂ ਜਾਣਬੁੱਝ ਕੇ ਇਹ ਧਮਾਕਾ ਕੀਤਾ ਗਿਆ ਲੱਗਦਾ ਹੈ। ਉਨ੍ਹਾਂ ਕਿਹਾ ਕਿ ਪੁਲਿਸ ਦਾ ਪਹਿਲਾਂ ਮੰਨਣਾ ਸੀ ਕਿ ਵਿਸਫੋਟ 'ਚ ਕੋਈ ਵਾਹਨ ਸ਼ਾਮਲ ਹੈ। ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਦੇ ਮੁਤਾਬਿਕ ਬਿਊਰੋ ਆਫ ਅਲਕੋਹਲ, ਟੋਬੈਕੋ, ਫਾਇਰਆਰਮਸ ਐਂਡ ਐਕਸਪਲੋਸਿਵ ਦੇ ਜਾਂਚਕਰਤਾ ਵੀ ਘਟਨਾ ਸਥਾਨ 'ਤੇ ਹਨ। ਘਟਨਾ ਸਥਾਨ 'ਤੇ ਅੱਗ ਦੀਆਂ ਲਪਟਾਂ ਤੇ ਕਾਲਾ ਧੂੰਆਂ ਉੱਠਦਾ ਦੇਖਿਆ ਗਿਆ। ਇੱਥੇ ਸੈਲਾਨੀਆਂ ਦੀ ਭੀੜ ਰਹਿੰਦੀ ਹੈ ਤੇ ਰੈਸਟੋਰੈਂਟਾਂ ਸਮੇਤ ਕਈ ਹੋਰ ਦੁਕਾਨਾਂ ਹਨ।

ਨੈਸ਼ਵਿਲ ਦੇ ਮੇਅਰ ਨੇ ਲੋਕਾਂ ਨੂੰ ਘਟਨਾ ਸਥਾਨ ਤੋਂ ਦੂਰ ਰਹਿਣ ਦੀ ਅਪੀਲ ਕੀਤੀ। ਉਸੇ ਸਮੇਂ, ਨੈਸ਼ਵਿਲ ਦੇ ਇਕ ਵਸਨੀਕ ਨੇ ਕਿਹਾ ਕਿ ਸਾਰੇ ਥਾਂ-ਥਾਂ ਦਰੱਖਤ ਡਿੱਗ ਪਏ ਹਨ ਅਤੇ ਸ਼ੀਸ਼ੇ ਟੁੱਟਣ ਨਾਲ ਖਿੜਕੀਆਂ ਖਿੜ ਗਈਆਂ।