ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਈ ਵੀਡੀਓ
ਇੰਡੋਨੇਸ਼ੀਆ- ਮਨੁੱਖ ਆਪਣੇ ਨਿੱਜੀ ਹਿੱਤਾਂ ਲਈ ਲਗਾਤਾਰ ਜੰਗਲਾਂ ਦਾ ਵਿਨਾਸ਼ ਕਰਨ 'ਤੇ ਤੁਲਿਆ ਹੋਇਆ ਹੈ। ਜਿਸ ਕਾਰਨ ਜਿੱਥੇ ਗਲੋਬਲ ਵਾਰਮਿੰਗ ਵਿਚ ਵਾਧਾ ਹੋ ਰਿਹਾ ਹੈ। ਉਥੇ ਹੀ ਜੰਗਲੀ ਜਾਨਵਰਾਂ ਦੇ ਰੈਣ ਬਸੇਰੇ ਵੀ ਉੱਜੜ ਰਹੇ ਹਨ ਪਰ ਵਿਚਾਰੇ ਜਾਨਵਰਾਂ ਦਾ ਵੱਸ ਨਹੀਂ ਚਲਦਾ ਕਿ ਉਹ ਜੰਗਲਾਂ ਦਾ ਉਜਾੜਾ ਕਰ ਰਹੇ ਮਨੁੱਖ ਨੂੰ ਕਿਵੇਂ ਰੋਕਣ ਪਰ ਇਸ ਨਾਲ ਸਬੰਧਤ ਇਕ ਵੀਡੀਓ ਸਾਹਮਣੇ ਆਇਆ ਹੈ।
Animal Stop The Deforestation
ਜਿਸ ਵਿਚ ਇਕ ਰੰਗੂਟਨ ਜੰਗਲਾਂ ਦਾ ਉਜਾੜਾ ਕਰ ਰਹੇ ਮੁਲਾਜ਼ਮਾਂ ਨੂੰ ਰੋਕਣ ਦੀ ਕੋਸ਼ਿਸ਼ ਕਰਦਾ ਨਜ਼ਰ ਆਉਂਦਾ ਹੈ। ਇਸ ਵੀਡੀਓ ਨੂੰ ਦੇਖ ਕੇ ਅੰਦਾਜ਼ਾ ਲਗਾਇਆ ਜਾ ਸਕਦਾ ਹੈ ਕਿ ਆਪਣੇ ਰੈਣ ਬਸੇਰਿਆਂ ਨੂੰ ਤਬਾਹ ਹੁੰਦਾ ਦੇਖ ਜਾਨਵਰਾਂ ਵਿਚ ਵੀ ਕਿੰਨਾ ਰੋਸ ਭਰਿਆ ਹੋਇਆ ਹੈ। ਇਹ ਦਿਲ ਦਹਿਲਾਉਣ ਵਾਲੀ ਵੀਡੀਓ ਇੰਡੋਨੇਸ਼ੀਆ ਦੇ ਸੁੰਗਈ ਪੁਰਤੀ ਜੰਗਲ ਦੀ ਹੈ। ਜਿੱਥੇ ਪੂਰੇ ਜੰਗਲ ਨੂੰ ਤਬਾਹ ਕੀਤਾ ਜਾ ਰਿਹਾ ਹੈ।
Forest
ਵੀਡੀਓ ਵਿਚ ਸਾਫ਼ ਦਿਖਾਈ ਦੇ ਰਿਹਾ ਹੈ ਕਿ ਕਿਸ ਤਰ੍ਹਾਂ ਰੰਗੂਟਨ ਕਦੇ ਮਸ਼ੀਨ ਦੇ ਪੰਜੇ ਨੂੰ ਰੋਕਣ ਦੀ ਕੋਸ਼ਿਸ਼ ਕਰਦਾ ਹੈ ਕਦੇ ਡਰਾਈਵਰ ਵੱਲ ਭੱਜਦਾ ਹੈ ਪਰ ਉਸ ਦਾ ਕੋਈ ਵੱਸ ਨਹੀਂ ਚੱਲ ਰਿਹਾ। ਇਡੋਨੇਸ਼ੀਆ ਵਿਚ ਵੱਡੀ ਗਿਣਤੀ ਵਿਚ ਰੰਗੂਨਟ ਪਾਏ ਜਾਂਦੇ ਹਨ ਪਰ ਜੰਗਲਾਂ ਦੀ ਕਟਾਈ ਕਾਰਨ ਇੰਡੋਨੇਸ਼ੀਆ ਵਿਚ ਪਿਛਲੇ ਕਈ ਦਹਾਕਆਿਂ ਤੋਂ ਰੰਗੂਟਨ ਦੇ ਰੈਣ ਬਸੇਰੇ ਉਜੜ ਰਹੇ ਹਨ। ਜਿਸ ਕਾਰਨ ਜਾਨਵਰਾਂ ਲਈ ਜੰਗਲ ਕਾਫ਼ੀ ਘੱਟ ਬਚੇ ਹਨ ਪਰ ਇਸ ਦੇ ਬਾਵਜੂਦ ਮਨੁੱਖ ਦੀ ਇਹ ਕਾਰਵਾਈ ਜਾਰੀ ਹੈ ਜੋ ਜਾਨਵਰਾਂ ਲਈ ਵੱਡਾ ਦੁਖਾਂਤ ਬਣੀ ਹੋਈ ਹੈ।
