ਅਮਰੀਕਾ ਦੇ ਇਕ ਪ੍ਰਭਾਵਸ਼ਾਲੀ ਸਾਂਸਦ ਨੇ ਕਿਹਾ ਹੈ ਕਿ ਪੂਰਬੀ ਲੱਦਾਖ਼ 'ਚ ਹਾਲ ਹੀ ਵਿਚ ਚੀਨ ਦੀ ਸਰਗਰਮੀ ਗੁਆਂਢੀਆਂ.........
ਵਾਸ਼ਿੰਗਟਨ: ਅਮਰੀਕਾ ਦੇ ਇਕ ਪ੍ਰਭਾਵਸ਼ਾਲੀ ਸਾਂਸਦ ਨੇ ਕਿਹਾ ਹੈ ਕਿ ਪੂਰਬੀ ਲੱਦਾਖ਼ 'ਚ ਹਾਲ ਹੀ ਵਿਚ ਚੀਨ ਦੀ ਸਰਗਰਮੀ ਗੁਆਂਢੀਆਂ ਵਿਰੁਧ ਉਸ ਦੀ ਵੱਡੇ ਪੱਧਰ 'ਤੇ ਫ਼ੌਜ ਨੂੰ ਉਕਸਾਉਣ ਵਾਲੀ ਕਾਰਵਾਈ ਦਾ ਹਿੱਸਾ ਹੈ ਅਤੇ ਅਮਰੀਕਾ ਸ਼ਾਂਤ ਦੇਸ਼ਾਂ ਨੂੰ ਧਮਕਾਏ ਜਾਣ ਦੀ ਚੀਨ ਦੀ ਯੋਜਨਾਬੱਧ ਫ਼ੌਜੀ ਕਾਰਵਾਈ ਨੂੰ ਬਰਦਾਸ਼ਤ ਨਹੀਂ ਕਰੇਗਾ।
china and india
ਕਾਂਗਰਸ ਮੈਂਬਰ ਟੇਡ ਯੋਹੋ ਨੇ ਕਿਹਾ ਕਿ ਹੁਣ ਦੁਨੀਆ ਲਈ ਇਕਜੁੱਟ ਹੋਣ ਅਤੇ ਚੀਨ ਨੂੰ ਇਹ ਦਸੱਣ ਦਾ ਸਮਾਂ ਆ ਗਿਆ ਹੈ ਕਿ ਬੱਸ ਹੁਣ ਬਹੁਤ ਹੋਇਆ। ਯੋਹੋ ਨੇ ਸ਼ੁਕਰਵਾਰ ਨੂੰ ਕਿਹਾ, ''ਭਾਰਤ ਪ੍ਰਤੀ ਚੀਨ ਦੀ ਕਾਰਵਾਈ ਚੀਨ ਦੀ ਕਮਿਊਨਿਸ਼ਟ ਪਾਰਟੀ ਦੇ ਵੱਡੇ ਰੁਝਾਨ ਦੇ ਅਨੁਕੂਲ ਹੈ ਕਿ ਖੇਤਰ 'ਚ ਅਪਣੇ ਗੁਆਢੀਆਂ ਵਿਰੁਧ ਵੱਡੇ ਪੱਧਰ 'ਤੇ ਫ਼ੌਜ ਦੀ ਸਰਗਰਮੀ ਸ਼ੁਰੂ ਕਰਨ ਲਈ ਕੋਵਿਡ-19 ਗਲੋਬਲ ਮਹਾਂਮਾਰੀ ਦਾ ਸਹਾਰਾ ਲਿਆ।''
Xi Jinping
ਰਿਪਬਲਿਕਨ ਸਾਂਸਦ ਨੇ ਟਵੀਟ ਕੀਤਾ ਕਿ ਅਮਰੀਕਾ ਸ਼ਾਂਤ ਦੇਸ਼ਾਂ ਨੂੰ ਡਰਾਉਣ-ਧਮਕਾਉਣ ਦੀ ਪਹਿਲਾਂ ਤੋਂ ਬਣਾਈ ਯੋਜਨਾਬੱਧ ਫ਼ੌਜੀ ਕਾਰਵਾਈ ਦਾ ਸਾਥ ਨਹੀਂ ਦੇਵੇਗਾ। ਇਸ ਤੋਂ ਪਹਿਲਾਂ ਪ੍ਰਤੀਨਿਧੀ ਸਭਾ 'ਚ ਸੱਭ ਤੋਂ ਲੰਮੇ ਸਮੇਂ ਤਕ ਭਾਰਤੀ-ਅਮਰੀਕੀ ਸਾਂਸਤ ਰਹੇ ਡਾ. ਏਮੀ ਬੇਰਾ ਨੇ ਭਾਰਤ ਨਾਲ ਸਰਹੱਦ 'ਤੇ ਚੀਨ ਦੀ ਹਿੰਸਾ ਨੂੰ ਲੈ ਕੇ ਚਿੰਤਾ ਪ੍ਰਗਟਾਈ ਸੀ।
Donald Trump
ਉਨ੍ਹਾਂ ਨੇ ਟਵੀਟ ਕੀਤਾ, ''ਮੈਂ ਸਰਹੱਦੀ ਮੁੱਦਿਆਂ ਨੂੰ ਹੱਲ ਕਰਨ ਲਈ ਤਾਕਤ ਦੇ ਜਗ੍ਹਾ ਤਣਾਅ ਨੂੰ ਘੱਟ ਕਰਨ ਲਈ ਭਾਰਤ ਨਾਲ ਕੂਟਨੀਤਕ ਤੰਤਰ ਦਾ ਇਸਤੇਮਾਲ ਕਰਨ ਲਈ ਚੀਨ ਨੂੰ ਪ੍ਰੇਰਿਤ ਕਰਦਾ ਹਾਂ।'' ਏਸ਼ੀਆ ਮਾਮਲਿਆਂ ਦੀ ਸਦਨ ਦੀ ਵਿਦੇਸ਼ ਮਾਮਲਿਆਂ ਦੀ ਉਪ ਕੇਮਟੀ ਦੇ ਪ੍ਰਧਾਨ ਬੇਰਾ ਨੇ ਕਿਹਾ ਕਿ ਉਹ ਭਾਰਤ ਨਾਲ ਸਰਹੱਦ 'ਤੇ ਚੀਨ ਦੀ ਵੱਧ ਰਹੀ ਸਰਗਰਮੀ ਨੂੰ ਲੈ ਕੇ ਚਿੰਤਤ ਹਨ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ
