ਅਪ੍ਰੈਲ 'ਚ ਹੀ ਹੋਵੇਗਾ ਛਾਂਟੀ ਦਾ ਦੂਜਾ ਦੌਰ
ਵਾਲਟ ਡਿਜ਼ਨੀ ਵਿਖੇ ਛਾਂਟੀ ਸ਼ੁਰੂ ਹੋ ਗਈ ਹੈ । ਇਸ ਸਾਲ ਦੇ ਸ਼ੁਰੂ ਵਿੱਚ, ਇਸ ਨੇ 7000 ਕਰਮਚਾਰੀਆਂ ਦੀ ਛਾਂਟੀ ਦਾ ਐਲਾਨ ਕੀਤਾ ਸੀ। ਵਾਲਟ ਡਿਜ਼ਨੀ ਦੇ ਚੀਫ ਐਗਜ਼ੀਕਿਊਟਿਵ ਬੌਬ ਇਗਰ ਦੇ ਅਨੁਸਾਰ, ਕੰਪਨੀ ਨੇ ਇਹ ਫ਼ੈਸਲਾ ਲਾਗਤਾਂ ਨੂੰ ਕੰਟਰੋਲ ਕਰਨ ਅਤੇ ਇੱਕ ਹੋਰ ਸੁਚਾਰੂ ਕਾਰੋਬਾਰ ਬਣਾਉਣ ਲਈ ਲਿਆ ਹੈ।
ਇਹ ਛਾਂਟੀ ਕੰਪਨੀ ਦੇ ਕੁਝ ਮਹੱਤਵਪੂਰਨ ਡਿਵੀਜ਼ਨਾਂ ਜਿਵੇਂ ਕਿ ਡਿਜ਼ਨੀ ਐਂਟਰਟੇਨਮੈਂਟ, ਡਿਜ਼ਨੀ ਪਾਰਕਸ, ਅਨੁਭਵ ਅਤੇ ਉਤਪਾਦ ਅਤੇ ਕਾਰਪੋਰੇਟ ਨੂੰ ਪ੍ਰਭਾਵਿਤ ਕਰੇਗੀ। ਸੋਮਵਾਰ ਤੋਂ ਕੰਪਨੀ ਵਿੱਚ ਛਾਂਟੀ ਸ਼ੁਰੂ ਹੋ ਗਈ ਹੈ ਅਤੇ ਇਸ ਦਾ ਅਜੇ ਤੱਕ ESPN 'ਤੇ ਕੋਈ ਅਸਰ ਨਹੀਂ ਪਿਆ ਹੈ, ਪਰ ਅਗਲੇ ਦੌਰ ਵਿੱਚ ਛਾਂਟੀ ਦੀ ਸੰਭਾਵਨਾ ਤੋਂ ਇਨਕਾਰ ਨਹੀਂ ਕੀਤਾ ਜਾ ਸਕਦਾ ਹੈ।
ਇਹ ਵੀ ਪੜ੍ਹੋ: WHO ਨੇ ਬਦਲੀਆਂ ਕੋਵਿਡ-19 ਵੈਕਸੀਨ ਦੀਆਂ ਸਿਫ਼ਾਰਸ਼ਾਂ
ਕੰਪਨੀ ਦੇ ਮੁੱਖ ਕਾਰਜਕਾਰੀ ਅਨੁਸਾਰ ਅਗਲੇ ਚਾਰ ਦਿਨਾਂ ਵਿੱਚ ਉਨ੍ਹਾਂ ਸਾਰੇ ਕਰਮਚਾਰੀਆਂ ਨੂੰ ਸੂਚਨਾ ਭੇਜੀ ਜਾ ਰਹੀ ਹੈ, ਜਿਨ੍ਹਾਂ ਦੀ ਛਾਂਟੀ ਕੀਤੀ ਜਾਣੀ ਹੈ। ਹੁਣ ਇਸ ਤੋਂ ਬਾਅਦ ਛਾਂਟੀ ਦਾ ਦੂਜਾ ਦੌਰ ਅਪ੍ਰੈਲ ਵਿਚ ਹੀ ਹੋਵੇਗਾ। ਦੂਜੇ ਦੌਰ ਦੀ ਛਾਂਟੀ ਪਹਿਲੇ ਨਾਲੋਂ ਵੱਡੀ ਹੋਵੇਗੀ, ਜਿਸਦਾ ਮਤਲਬ ਹੈ ਕਿ ਹੋਰ ਕਰਮਚਾਰੀਆਂ ਦੀ ਛਾਂਟੀ ਕੀਤੀ ਜਾਵੇਗੀ।
ਕੰਪਨੀ ਨੇ ਇਹ ਖ਼ੁਲਾਸਾ ਨਹੀਂ ਕੀਤਾ ਹੈ ਕਿ ਛਾਂਟੀ ਕਦੋਂ ਹੋਵੇਗੀ, ਪਰ ਮੀਡੀਆ ਰਿਪੋਰਟਾਂ ਵਿਚ ਸੂਤਰਾਂ ਦੇ ਹਵਾਲੇ ਤੋਂ ਕਿਹਾ ਜਾ ਰਿਹਾ ਹੈ ਕਿ ਇਹ 3 ਅਪ੍ਰੈਲ ਨੂੰ ਸ਼ੇਅਰਧਾਰਕਾਂ ਦੀ ਕੰਪਨੀ ਦੀ ਸਾਲਾਨਾ ਮੀਟਿੰਗ ਤੋਂ ਪਹਿਲਾਂ ਹੋ ਸਕਦਾ ਹੈ। ਕਰਮਚਾਰੀਆਂ ਨੂੰ ਲਿਖੇ ਪੱਤਰ ਵਿੱਚ, ਬੌਬ ਇਗਰ ਨੇ ਲਿਖਿਆ ਕਿ ਛਾਂਟੀ ਦਾ ਅੰਤਮ ਦੌਰ ਗਰਮੀਆਂ ਦੀ ਸ਼ੁਰੂਆਤ ਤੋਂ ਪਹਿਲਾਂ ਸ਼ੁਰੂ ਹੋ ਜਾਵੇਗਾ।
ਡਿਜ਼ਨੀ ਨੇ ਫਰਵਰੀ ਵਿੱਚ 7,000 ਕਰਮਚਾਰੀਆਂ ਦੀ ਛਾਂਟੀ ਦਾ ਐਲਾਨ ਕੀਤਾ ਸੀ। ਕੰਪਨੀ ਨੇ 550 ਮਿਲੀਅਨ ਡਾਲਰ (45.2 ਹਜ਼ਾਰ ਕਰੋੜ ਰੁਪਏ) ਦੀ ਲਾਗਤ ਬਚਾਉਣ ਅਤੇ ਸਟ੍ਰੀਮਿੰਗ ਕਾਰੋਬਾਰ ਨੂੰ ਲਾਭਦਾਇਕ ਬਣਾਉਣ ਲਈ ਇਹ ਫੈਸਲਾ ਲਿਆ ਹੈ। ਮਨੋਰੰਜਨ ਉਦਯੋਗ ਇਸ ਸਮੇਂ ਡੂੰਘੇ ਸੰਕਟ ਵਿੱਚੋਂ ਗੁਜ਼ਰ ਰਿਹਾ ਹੈ।
ਇਹ ਸਿਰਫ ਡਿਜ਼ਨੀ ਨਾਲ ਹੀ ਨਹੀਂ, ਨੈੱਟਫਲਿਕਸ ਨਾਲ ਵੀ ਹੋ ਰਿਹਾ ਹੈ। ਪਿਛਲੇ ਸਾਲ 2022 ਵਿੱਚ, Netflix ਨੂੰ ਦਸ ਸਾਲਾਂ ਵਿੱਚ ਪਹਿਲੀ ਵਾਰ ਨੁਕਸਾਨ ਹੋਇਆ ਸੀ। ਵਾਲ ਸਟਰੀਟ ਨੇ ਗਾਹਕਾਂ ਦੇ ਵਾਧੇ ਨਾਲੋਂ ਮੁਨਾਫੇ ਨੂੰ ਤਰਜੀਹ ਦੇਣਾ ਸ਼ੁਰੂ ਕਰ ਦਿੱਤਾ, ਜਿਸ ਨਾਲ ਵੀਡੀਓ ਸਟ੍ਰੀਮਿੰਗ ਕੰਪਨੀਆਂ ਦੀਆਂ ਮੁਸ਼ਕਲਾਂ ਵਧ ਗਈਆਂ।
