ਦੱਖਣ ਅਫਰੀਕਾ ਵਿਚ ਕਾਰ ਅਗਵਾ ਕਰਨ ਦੇ ਮਾਮਲੇ ਵਿਚ ਭਾਰਤੀ ਮੂਲ ਦੀ ਲੜਕੀ ਦੀ ਹੱਤਿਆ
ਜੋਹਾਨਸਬਰਗ, 29 ਮਈ, ਦੱਖਣ ਅਫਰੀਕਾ ਵਿਚ ਕਾਰ ਲੁੱਟਣ ਦੀ ਘਟਨਾ ਦੌਰਾਨ ਭਾਰਤੀ ਮੂਲ ਦੀ ਨੌਂ ਸਾਲ ਦੀ ਬੱਚੀ ਦੀ ਹੋਈ ਹੱਤਿਆ ਦੇ ਵਿਰੋਧ ਵਿਚ ਡਰਬਨ ਦੇ ਲੋਕਾਂ ਨੇ ਰੋਸ ਪ੍ਰਦਰਸ਼ਨ ਕੀਤਾ। ਚੈਟਸਵਰਥ ਦੀ ਚੌਥੀ ਜਮਾਤ ਦੀ ਵਿਦਿਆਰਥਣ ਸਾਦਿਆ ਸੁਖਰਾਜ ਆਪਣੇ ਪਿਤਾ ਦੇ ਨਾਲ ਕਾਰ ਵਿਚ ਸਕੂਲ ਜਾ ਰਹੀ ਸੀ। ਉਸੀ ਸਮੇਂ ਤਿੰਨ ਹਥਿਆਰਬੰਦ ਲੋਕਾਂ ਨੇ ਉਨ੍ਹਾਂ ਦਾ ਪਿੱਛਾ ਕੀਤਾ ਅਤੇ ਬੱਚੀ ਸਮੇਤ ਕਾਰ ਲੈ ਕੇ ਫਰਾਰ ਹੋ ਗਏ। ਬਦਮਾਸ਼ਾਂ ਨੇ ਕੁੜੀ ਦੇ ਪਿਤਾ ਨੂੰ ਕਾਰ ਤੋਂ ਬਾਹਰ ਧੱਕਾ ਦੇ ਕਿ ਗਿਰਾ ਦਿੱਤਾ।
Crime Sceneਪਿੱਛਾ ਕੀਤੇ ਜਾਣ ਦੇ ਦੌਰਾਨ ਬਦਮਾਸ਼ਾਂ ਅਤੇ ਲੜਕੀ ਦੇ ਪਿਤਾ ਵੱਲੋਂ ਇੱਕ-ਦੂਜੇ ਉੱਤੇ ਗੋਲੀਬਾਰੀ ਕੀਤੀ ਗਈ। ਇਸ ਗੋਲੀਬਾਰੀ ਕਾਰਨ ਲੁਟੇਰਿਆਂ ਦੀ ਕਾਰ ਇੱਕ ਪਾਰਕ ਦੇ ਨੇੜੇ ਟਕਰਾਅ ਕਿ ਹਾਦਸਾਗ੍ਰਸਤ ਹੋ ਗਈ। ਗੋਲੀ ਲੱਗਣ ਕਾਰਨ ਲੜਕੀ ਗੰਭੀਰ ਰੂਪ ਵਿਚ ਜਖ਼ਮੀ ਹਾਲਤ 'ਚ ਮਿਲੀ ਅਤੇ ਇੱਕ ਧਾੜਵੀ ਵੀ ਮ੍ਰਿਤ ਪਾਇਆ ਗਿਆ। ਜ਼ਖਮੀ ਹਾਲਤ ਵਿਚ ਬੱਚੀ ਨੂੰ ਹਸਪਤਾਲ ਲੈ ਜਾਇਆ ਗਿਆ ਜਿੱਥੇ ਉਸਦੀ ਮੌਤ ਹੋ ਗਈ। ਦੂਜੇ ਧਾੜਵੀ ਨੂੰ ਕਾਬੂ ਕਰ ਲਿਆ ਗਿਆ ਜਦੋਂ ਕਿ ਤੀਜਾ ਧਾੜਵੀ ਬਚ ਨਿਕਲਣ ਵਿਚ ਸਫਲ ਹੋ ਗਿਆ।
South Africa Murderਕਵਾਜੁਲੂ-ਨੇਟਲ ਪੁਲਿਸ ਦੇ ਅਧਿਕਾਰੀ ਕੈਪਟਨ ਨਿਕਬਾਇਲ ਗਵਾਲਾ ਨੇ ਇੱਕ ਧਾੜਵੀ ਦੇ ਮਾਰੇ ਜਾਣ ਦੀ ਪੁਸ਼ਟੀ ਕੀਤੀ ਹੈ। ਇਸ ਘਟਨਾ ਤੋਂ ਬਾਅਦ ਭਾਰਤੀ ਮੂਲ ਦੇ 3,000 ਤੋਂ ਵੱਧ ਮੈਂਬਰ ਚੈਟਸਵਰਥ ਠਾਣੇ ਦੇ ਬਾਹਰ ਇਕੱਠੇ ਹੋਏ ਅਤੇ ਜਲਦ ਤੋਂ ਜਲਦ ਪੁਲਿਸ ਕਾਰਵਾਈ ਦੀ ਮੰਗ ਕੀਤੀ। ਚੈਟਸਵਰਥ ਡਰਬਨ ਵਿਚ ਇੱਕ ਭਾਰਤੀ ਉਪਨਗਰ ਹੈ ਜਿਸ ਵਿਚ ਪੀੜਿਤਾ ਦੇ ਪਰਿਵਾਰ ਵਲੋਂ ਕੀਤੇ ਜਾਣ ਵਾਲੇ ਲੜਕੀ ਦੇ ਅੰਤਮ ਸੰਸਕਾਰ ਦੀ ਤਿਆਰੀ ਨੂੰ ਲੈ ਕੇ ਹੋਣ ਵਾਲੇ ਰੋਸ ਪ੍ਰਦਰਸ਼ਨ ਦੇ ਸ਼ੱਕ ਨੂੰ ਧਿਆਨ 'ਚ ਰੱਖਦੇ ਹੋਏ ਪੁਲਿਸ ਅਤੇ ਭਾਈਚਾਰੇ ਦੇ ਨੇਤਾਵਾਂ ਨੇ ਸ਼ਾਂਤੀ ਬਣਾਏ ਰੱਖਣ ਦੀ ਅਪੀਲ ਕੀਤੀ ਹੈ।
ਬੱਚੀ ਦੀ ਗੋਲੀ ਮਾਰ ਕਰ ਕਿ ਹੱਤਿਆ ਕੀਤੇ ਜਾਣ ਦੀ ਖਬਰ ਸਾਹਮਣੇ ਆਉਣ ਦੇ ਬਾਅਦ ਸੋਸ਼ਲ ਮੀਡਿਆ ਉੱਤੇ ਉਸਨੂੰ ਸ਼ਰਧਾਂਜਲੀ ਦਿੱਤੀ ਜਾ ਰਹੀ ਹੈ।
