photo
60 ਲੋਕ ਲਾਪਤਾ
ਮਨੀਲਾ: ਫਿਲੀਪੀਨਜ਼ ਵਿੱਚ ਭਾਰੀ ਮੀਂਹ ਕਾਰਨ ਹੜ੍ਹਾਂ ਅਤੇ ਜ਼ਮੀਨ ਖਿਸਕਣ ਕਾਰਨ ਘੱਟੋ-ਘੱਟ 47 ਲੋਕਾਂ ਦੀ ਮੌਤ ਹੋ ਗਈ ਹੈ ਅਤੇ ਦਰਜਨਾਂ ਲੋਕ ਲਾਪਤਾ ਹਨ। ਸਭ ਤੋਂ ਜ਼ਿਆਦਾ ਪ੍ਰਭਾਵਿਤ ਦੱਖਣੀ ਸੂਬੇ 'ਚ ਹੋਇਆ ਹੈ, ਜਿੱਥੇ ਹੜ੍ਹ ਦੇ ਪਾਣੀ, ਚਿੱਕੜ, ਚੱਟਾਨਾਂ ਅਤੇ ਦਰੱਖਤਾਂ ਦੇ ਹੇਠਾਂ ਲਗਭਗ 60 ਪਿੰਡ ਵਾਸੀ ਲਾਪਤਾ ਅਤੇ ਦੱਬੇ ਹੋਣ ਦਾ ਖਦਸ਼ਾ ਹੈ। ਅਧਿਕਾਰੀਆਂ ਨੇ ਸ਼ਨੀਵਾਰ ਨੂੰ ਇਹ ਜਾਣਕਾਰੀ ਦਿੱਤੀ।
ਮਿਲੀ ਜਾਣਕਾਰੀ ਅਨੁਸਾਰ ਵੀਰਵਾਰ ਰਾਤ ਤੋਂ ਸ਼ੁੱਕਰਵਾਰ ਸਵੇਰੇ ਮੈਗਵਿੰਡਨਾਓ ਸੂਬੇ ਦੇ ਤਿੰਨ ਕਸਬਿਆਂ ਵਿੱਚ ਹੜ੍ਹ ਦੇ ਪਾਣੀ ਵਿੱਚ ਘੱਟੋ-ਘੱਟ 42 ਲੋਕ ਵਹਿ ਗਏ।
ਸਰਕਾਰ ਦੀ ਆਫ਼ਤ-ਪ੍ਰਤੀਕਿਰਿਆ ਏਜੰਸੀ ਨੇ ਕਿਹਾ ਕਿ ਸ਼ਨੀਵਾਰ ਤੜਕੇ ਪੂਰਬੀ ਸੂਬੇ ਕੇਮੇਰਿਨ ਸੁਰ ਵਿੱਚ ਆਏ 'ਨਾਲਗੇ' ਨਾਮਕ ਤੂਫ਼ਾਨ ਵਿੱਚ ਪੰਜ ਹੋਰ ਲੋਕ ਮਾਰੇ ਗਏ। ਮੈਗਵਿੰਦਨਾਓ ਸੂਬੇ ਦੇ ਦਾਤੂ ਓਡਿਨ ਸਿਨਸੁਆਤ ਸ਼ਹਿਰ ਦੇ ਕੁਸੇਓਂਗ ਪਿੰਡ ਵਿੱਚ 60 ਤੋਂ ਵੱਧ ਲੋਕ ਲਾਪਤਾ ਹਨ।
