ਅਮਰੀਕਾ 'ਚ ਮੌਸਮ ਵਿਭਾਗ ਨੇ ਇਸ ਹਫ਼ਤੇ ਕੜਾਕੇ ਦੀ ਠੰਡ ਪੈਣ ਦਾ ਅਨੁਮਾਨ ਜਤਾਇਆ ਹੈ। ਇਸ ਵਿਚ ਕਿਹਾ ਗਿਆ ਹੈ ਕਿ ਇਸ ਤਰ੍ਹਾਂ ਦੀ ਸਰਦੀ ਕਈ ਸਾਲਾਂ ਵਿਚ ਇਕ ਵਾਰ ਪੈਂਦੀ ...
ਵਾਸ਼ਿੰਗਟਨ : ਅਮਰੀਕਾ 'ਚ ਮੌਸਮ ਵਿਭਾਗ ਨੇ ਇਸ ਹਫ਼ਤੇ ਕੜਾਕੇ ਦੀ ਠੰਡ ਪੈਣ ਦਾ ਅਨੁਮਾਨ ਜਤਾਇਆ ਹੈ। ਇਸ ਵਿਚ ਕਿਹਾ ਗਿਆ ਹੈ ਕਿ ਇਸ ਤਰ੍ਹਾਂ ਦੀ ਸਰਦੀ ਕਈ ਸਾਲਾਂ ਵਿਚ ਇਕ ਵਾਰ ਪੈਂਦੀ ਹੈ। ਇਸ ਦੇ ਚਲਦੇ ਤਾਪਮਾਨ ਮਾਈਨਸ 53 ਸੈਂਟੀਗਰੇਡ ਤੱਕ ਡਿੱਗ ਸਕਦਾ ਹੈ। ਇਹ ਸਭ ਪੋਲਰ ਵੋਰਟੇਕਸ ਮਤਲਬ ਠੰਡੀ ਹਵਾ ਦੇ ਚਲਦੇ ਹੋਏ ਆਰਕਟਿਕ ਬਲਾਸਟ ਦੇ ਚਲਦੇ ਹੋਵੇਗਾ। ਇਸ ਦੇ ਚਲਦੇ ਤਕਰੀਬਨ ਸਾਢੇ ਪੰਜ ਕਰੋੜ ਲੋਕ ਪ੍ਰਭਾਵਿਤ ਹੋ ਸਕਦੇ ਹਨ। ਵਿਸਕੋਂਸਿਨ, ਮਿਸ਼ਿਗਨ ਅਤੇ ਇਲਿਨੋਇਸ ਜਿਵੇਂ ਮੱਧ ਪੱਛਮੀ ਰਾਜਾਂ ਵਿਚ ਐਮਰਜੈਂਸੀ ਐਲਾਨ ਕਰ ਦਿਤੀ ਗਈ ਹੈ।
America
ਇਸ ਦਾ ਅਸਰ ਸਾਮਾਨ ਮੌਸਮ ਵਾਲੇ ਦੱਖਣੀ ਰਾਜਾਂ ਜਿਵੇਂ ਅਲਾਬਾਮਾ ਅਤੇ ਮਿਸੀਸਿਪੀ ਵਿਚ ਵੀ ਹੋਵੇਗਾ। ਇੱਥੇ ਵੀ ਐਮਰਜੈਂਸੀ ਐਲਾਨ ਕਰ ਦਿਤੀ ਗਈ ਹੈ। ਇਕ ਰਿਪੋਰਟ ਦੇ ਅਨੁਸਾਰ ਆਯੋਵਾ ਰਾਜ ਦੇ ਮੌਸਮ ਅਧਿਕਾਰੀਆਂ ਨੇ ਲੋਕਾਂ ਨੂੰ ਚਿਤਾਵਨੀ ਦਿਤੀ ਹੈ ਕਿ ਬਾਹਰ ਜਾਣ 'ਤੇ ਗਹਿਰੀ ਸਾਹ ਲੈਣ ਤੋਂ ਬਚੋ ਅਤੇ ਘੱਟ ਤੋਂ ਘੱਟ ਗੱਲ ਕਰੋ। ਰਾਸ਼ਟਰੀਏ ਮੌਸਮ ਸੇਵਾ ਦਾ ਕਹਿਣਾ ਹੈ ਕਿ ਇਸ ਤਰ੍ਹਾਂ ਦੀ ਠੰਡ ਵਿਚ 10 ਮਿੰਟ ਤੱਕ ਵੀ ਬਾਹਰ ਰਹਿਣਾ ਘਾਤਕ ਹੋ ਸਕਦਾ ਹੈ ਅਤੇ ਫਰਾਸਟਬਾਈਟ ਮਤਲਬ ਸਰਦੀ ਨਾਲ ਅੰਗ ਸੁੰਨ ਹੋਣ ਦੇ ਸ਼ਿਕਾਰ ਹੋ ਸਕਦੇ ਹਨ।
Aerial footage shows the view of the Chicago River as the city experiences brutally cold temperatures—and could see a wind chill of 50 below zero on Wednesday. https://t.co/ccrTwwfdf4 pic.twitter.com/Xr0bawX4Nt
— ABC News (@ABC) January 29, 2019
ਮੌਸਮ ਦੀ ਇਹ ਮਾਰ ਮੰਗਲਵਾਰ ਤੋਂ ਵੀਰਵਾਰ ਦੇ ਦੌਰਾਨ ਪੈ ਸਕਦੀ ਹੈ। ਇਸ ਦੌਰਾਨ ਅਨੁਮਾਨ ਹੈ ਕਿ ਸ਼ਿਕਾਗੋ ਦਾ ਤਾਪਮਾਨ ਅੰਟਾਕਰਟਿਕਾ ਤੋਂ ਵੀ ਜ਼ਿਆਦਾ ਹੋ ਜਾਵੇਗਾ। ਉਥੇ ਹੀ ਇਲਿਨੋਇਸ ਸ਼ਹਿਰ ਦਾ ਤਾਪਮਾਨ ਮਾਈਨਸ 27 ਫਾਰੇਨਹੀਟ ਤੱਕ ਡਿੱਗ ਸਕਦਾ ਹੈ। ਅਧਿਕਾਰੀਆਂ ਨੇ ਦੱਸਿਆ ਕਿ ਜਮਾਂ ਦੇਣ ਵਾਲੀ ਠੰਡੀ ਹਵਾ ਦੇ ਚਲਦੇ ਸਰਦੀ ਜ਼ਿਆਦਾ ਮਹਿਸੂਸ ਹੋਵੇਗੀ। ਵਿਸਕੋਂਸਿਨ ਵਿਚ ਦੋ ਫੁੱਟ ਅਤੇ ਇਲੀਨੋਇਸ ਵਿਚ 6 ਇੰਚ ਤੱਕ ਦੀ ਬਰਫ ਪੈਣ ਦਾ ਅਨੁਮਾਨ ਹੈ। ਅਲਾਬਾਮਾ ਅਤੇ ਜਾਰਜੀਆ ਵਿਚ ਵੀ ਬਰਫ ਡਿੱਗ ਸਕਦੀ ਹੈ।
ਮੌਸਮ ਵਿਗਿਆਨੀਆਂ ਦਾ ਕਹਿਣਾ ਹੈ ਕਿ ਮੋਰਾਕੋ ਦੇ ਵੱਲੋਂ ਗਈ ਗਰਮ ਹਵਾ ਦੇ ਚਲਦੇ ਉੱਤਰੀ ਧਰੁਵ 'ਤੇ ਗਰਮੀ ਵਧੀ ਅਤੇ ਇਸ ਦੇ ਚਲਦੇ ਉੱਥੇ ਬਲਾਸਟ ਹੋਇਆ। ਇਸ ਵਜ੍ਹਾ ਨਾਲ ਤਾਪਮਾਨ ਜਮਾਂ ਦੇਣ ਵਾਲੇ ਸਤਰ ਤੋਂ ਵੀ ਹੇਠਾਂ ਜਾ ਸਕਦਾ ਹੈ। ਉਥੇ ਹੀ ਠੰਡ ਵਧਣ ਦੀ ਚਿਤਾਵਨੀ ਜਾਰੀ ਹੋਣ ਤੋਂ ਬਾਅਦ ਕਈ ਸ਼ਹਿਰਾਂ ਵਿਚ ਲੁੱਟ-ਖਸੁੱਟ ਦੀਆਂ ਘਟਨਾਵਾਂ 'ਚ ਤੇਜੀ ਦੇਖਣ ਨੂੰ ਮਿਲੀ ਹੈ।
ਸਥਾਨਕ ਮੀਡੀਆ ਦੇ ਅਨੁਸਾਰ ਸ਼ਿਕਾਗੋ ਪੁਲਿਸ ਨੇ ਦੱਸਿਆ ਕਿ ਬੰਦੂਕ ਦਿਖਾ ਕੇ ਕਈ ਲੋਕਾਂ ਤੋਂ ਉਨ੍ਹਾਂ ਦੇ ਗਰਮ ਕੋਟ ਲੁੱਟ ਲਏ। ਇਸ ਤੋਂ ਇਲਾਵਾ ਕਨੇਡਾ ਗੂਜ ਜੈਕੇਟ ਸੱਭ ਤੋਂ ਜਿਆਦਾ ਨਿਸ਼ਾਨੇ 'ਤੇ ਰਹੀ। ਇਹ ਜੈਕੇਟ ਕਾਫ਼ੀ ਗਰਮ ਰਹਿੰਦੇ ਹਨ ਪਰ ਇਹਨਾਂ ਦੀ ਕੀਮਤ ਵੀ ਕਾਫ਼ੀ ਜਿਆਦਾ ਹੁੰਦੀ ਹੈ। ਜਿਆਦਾਤਰ ਲੋਕ ਇਸ ਨੂੰ ਖਰੀਦ ਨਹੀਂ ਸਕਦੇ। ਇਸ ਜੈਕੇਟ ਦੀ ਕੀਮਤ 1100 ਡਾਲਰ ਦੇ ਕਰੀਬ ਹੁੰਦੀ ਹੈ। ਸ਼ਿਕਾਗੋ ਦੇ ਬਰੂਕਫੀਲਡ ਚਿੜੀਆਘਰ ਨੂੰ ਵੀ ਬੁੱਧਵਾਰ ਅਤੇ ਵੀਰਵਾਰ ਨੂੰ ਬੰਦ ਰੱਖਿਆ ਜਾਵੇਗਾ। ਪਿਛਲੇ 85 ਸਾਲ ਵਿਚ ਕੇਵਲ ਚੌਥੀ ਵਾਰ ਹੋਵੇਗਾ ਜਦੋਂ ਇਸ ਨੂੰ ਬੰਦ ਕੀਤਾ ਜਾ ਰਿਹਾ ਹੈ। ਅਮਰੀਕਾ ਤੋਂ ਆਉਣ - ਜਾਣ ਵਾਲੀ ਤਕਰੀਬਨ 1100 ਫਲਾਈਟ ਮੰਗਲਵਾਰ ਨੂੰ ਰੱਦ ਹੋਈਆਂ ਹਨ।
